Gálatas 6:2 - Bible in Tzeltal de Oxchuc y Tenejapa

² Juju-jtul jech cuchbeya abaic te awijc'atsique. Jich me ts'acal ya xc'ot ta ch'uunel awu'unic a te smandal te Cristoe.

Nuevo Testamento Tzeltal de Amatenango

² Koltaya abaik ta xkuchel te ijkatsile, jich me ya xjuꞌ awuꞌunik spasel a te smantal te Cristoe.

Bible in Tzeltal Bachajón

² Talel c'axel me xacoltay abahic ta scuchel awocolic, hich yac ac'ohtesic ta pasel a te ley yu'un Cristo.

Gálatas 6:2 Referans Kwoze

Romanos 15:1

Te jo'otic te ayix quiptic ta swenta xch'uunjel co'tantique, ya sc'an ya jna'beytic yo'bolil sbaic uuc te mach'atic ma to ayuc yipique. Ma me ja'uc nax ya jle jtuqueltic te bila ya jmulantique.

1 Tesalonicenses 5:14

Soc ya calbeyex xan wocol, quermanotac, tac'uyaic me te mach'atic ch'ajetique, tulantesbeyaic yo'tanic te mach'atic ma'yuc yip yo'tanique, coltayaic me te mach'atic peq'uel yo'tanique, soc ma me jtebuc nax stael awo'tanic ta stojol spisilic.

San Juan 13:34

Ta ora to ya calbeyex yach'il mandalil: C'ux me x'awaiy abaic ta awo'tanic, jich te bit'il c'ux la caiyex ta co'tane.

1 Juan 4:21

Melel jich la yalbotic mandal te Diose: “Te mach'a c'ux ya yaiy ta yo'tan te Diose, c'uxuc me ac'a yaiy ta yo'tan uuc te yermanoe”, te xie.

Santiago 2:8

Ja' to lec ya xc'oex ta stojol Dios teme ya ach'uunic spasel te smandal Dios te cajal sc'oplale, jich te bit'il ts'ibubil ta Sjun Diose: “C'ux me x'awaiy te apat-axujq'ue, jich te bit'il c'ux ya awaiy aba atuquel te ja'ate”, te xie.

San Juan 15:12

Te jmandal ya calbeyexe, ja' te c'ux ya awaiy abaic ta awo'tanique, jich te bit'il c'ux la caiyex ta co'tan te jo'one.

Éxodo 23:5

Teme ay la awilbey sburro te mach'a ma lecuc yo'tan ta atojol te pacalix ta lum soc te yijc'atse, coltaya ta sloq'uesel yijc'ats te sburroe.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

San Mateo 8:17

Jich c'ot ta pasel te bila ts'ibubil jilel yu'un te j'alwanej yu'un Dios te Isaías sbiil te jich la yale: “Ja' la yich'botic spisil te jchameltique, soc ja' la sts'ic spisil te bila c'ux la caiytique”, te xie.

Gálatas 6:5

Melel juju-jtul ay ta swenta xcuchel te bi yilel te yat'el ya spase.

1 Corintios 9:21

Te mach'atic ma ba wentainbilic yu'un te mandalile, jich ya cac' jba te bit'il ayique, swenta yu'un jich ya jpas ta ganar a te mach'a ma ba wentainbil yu'un te mandalile. (Ma yu'unuc te ma'yucon ta swenta te mandalile, melel ja' ayonix ta swenta te mandalil yu'un te Cristoe.)

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

San Lucas 11:46

La yal te Jesuse: —Te ja'ex jts'ibojomex ¡ya me awil awocolic! Melel ya awaq'uic ta cuchel ijc'atsil te ma xju' ta cuchel yu'un te ants-winiquetique. Yan te ja'exe ni jch'ixuc sbic'tal ac'ab ya atsaquic te ijc'atsile.

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;

Deuteronomio 1:12

Pero te jo'one mero al ijc'atsil c'oem ta jwenta jtuquel ta chajbanwanej ta atojolic ta swenta te c'opetic soc tsactomba awu'unique.

Santiago 1:25

Yan te mach'a ya yil ta lec te bila ya yal te mandalil, te ya x'ac'wan ta libree, ma me xch'ay ta yo'tan te bila yaiyoj stojole, ac'a me spas. Jich me ya yich' bendición teme ya yat'elin spasele.

Santiago 2:12

Te ja'exe, ya sc'an lec ya xc'opojexe soc te lec ya awac' abaique, jich bit'il te mach'a ya yich' chajbanel yu'un te mandalile.

2 Pedro 2:21

Ja' lec te manchuc lajuc yilic te lequil bee. Yu'un te bit'il yilojiquixe, ja' wocol te la yijq'uitay ta yo'tanic te ch'ul mandalil te ac'bot xch'uunique.

2 Pedro 3:2

Ma me xch'ay ta awo'tanic te bila yalojic ta neelal to te ch'ul j'alwanejetique soc te smandal te Cajwaltic te Jcoltaywanej cu'untique, te la yac'beyex anopic te jpuc-c'opetique.

1 Crónicas 19:12

Jich la yalbey: —Teme ja' c'axem to xan ya xju' yu'unic te siriaetic a te bit'ilone, ja'at me ya xtal acoltayon. Teme ja' c'axem to xan ya xju' yu'unic te amonetic a te bit'ilate, jo'on me ya xtal jcoltayat.