Génesis 1:1 - Bible in Tzeltal de Oxchuc y Tenejapa

¹ 12Ta xjajch'ibal Dios la spas spisil te bitic aye, ch'ulchan balumilal.

Bible in Tzeltal Bachajón

¹ Ta shahchibal Dios la spas te ch'ulchan soc bahlumilal.

Génesis 1:1 Referans Kwoze

Hebreos 11:3

Ta swenta xch'uunjel co'tantic jich jna'ojtic stojol te tic' pastaj ch'ulchan balumilal a te bit'il c'opoj te Diose. Jich te bila chican ta ilel ya quiltique, ma chicanuc ta ilel te bila pasbil a.

Isaías 45:18

Te jchicnanteswanej yu'un te ch'ulchane, ja' te Dios te Ajwalil stuquele, ja' te la spas te lumq'uinal soc te la xchajban, ja' te tulan la snajc'ane, te mach'a la xchicnantese, ma yu'unuc la sc'an te jochol ya xjile, ay me yajwal ya xc'ot, jich ya yal: —Jo'on Ajwalilon, ma'yuc yan.

Apocalipsis 4:11

“Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Hebreos 1:10

Soc jich la yal xan: “Cajwal, ja'at la awac'bey yiptajib ta xjajch'ibal te balumilale, soc ja' yat'el ac'ab te ch'ulchane.

Isaías 42:5

Te Cajwaltic Dios, ja' la xchicnantes te ch'ulchane, la slim bael jichuc pac'. La xchajban te balumilal soc te bitic ya xch'i tey a; ja' ya yac'bey xcuxlejal soc ja' la yac'bey yich' ic' te ants-winiquetic te nainemic tey a. Jich ya yalbey te yabate:

Éxodo 20:11

Melel te Ajwalilone, waqueb nax c'aal la jpas te ch'ulchan balumilal, te mar soc spisil te bitic aye. Ta sjuquebal c'aal la jcux co'tan, la cac'bey bendición, soc ch'ultesbil c'ot cu'un.

Job 38:4

¿Banti ayat a te c'alal la jpas te lumq'uinale? Albon me caiy jiche, teme mero melel te bayal bitic ana'oje.

Hechos 17:24

“Te Dios te la spas te balumilale soc spisil te bitic ay tey ae, ja' yajwal stuquel te ch'ulchan soc te balumilale. Ma snain temploetic te pasbil ta c'abal yu'un te ants-winiquetique,

2 Pedro 3:5

Ja' in ants-winiquetic to, ma sna'ic stojol te bit'il namey q'uinal ay te ch'ulchane. Smandal Dios te chicnaj ta yolil ja' te balumilale, la yac' ta olil te ja'e.

Nehemías 9:6

Te Esdras jich la yal: —Ja'at te Ajwalilat cu'untique, ma'yuc mach'a yan. Ja'at la apas ch'ulchan soc te mero stoyolile, soc ta spisil te eq'uetique. Ja'at la apas te lumq'uinale, soc spisil te bitic ay tey ae. Ja'at ya awac'bey xcuxlejal ta spisil te bitic aye. Ja' yu'un ya squejan sbaic ta atojol c'oem te eq'uetic ta ch'ulchane.

Isaías 44:24

Te Cajwaltic jich ya yalbat, ja' te J'ac'wanej ta libre awu'une, te la xchicnantesat te c'alal ma to x'ayinat a: —Jo'on Ajwalilon, te la jchicnantes spisil te bitic aye; jo'on la jlim bael te ch'ulchane, soc la jtulantes te balumilale, ma'yuc mach'a la scoltayon.

Jeremías 32:17

—Ja'at Cajwal, ta smuc'ul awu'el la achicnantes ta pasel ch'ulchan balumilal. Ma'yuc bila ma xju' awu'un atuquel.

Jeremías 51:15

Te Cajwaltic, ta yu'el la spas te lumq'uinale; ta swenta sp'ijil, tulanajem yu'un te balumilale; ta swenta sp'ijil, la slim bael te ch'ulchane.

Salmos 33:9

C'alal c'opoj te Cajwaltique, jich pastaj ta spisil; ja' la spas mandal stuquel, jich toj ts'unaj jilel ta spisil.

Proverbios 3:19

Te Cajwaltic ta swenta sp'ijil yo'tan la yac'bey yiptajib te balumilale; soc ta swenta sp'ijil sjol la yac' chicnajuc te ch'ulchan.

Apocalipsis 14:7

Tulan jich yac ta yalel ta c'op: “Xi'aic me te Diose. Albeyaic yutsil sc'oplal, yu'un c'otix yorail te ich'el ta c'ope. Lajina me abaic ta stojol te Mach'a la spas ch'ulchan soc te balumilale soc te mare soc te sloc'ja'etique”, xi' la caiy.

Salmos 115:15

Te Cajwaltic te spasoj ch'ulchan balumilal, ac'a yac'beyex bendición ta atojolic.

Hechos 14:15

—Winiquetic, ¿bistuc te jich ya apasique? Melel te jo'otique winicotic uuc jich te bit'ilexe. Ja' tal calbeyex te ya awijq'uitayic ta pasel te bila xujt' ma'yuc stuule soc te ya asujt'es awo'tanic ta stojol te cuxul Dios te ja' la spas te ch'ulchane te balumilale te mare soc spisil te bitic ay tey a.

Salmos 136:5

Ja' la spas te ch'ulchan ta swenta sp'ijil yo'tan, sbajt'el q'uinal ay te xc'uxul yo'tane.

Jeremías 10:12

Te Cajwaltic, ta yu'el la spas te lumq'uinale; ta swenta sp'ijil, tulanajem yu'un te balumilale; ta swenta sp'ijil yo'tan, la slim bael te ch'ulchane.

1 Corintios 8:6

ja'uc me to, te jo'otique, jun nax Dios ay cu'untic, ja' te Tatile. Ja' la spas spisil te bitic aye soc ja' yu'unotic uuc. Soc jun nax te mach'a cajwalinejtique, ja' te Jesucristoe. Ja' ta swenta te ay spisil te bitic aye; soc uuc te jo'otique, ja' cuxulotic ta swenta uuc.

Salmos 8:3

C'alal ya quil te ch'ulchan te ja'at nix la apas atuquele, soc te u soc te eq'uetique,

Salmos 102:25

Ja'at la awac'bey yiptajib te balumilal ta xjajch'ibal; ja'at nix atuquel la apas te ch'ulchane.

Hebreos 3:4

Melel spisil te naetic puersa ay mach'a la spas. Ja'uc me to, ja' la spas spisil bitic ay stuquel te Diose.

Salmos 124:8

Te jcoltayeltic ya xtal ta stojol Cajwaltic, ja' te la spas ch'ulchan balumilal.

Hebreos 1:2

Yan ta ora to te slajibal c'aal ayotique, la sc'oponotiquix ta swenta te Snich'ane. Dios la spas ch'ulchan balumilal ta swenta te Snich'ane, soc ja' yac'ojbey yu'unin spisil te bitic aye.

Proverbios 16:4

Te Cajwaltic la xchicnantes spisil, yu'un ay swentail ta yo'tan; ja' nix jich la xchicnantes te mach'a amen yo'tane, swenta yu'un ya yich' castigo ta slajibal c'aal.

Salmos 33:6

Te ch'ulchan soc spisil te bitic ay yu'une, ja' la spas te Cajwaltic ta swenta sc'op soc ta swenta ic' te loc' ta yee.

Salmos 121:2

Ja'uc me to, te jcoltayel ja' ya xtal yu'un te Cajwal, ja' te spasoj ch'ulchan balumilal.

Zacarías 12:1

Ja' in to, ja' sc'op Cajwaltic te la yalbey sc'oplal Israel. Ja' te Cajwaltic te la slim bael ta pasel te ch'ulchan, soc te la yac'bey yiptajib te lumq'uinale, soc te la yac'bey xcuxlejal te ants-winiquetique, tulan ya yal:

Isaías 40:28

¿Yu'un bal ma x'ana'? ¿Ma bal awaiyojuc stojol? Te Cajwaltique, ja' te Dios te sbajt'el q'uinal aye, ja' te la xchicnantes spamal te balumilale, ma'yuc bay ya xcom yo'tan soc ma xlub; te bitic sna'oje, bajt' nax ta jyalel.

Salmos 104:24

Cajwal, ma p'isbiluc nax te bitic apasoje. Ta spisilic la apas soc sp'ijil awo'tan; nojelic ta balumilal spisil te bitic la achicnantese.

Salmos 96:5

Te diosetic yu'un te yantic lumetic, ma'yuc sc'oplalic ta jc'axel; yan te Cajwaltic ja' la spas te ch'ulchane.

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.

Romanos 11:36

Te melel spisil te bitic aye, ja' yu'un. Ja' nix spasoj spisil, soc ja' swentainej stuquel. Ja' ac'a chicnajuc yutsilal ta bayuc sbajt'el q'uinal. Jichuc.

Hechos 4:24

C'alal la yaiyic stojol, jun nax te bi la yalbeyic te Diose, jich la yalic: —Cajwaltic, muc' Diosat atuquel, ja'at la apas ch'ulchan balumilal soc te mare soc spisil te bitic aye.

Salmos 90:2

Te c'alal ma to ayuc a te witstiquil, te c'alal ma to ayuc a te lumq'uinal soc spisil bitic ay, c'alal to ta mero namey soc ja' to c'alal ta patil bael, ja'at atalel Diosat atuquel.

Isaías 51:16

La jlim bael te ch'ulchan soc la cac'bey yiptajib te balumilale. Jo'on la cac'bat ta awe te jc'ope, soc la jcanantayat ta yaxinal te jc'abe. La calbey te Sión: “Ja'at lumat cu'un”, la cut —xi' te Cajwaltique.

Isaías 37:16

—Cajwal te Spisil ya xju' awu'une, Diosat yu'un Israel te tey ay amuc'ul nactijib ta sba te querubinetic, ja'at nax Diosat atuquel, yu'un ay ta awenta spisil te mach'atic ya xmandalaj ta balumilal; ja'at la achicnantes ch'ulchan balumilal.

Salmos 146:6

Ja' la spas ch'ulchan, balumilal, soc mar, soc spisil te bitic aye. Melel te bila ya yal, ya xc'ot ta pasel.

Salmos 134:3

Ja' te Cajwaltic te la spas ch'ulchan balumilal, ac'a yac'beyex bendición c'alal ta wits Sión.

Apocalipsis 22:13

Jo'on Alfaon, jo'on Omegaon. Ayon ta xjajch'ibal, ayon ta slajibal. Ayon ta neelal soc ta slajibal”, xi' te Jesuse.

1 Juan 1:1

Ya calbeyex sc'oplal te mach'a stalel ay ta xjajch'ibale. La caiybeytic stojol te sc'ope soc la quiltic ta jsitique, melel la jna'beytic sba te bi yilele soc la jpictic ta jc'abtic te C'opil te ay cuxinel ta swentae.

San Marcos 13:19

Melel ma'yuc bay jich woclajel ay tel te c'alal la yich' pasel yu'un Dios te balumilale. Soc ta patil ma'yuquix jich ya xc'ot ta pasel.

Isaías 40:26

Toyaic moel asitic ta ch'ulchan soc ilawilic: ¿Mach'a la xchicnantes spisil? Ja' te mach'a ya spuc ta jujune, soc te ya yic' tel ta sbiile. Mero c'ax muc' te yu'el soc te yipe, ma'yuc junuc ya xch'ay.

Salmos 104:30

Yan teme ya awac'bey te ic' yu'un te xcuxlejale, jich cuxul ya xjil; soc jich ya x'ach'ub yutsilal awu'un te balumilale.

1 Crónicas 16:26

Te diosetic yu'unic te jyanlumetique ma'yuc sc'oplal stuquelic; ja'uc me to, te Cajwaltic la spas te ch'ulchane.

Apocalipsis 21:6

Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Efesios 3:9

Jich yac'ojbon ta jwenta te Diose, te ja' la xchicnantes spisil te bitic aye, te ya cac'bey sna' stojol spisil ants-winiquetic te bit'il ay sc'oplal te bila xchapoj ta yo'tane, te muquen ay ta yo'tan ta namey q'uinal tele.

Isaías 51:13

¿Ya bal xch'ay ta awo'tan te Awajwal te Jpaswanej awu'une, ja' te mach'a la slim bael te ch'ulchan, soc te la yac'bey yiptajib te balumilale? ¿Ja' bal julel bael ya xnijc' awo'tan yu'un spisil ora te sc'ajc'al yo'tanic te j'uts'inwanejetic awu'une, te xchajbanej sbaic yu'un sjinbelate? Ja'uc me to, ¿banti ay te sc'ajc'al yo'tanique?

Isaías 65:17

“Aiya awaiy stojol, ya me jpas yach'il ch'ulchan soc yach'il balumilal. Te bila c'axemixe ya me xch'ay jilel ta o'tanil, ma me ayuc jtuluc ya sna' xan.

Apocalipsis 3:14

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Laodicea: Te Mach'a Jichuc, te xie, te stalel ma'yuc lot ta yo'tane, jun nax yo'tan ya yal ta testigo te bila smelelile, te ja' ta swenta te chicnantesbil yu'un Dios spisil te bitic aye, jich la yal:

Job 26:13

La sjujch'iy bael te tocale, jich buen lec jil te ch'ulchane; ta sc'ab la smil te chan yac ta anele.

Eclesiastés 12:1

Na'a me te Jpaswanej awu'un te bit'il jch'ielat toe, te bit'il ma to staojuc yorail te awocol te c'alal ya xmamalubate. Melel ya me sta yorail te jich ya awale: “Jc'axel ma jtabey yutsilal ya caiy te jcuxlejal ta q'uinale”, te xaate.

San Mateo 11:25

Ja' nix ta yorail a te jich la yal te Jesuse: —Jtat, te ajwalilat yu'un te ch'ulchane, te balumilale, jelawen yutsil awo'tan te ja' la awac'bey sna'ic stojol spisil in to te mach'atic alaletic c'oeme, ma ja'uc la awac'bey sna'ic stojol te mach'atic ay sp'ijilique soc te ya sna'ic q'uinal ta leque.

Éxodo 31:18

Te c'alal laj yo'tan ta c'op soc Moisés ta wits Sinaí te Cajwaltic, la yac'bey ta sc'ab te cha'pejch' ton te ay mandaliletic tey a, te sts'ibuyej ta sc'ab stuquel te Diose.

Job 9:8

Stuquel la slim bael te ch'ulchane, ma'yuc mach'a coltayot yu'un; stuquel ju' yu'un stec'beyel yip te muc'ul chambalam ta mare.

Isaías 40:21

¿Yu'un bal ma x'ana'ic te ja'exe? ¿Ma bal awaiyojuc stojol ta alel sc'oplal? ¿Ma bal la yalbeyex awaiyic ta xjajch'ibal tel? ¿Yu'un bal ma c'oemuc ta awo'tan te c'alal chicnaj te balumilale?

2 Reyes 19:15

Jich la yal: —Cajwal te Diosat yu'un te israeletique, te ay amuc'ul nactijib ta sba te querubinetique, ja'at nax atuquel Diosat te ya apas mandal ta stojol spisil te muc' ajwaliletic ta balumilale, ja'at la apas te ch'ulchan soc te balumilale.

2 Crónicas 2:11

Jich yu'un te Hiram, te muc' ajwalil yu'un lum Tiro, la sticunbey bael jun carta ta stojol Salomón, jich la yal bael: “Te Awajwal la yac'at ta muc' ajwalil yu'un te israeletic, melel c'ux ta yo'tan te lum yu'une”, xi'.

Salmos 8:4

ya cal ta co'tan: “¿Bi swentailuc awu'un te ants-winique? ¿Bi swentailuc awu'un te mach'a ch'ich'-baq'uet naxe? ¿Bi yu'un te ay ta na'el awu'un soc te ay sc'oplal ta awo'tane?”