Gálatas 6:8 - Bible in Tzeltal de Oxchuc y Tenejapa

⁸ Melel te mach'a ya sts'un ta swenta baq'uet, ja' nix ya sc'aj ta swenta baq'uet te ya xlaje. Yan te mach'a ja' ya sts'un te bila swenta te Espiritue, ja' nix ya sc'aj ta swenta Espíritu te ay cuxlejal yu'un stuquele.

Nuevo Testamento Tzeltal de Amatenango

⁸ Te machꞌa ya stsꞌun sok sbujts yoꞌtan te tut ma tsaꞌamuk ya skꞌan te stiꞌbalule, ja skosecha te lajele. Te machꞌa ya stsꞌun sok sbujtsꞌ yoꞌtan ta skuenta Espiritue, ta skuenta Espíritu jaꞌ skosecha te kuxlejal sbajtel kꞌinale.

Bible in Tzeltal Bachajón

⁸ Te mach'a ya sts'un ta scuenta spoco'-talel, ha nix ya stsobe sit te spoco'-talel te ya xjinawane; yan te mach'a ya sts'un ta scuenta te Espíritu, ta scuenta Espíritu ya stsobe scuxlejal sbahtel q'uinal.

Gálatas 6:8 Referans Kwoze

Romanos 8:13

Melel teme ja' ya apasic te bila ya sc'an te abaq'uetalique, ya me xlajex yu'un. Yan teme ta swenta Espíritu te ya awaq'uic ta lajel te bila yat'el te abaq'uetalique, jich me xcuxinex yu'un.

Santiago 3:18

Te mach'atic ya yantayic spasel te lamal q'uinale, ja' ya sts'un te lamal q'uinal soc ja' ya sc'aj te toj-o'tanile.

2 Pedro 2:19

Ya yalbeyic sc'oplal te ayic ta libre. Ja'uc me to, c'axem to xan mosoinbilic yu'un te bila ya xlajinwane. Melel spisil ants-winiquetic, ayic ta moso yu'un spisil te bitic u'uninbilic yu'une.

Job 4:8

Ay quiloj, soc jna'oj: te mach'a ja' ya sts'un te bitic amene, te mach'a ja' ya sts'un te bitic ma lecuque, ja' nix ya stulbey sit te bila neel sts'unoje.

Oseas 10:13

Ja'uc me to, te ja'ex ja' la awat'elinic sts'unel te bila amene, ja' yacalex ta sc'ajel te bila ma stojiluque, soc ja' yacalex ta swe'el sit te lote. “Ta scaj te la awich' aba ta muc' yu'un te bayal acarreta yu'un guerra soc te bayal te soldadoetic awu'une,

Gálatas 6:7

Ma me xalo'lay abaic, melel te Diose ma xju' ta labanel awu'unic. Melel spisil te bila ya yaw te ants-winique, ja' nix ya sc'aj ta patil.

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Proverbios 22:8

Te mach'a ya sts'un te bitic ma lecuc ta pasele, ja' nix ya sc'ajbey swocolil; te Cajwaltic ya me slajin ta sbastón ta sc'ajc'al yo'tan.

Apocalipsis 22:11

Te mach'a amen yo'tane, jichuc ac'a spas xan bael te bila amene. Te mach'a bol yo'tane, jichuc ayuc bael te yo'tane. Yan te mach'a lec yo'tane, ac'a spas xan bael te bila lec ta pasele; soc te mach'a ch'ultesbil yu'un te Diose, ch'ultesbiluc me bael te yo'tane” —la yuton.

San Juan 4:36

Te mach'atic ya sc'ajique, ya me x'ac'bot stojol sc'ab yu'un. Soc te sit c'ajoj te ya stsobique, sbajt'el q'uinal ya xcuxin, swenta yu'un pajal me ya xbujts'naj yo'tanic soc te mach'atic la yaiyic awale soc te mach'atic la yaiyic c'ajoje.

Judas 1:21

Jc'axel ac'a abaic ta bay xc'uxul yo'tan te Diose. Soc maliyaic te bi c'aalil ya xc'uxtayotic te ya yac'botic jcuxlejaltic sbajt'el q'uinal ta jpisiltic te Cajwaltic Jesucristoe.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

Romanos 6:13

Ma me xawac' ta tuuntesel yu'un mulil te abaq'uetal ta spasel te bila amene. Jich yu'un ac'a abaic ta sc'ab Dios jich bit'il te mach'a cha'cuxemix tel ta bay te animaetique. Jich yu'un ac'aic ta tuuntesel yu'un Dios te abaq'uetalic ta spasel te bila toje.

Jeremías 12:13

La sts'unic trigo, pero jch'ix la stulic loq'uel; spisil te yat'elique tojol nax. La staic falta soc te trigo ta scaj sc'aal stulanil quilimba —xi' te Cajwaltique.

Eclesiastés 11:6

Ts'una te ats'unub ta sabe, soc ts'una xan ta mal c'aal, melel ma xju' awu'un sna'el bay lec ya xc'ot, teme ja' lec ya xc'ot te neel la ats'une o ja' te patilix la ats'un, o teme lec ya xc'ot xchebalique.

San Mateo 19:29

Spisil mach'a ay bi ya yijq'uitay jilel ta jwenta, chican teme sna, sbanquiltac, xwixitac, yijts'inab, sme'-stat, yinam, snich'nab, o ja' te sq'uinale, jo'winic buelta ya x'esmaj sjelol te ya x'ac'bote, soc ya me x'ac'ot cuxinuc sbajt'el q'uinal.

Oseas 8:7

Ja'ic la sts'unic c'oem te ic' soc la sc'ajic te tulan yic'al ja'ale. Ma me ayuc bila ya sc'ajic loq'uel ta q'uinal, ma me bay ya staic loq'uel harina ta sit trigo; teme ay to ya sloq'uesique, te jyanlumetic ya me swe'elinic.

Tito 3:7

swenta yu'un lec ya yilotic te Diose ta swenta nax te yutsil yo'tane. Jich me ay ta jwentatic te ya quich'tic jcuxlejaltic sbajt'el q'uinal, jich bit'il te maliybil cu'untique.

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Lucas 18:30

bayal buelta ya x'esmaj sjelol ya yich' li'to ta balumilal, ta patil ya me staic xcuxlejalic sbajt'el q'uinal —xi' te Jesuse.

Isaías 32:20

te ja'exe bin nax me awo'tanic ta ainel. Ay me bayal ja' ya ya'lelin te awawal-ats'unub, soc lequil aquiltic swenta swe'elic te burro soc te j'at'el-wacaxe.

2 Pedro 2:12

Yan in winiquetic to, pajal c'oemic soc chambalametic, te ma sna'ic q'uinale. Ja' nax cuxulic yu'un te ya yich'ic tsaquel ta milele, jich nix ya xlajic uuc te bit'il te chambalametique. Melel ya slabanic te bila ma sna'ic stojole.

1 Timoteo 1:16

Ja'uc me to, la xc'uxtayon te Diose, swenta yu'un jich me ya yac' ta ilel ta jwenta te bit'il bayal perdón ay ta yo'tan te Jesucristoe. Ja' ejemplo ya yilic a te mach'atic patil ya xch'uunic te Jesucristoe, swenta yu'un jich me ya staic xcuxlejalic sbajt'el q'uinal yu'un.

Proverbios 11:18

Te mach'a amen ya x'at'ej, ya slo'laybey staq'uin yajwal; yan te mach'a toj ya x'at'eje, jun yo'tan ya yich' stojol stuquel.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Romanos 6:23

Melel te stojol te mulile, ja' te lajele. Yan te majt'anil yu'un te Diose ja' te cuxlejal sbajt'el q'uinal ta swenta te jun c'oemotic soc Cristo Jesús te Cajwaltique.

Romanos 8:6

Melel teme ja' nax ya xbajt' ta o'tanil te bila ya sc'an te baq'uete, ja' ya x'ac'awan ta lajel yu'un. Yan teme ya xbajt' ta o'tanil te bila ya sc'an te Espiritue, ja' ya yac' cuxinel soc lamal q'uinal.

Romanos 8:11

Soc teme nainem ta awo'tanic te Espíritu te la xcha'cuxes tel ta bay animaetic te Cristo Jesuse, ja' nanix jich te abaq'uetalic te ya xlaje, ya xcuxin ta swenta te Espíritu te nainem ta awo'tanique.

1 Corintios 15:42

Ja' nanix jich te c'alal ya xcha'cuxic tel soc sbaq'uetalic te animaetique. Ya yich' muquel ta lum q'uinal te sbaq'uetal te ya xc'a'e. Yan te c'alal ya xcha'cux tele, ma xju'ix te ya xc'a'e.