Gálatas 6:3 - Bible in Tzeltal de Oxchuc y Tenejapa

³ Melel teme ay mach'a scuyojix sba ta muc' teme ma meleluque, jich slo'layej sba stuquel a.

Nuevo Testamento Tzeltal de Amatenango

³ Teme ay machꞌa skuyoj sbaix te lek aye kꞌalal maꞌyuk tut ya xjuꞌ yuꞌune, stukel nax mismo sloꞌlayej sba.

Bible in Tzeltal Bachajón

³ Teme ay mach'a muc' ya sp'is sba, te melel mayuc sc'oblal, ha nix ya slo'loy sba.

Gálatas 6:3 Referans Kwoze

Proverbios 26:12

Ya xju' te ay bila lec ya xc'ot ta stojol te mach'a ma sna' q'uinale, pero jc'axel ma'yuc lec bi ya sta te mach'a ya scuy sba ta p'ije.

1 Corintios 3:18

Ma me mach'a ya slo'lay sba. Melel teme ay mach'a ya scuy sba ta p'ij ta swenta in balumilal to, jichuc ac'a scuy sba te ma'yuc bi ya sna'e, swenta yu'un jich me ay sp'ijil ya xc'ot a.

1 Corintios 8:2

Teme ya jcuytic te ay bila jna'ojtic ta leque, yu'un nanix ma jna'tic abi.

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.

2 Corintios 3:5

Ma yu'unuc ya xju' ya caltic te ay bila ya xju' cu'untic ta jtuqueltic naxe. Spisil te bila ya xju' cu'untique, ja' ya yac' c'otuc ta pasel stuquel te Diose.

1 Corintios 13:2

Soc manchuc teme ya caiy j'alwanej, soc teme ya jna' spisil te muquen c'ope, soc teme ay ta co'tan spisil te bila ay ta nopele, soc teme ay xch'uunjel co'tane, soc teme ya xju' cu'un ya jq'uej bael ta yan q'uinal te witsetique, teme ma'yuc xc'uxul te co'tane, tojol ayon ta q'uinal abi.

1 Juan 1:8

Teme ya caltic te ma'yuc jmultique, jtuqueltic nax yacotic lo'laybel jbajtic abi, yu'un ma'yucotic tey ta bay te bila melele.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

San Lucas 18:11

Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

Santiago 1:22

Ja'uc me to, pasaic me te bila ya yal te sc'op Diose. Ma me ja'uc nax te ya awaiyic stojole. Ma me xalo'lay abaic atuquelic a.

Proverbios 25:14

Te tocal soc ic' te ma'yuc ya'lele, jich c'oem te mach'a ya yac' majt'anil ta sc'ope, te mero ma xyaq'ue.

Santiago 1:26

Teme ay mach'a ya yal te xch'uunej ta lec te Diose, teme ma sna' scomel te yaq'ue, ja' nax ya slo'lay sba stuquel abi. Xujt' ma'yuc swentail te bit'il xch'uunej ta sc'op te Diose.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

2 Corintios 12:11

Jich c'opojonix te bit'il mach'a ma sna' q'uinale, yu'un ja'ex nix te la awac'bonic jpase. Melel ja'ex ya sc'an te la awalbonic lec jc'oplal te jichuque. Manchuc teme c'ax peq'uel ayone, ja'uc me to, ma ja'uc peq'uel c'oemon yu'un te muc'ul jpuc-c'opetic awu'unique.

Gálatas 2:6

Yan te mach'atic ich'bilic ta muq'ue, xujt' ma'yuc bi yach'il la yalbonic te ya sc'an ya jchole. (Ma yu'unuc ay sc'oplal ta co'tan te bila at'el yich'ojique, melel ma ja'uc ay sc'oplal ta yo'tan Dios te bi yilelique.)

Hechos 5:36

Te ja'exe, ya sc'an ya ana'ic te Teudas te ayix ja'wil te la yac' sba ta ich'el ta muq'ue. La stsob swinictac te ay niwan bajc' (400) ta jtul winiquetic te tal ta joinel yu'une. Ja'uc me to, la yich' milel stuquel. Jich pujq'uic bael spisil te sjo'taque, soc tey laj sc'oplal a.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.