Gálatas 6:10 - Bible in Tzeltal de Oxchuc y Tenejapa

¹⁰ Jich yu'un, te bay c'alal ya xju' cu'untique, ac'a me jpastic jpisiltic te bila leque. Ja' c'axem to xan ac'a jpastic ta stojol te quermanotactic te pajal ay xch'uunjel co'tantic soque.

Nuevo Testamento Tzeltal de Amatenango

¹⁰ Jaꞌ yuꞌun, siluk me tiempo te ya xjuꞌ kuꞌuntike, aꞌ jpastik te tut lek ta spisile. Y mas jaꞌ ta stojol te kermanotaktik te jun nax jchꞌuunejtik sok Diose.

Bible in Tzeltal Bachajón

¹⁰ Ha yu'un, ha chican ban c'alal ya xhu' cu'untic, ac'a jpastic te bin lec ta pasel ta stojol spisil yantic, soc c'ax hich a ta stojol te mach'atic pajal ay sch'uhunel co'tantic soque.

Gálatas 6:10 Referans Kwoze

Hebreos 13:16

Soc ma me xch'ay ta awo'tanic te bit'il ya sc'an ya awat'elinic spasel te bila leque soc te ya ac'uxtayic yantic a te bila ay awu'unique. Spisil in to ja' smajt'an cu'untic te bin nax yo'tan Dios yu'une.

Proverbios 3:27

Teme ay mach'a ya yal: “Na'a yo'bolil jbajtic”, teme xi' ta atojole, na'beya me yo'bolil sba, melel ya me xju' awu'un spasel.

1 Tesalonicenses 5:15

Tsajtaya me abaic, ma me ayuc jtuluquex te ya awich'beyic spacol teme ay mach'a amen te bila ya spasbate. Ja' me xapasbey abaic spisil ora te bila leque, soc jich me xapasbey ta spisilic uuc te yantique.

Tito 3:8

Mero smelelil in c'op to, soc ya jc'an te ja' ya awat'elin yalel spisil ora ta stojol te mach'atic xch'uunejic te Diose, swenta yu'un jich me ya yat'elinic spasel spisil te bila lec ta pasele. Melel ja' lec te jich ya spasique, soc ja' ya xtuun yu'un spisil ants-winiquetic.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

Efesios 2:19

Jich yu'un te ja'exe, ma jyanlum ayuquexix te jbeomex nax te ayex ta bay ma ja'uc aq'uinalique. Pajal alumal abaiquix soc spisil te mach'atic ch'ul lum yu'un te Diose. Yal-snich'anexix Dios uuc te ja'exe.

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

San Juan 9:4

Te bit'il ayotic to ta c'aleltique, puersa me ya jpasbey yat'el te mach'a la sticunon tele. Yu'un ya xtal te ajc'ubale, c'alal ma'yuquix mach'a ya xju' ya x'at'ej.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Filipenses 4:10

Bayal sbujts' co'tan ta swenta Cajwaltic yu'un te bit'il la ana'onic xan yan buelta. Ma yu'unuc ya cal te ch'ayemon ta awo'tanique. Melel jna'oj stojol te yu'un ma wejt' awu'unic te bit'il ya ataonic ta coltayele.

San Mateo 12:50

Melel mach'auc a te ya spasbey sc'anjel yo'tan te Jtat te ay ta ch'ulchane, ja' quijts'inab soc ja' jme' c'oem —xi' te Jesuse.

3 Juan 1:11

Te ja'at te c'uxat ta co'tane, ma me xac'ain te bila amene. Ja' me xapas a te bila leque. Te mach'a ya spas te bila leque, ja' me yu'un Dios abi. Yan te mach'a ya spas te bila amene, yu'un nanix ma yilojuc a te Diose.

Colosenses 4:5

Ya sc'an te ayuc sp'ijil awo'tanic te ya x'ainex ta yolil te mach'atic ma ba xch'uunejic te Diose. Ayuc me swentail te ya xc'ax c'aal awu'unic spisil ora.

Efesios 5:16

Na'aic me stuuntesel te jujun c'aale, te melel ay amen ya xc'ax te jujun c'aale.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

Salmos 37:27

Ijq'uitaya jilel te bila amen, ja' xapas te bila leque, jich me ya ata awawil ta banti ya xnainat spisil ora.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

San Marcos 3:4

Soc ja' neel la sjojc'obey te yantique: —¿Ya bal stac' ta pasel ta sc'aalelal cux-o'tan te bila leque, o ja' te bila amene? ¿Ja' bal lec te ayuc mach'a ya xcuxine, o ja' lec te ayuc mach'a ya xlaje? —xi'. Ja'uc me to, jtul ma'yuc mach'a c'opoj.

Efesios 3:15

te ja' ay ta swenta spisil ta jchajp te mach'atic ay yu'une, te ayic ta ch'ulchane soc te ayic ta balumilale.

San Mateo 5:43

“Soc awaiyojic stojol te jich albil jilel ta nameye: “C'ux me x'awaiy ta awo'tan te mach'a jun awo'tan aba soque. Yan te mach'a ya scontroinate, ilaya me stuquel”, te xie.

Eclesiastés 9:10

Spisil te bi ya xju' awu'un spasele, pasa me. Jun me awo'tan xapas, melel ta muquenal te banti quechel ya xbaate, ma'yuc bi ya xju'ix ta pasel tey a, soc ma'yuquix bi ay ta na'el, ma'yuquix bi ay ta nopel, soc ni ayuc xan swentail tey a te p'ijil c'ope.

San Mateo 10:25

Jich te jnopojele tic'uc me ya yaiy a teme pajal ya xc'ot soc te yajmaestroe. Soc jich uuc te mach'a ay ta abate, tic'uc me ya yaiy a teme pajal ya xc'ot soc te yajwale. Teme Beelzebú xi' sc'oplal te jwolwanej yu'un te jwol nae, ¿ja'uc to bal a te mach'atic ay yu'un ta snae?

Eclesiastés 3:12

Ya jna' te bi mero lec ya spas te ants-winiquetique: Ya sc'an te ya sc'ases yo'tanic ta smulanel te bitic aye, soc ya sc'an ya yaiybeyic yutsilal te cuxlejale.

Hechos 6:7

Pujc' te sc'op Diose. Bayal esmaj te jnopojeletic ta bay Jerusalén. Ay tsobol sacerdoteetic te la yac' xch'uunjel yo'tanique.

Gálatas 1:23

Ja' nax la yaiybonic stojol te jc'oplale: “Te mach'a la yuts'inotic ta neelal, yo'tic yaquix ta beel ta xcholel te bit'il ya cac' xch'uunjel co'tantic ta stojol te Jesucristoe, te c'an stup' ta ch'uunel ta neelal”, te xi' jc'oplal yu'unique.

Efesios 4:28

Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

1 Tesalonicenses 5:21

Tsajtayaic me spisil te sc'opique, soc ac'a me ta awo'tanic ta bay leque.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.

1 Pedro 4:17

Yu'un yorailix te ich'el ta c'ope. Ja' neel ya x'ilbot yat'elic te alnich'anetic yu'un te Diose. Teme ja' neel ya quich'tic ich'el ta c'op te jo'otique, ¿bit'il ya xc'ot ta loq'uel stuquel te mach'atic ma sc'an xch'uunic te lec yach'il c'op yu'un te Diose?

3 Juan 1:3

Bayal bujts'naj co'tan yu'un te c'alal jul yalbonic caiy cha'oxtul quermanotactic te bit'il jc'axel ay ta awo'tan te smelelil c'ope, soc te jun nax awo'tan yacat ta spasel te bila smelelile.

3 Juan 1:10

Jich yu'un teme talone, ya me calbey ta jamal te bila amen ya spase. Yu'un ma tic'uc ya yaiy a te ya slotbon jc'oplal, melel ma sc'an yic' ta stojol te quermanotactic te ya xtalic ta q'uejele. Soc teme ay te jch'uunjeletic te toyol yo'tanic ya xnajc'anwanique, ya yich'ic comel ta ora yu'un soc ya xtenotic loq'uel ta xch'uunel Dios yu'un.

2 Corintios 2:8

Ja' swentail te ya calbeyex wocol te ya awac'beyic yil te bit'il c'ux ya awaiy ta awo'tanique.