Gálatas 6:12 - Bible in Tzeltal de Oxchuc y Tenejapa

¹² Spisil te mach'atic ya sc'anic te ya x'ich'ot ta muc' ta swenta sbaq'uetalic, ja' ya sujex ta yich'el te circuncisione, swenta yu'un ma'yuquic ta controinel yu'un te bit'il xch'uunejic te laj ta cruz te Cristoe.

Nuevo Testamento Tzeltal de Amatenango

¹² Te machꞌatik ya skꞌan ya sujex ta yichꞌel te sirkunsisione, jaꞌ nax ya spasik yuꞌun te lek ya xꞌilot yuꞌun a te gentee, skuenta yuꞌun maꞌyukik ta ilbajinej yuꞌun te xchꞌuunejik te laj ta krus kuꞌuntik te Cristoe.

Bible in Tzeltal Bachajón

¹² Te mach'atic ya sc'anic te ya x'ich'otic ta muc' ta scuenta sbaq'uetalic, ha yac sujbelex ta yich'el circuncisión, ha nax yu'un te manchuc ya yich'ic uts'inel ta scaj te cruz yu'un te Cristo,

Gálatas 6:12 Referans Kwoze

Gálatas 5:11

Jich yu'un, quermanotac, te yu'unuc ya to cac' ta ch'uunel te circuncisione, ma'yucon ta uts'inel yu'un judioetic te jichuque. Soc ma swentauc cojchinjibal ta stojolic te bit'il ay ta alel ta bayuc te laj ta cruz te Cristo te jichuque.

Colosenses 2:23

Jich yaiyel te ya xp'ijubotic yu'un te p'ijil c'op ya yalique. Soc ya sujawanic ta xch'uunel Dios yilel te bit'il mero peq'uel ya yac' sbaic a, soc te ya yac' c'axuc swocol ta sbaq'uetalique. Ja'uc me to, tojol nax, ma xju' yu'unic scomel te bila ya smulan te jbaq'uetaltique.

2 Corintios 11:13

Melel lotil jpuc-c'opetic stuquelic soc ya xlo'laywanic. Tojol te scuyoj sbaic ta jpuc-c'opetic yu'un te Cristoe.

Hechos 15:1

Ay mach'atic talic ta sq'uinal Judea, tal yac'beyic snop te quermanotactic: —Teme ma xyich'ic circuncisión jich bit'il la yal mandal te Moisese, ma xju' ya xcolex —xiic.

Gálatas 2:3

Manchuc me griego-winic te Tito te sjoinejone, ma la sujic ta yich'el te circuncisione.

San Lucas 16:15

Te Jesús la yal: —Te ja'ex ja' nax ya aleic te bila ya scuyex ta lec yu'un te ants-winiquetique. Yan te Diose ya sna'beyex te bila ay ta awo'tanique. Te bila lec nax ya yaiyic ta yo'tan te ants-winiquetique, ya yilay stuquel te Diose.

Filipenses 3:18

Yu'un ayix bayal buelta te la calbeyex awaiyique, soc yacon ta oq'uel te ya calbeyex xane: Yu'un ay tsobol te scontroinejic te bit'il laj ta cruz te Cristoe.

Filipenses 2:4

Ma me ayuc jtuluquex te atuquel nax ya ale te awutsilale; ya me sc'an ya alebeyic yutsilalic uuc te yantique.

Filipenses 1:15

Ja'uc me to, ay mach'atic ya spucbeyic sc'oplal Cristo ta swenta jex-o'tantaywanej soc swenta tsaltomba te ay ta yo'tanique. Yan te yantique ya spucbeyic sc'oplal ta swenta yutsil yo'tanic.

Gálatas 6:13

Ja'uc me to, te mach'atic yich'ojic te circuncisione ma xju' ta pasel yu'unic spisil uuc te bi ya yal te mandalile. Ja' nax ya sc'an yo'tanic te yacuc awich'ic te circuncisione, swenta yu'un jich me toyol q'uinal ya yaiyic yu'un te ya sujex ta yich'el te circuncisione.

Gálatas 2:14

Ja'uc me to, te c'alal la quil te ma tojuc ya spasic te bi ya yal ta melel te lec yach'il c'ope, jich la calbey ta comonsitil te Pedroe: “Judio-winicat te ja'ate, ja'uc me to, ja' ya apasix te costumbre yu'un te jyanlumetique. ¿Bistuc ya ac'an asuj ta spasel te costumbre cu'untic te mach'atic jyanlumetique?”, xoon ta yalel.

2 Corintios 10:12

Ta melel, ma me pajalucotic soc te bit'il yac'oj sbaic cha'oxtul te yantique te stuquel lec sc'oplal ya yal sbaique. Mero ma'yuc sp'ijilic, melel stuquel nax sleojic te bila sp'isoj sbaic ae, soc stuquelic nax te ya spaj sbaic soc te yantique.

Hechos 15:5

Ja'uc me to, ay fariseoetic te xch'uunejiquix te Jesuse, la stejc'an sbaic. Jich la yalic: —Puersa me ya cac'beytic yich'ic circuncisión te jyanlumetique, soc puersa ya calbeytic mandal te ya yat'elinic xch'uunel te mandalil yu'un te Moisese —xiic.

San Juan 7:18

Te mach'a sc'op nax stuquel te ya yac' ta nopele, ja' ya spas yu'un te yacuc x'ich'ot ta muc' yu'une. Yan teme ja' ya sc'an ya yac' ta ich'el ta muc' te mach'a ticunbil tel yu'une, ja' ya yac' ta nopel te bila melele soc ma'yuc lo'laywanej ta yo'tan.

San Lucas 20:47

Soc ya spojbey sna sbiluc te me'ba antsetique. Ja'uc me to, jal ya sc'oponic Dios ta comonsitil, yu'un jich me ya xcuyotic ta lec. Ja'ic te c'axem to xan castigo ya x'ac'botique —xi' te Jesuse.

San Mateo 23:28

Jichex ta ilel te ja'exe. Ta mero melel tojex nax ta winiquil yilel ta stojol te ants-winiquetique, ja'uc me to, nojel ta awo'tanic te cha'lam-o'tanile soc te mulile.

San Mateo 23:5

Spisil te bila ya spasique, ja' nax swentail yu'unic te ya x'ich'otic ta muc' yu'un te ants-winiquetique, melel ya smulanic smuc'tesel te ch'in xcaxail versículoetic te c'aemic ta xchuquel ta sc'abic soc ta stibaic ta spisilic soc te slumale, soc ya smulanic te c'ax najt' te stsits'mal sc'u' ya slapique.

San Mateo 6:16

“Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

San Mateo 6:2

Jich yu'un, te c'alal ay bila ya aq'uebanique, ma me xapucbeyic sc'oplal ta alel. Melel te mach'atic cha'lam yo'tanique ya spucbeyic sc'oplal ta sinagogaetic soc ta calleetic, swenta yu'un ya x'albot lec sc'oplalic yu'un te ants-winiquetique. Jamal ya calbeyex, la staix smajt'anic yu'un a.

San Mateo 6:5

“Te c'alal ya ac'oponic te Diose, ma me jichuc xapasic te bit'il ya spasic te mach'atic cha'lam yo'tanique. Ya smulanic te ya stejc'an sbaic ta sc'oponel Dios ta sinagogaetic soc ta xchiquin calleetic, swenta yu'un jich ya x'ilotic yu'un te ants-winiquetique. Jamal ya calbeyex, la staix smajt'anic yu'un a.

San Mateo 5:10

“Bin nax me yutsil te mach'atic ya xc'ax swocolic ta uts'inel ta scaj te yat'elinejic spasel te bila toj ta pasele, te melel ja' me ya x'ochic ta banti ay ta ajwalinel te Dios ta ch'ulchane.

San Mateo 23:27

¡Ya me awil awocolic jts'ibojometic, fariseoetic te cha'lam awo'tanique! Melel ja' pajalex soc te muquenal te buen sac bonbilic te spate, ja'uc me to, nojel ta baquel anima te yutile soc spisil te bitic ilaybile.