Gálatas 6:1 - Bible in Tzeltal de Oxchuc y Tenejapa

¹ Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

Nuevo Testamento Tzeltal de Amatenango

¹ Kermanotak, teme ya awilik te ay machꞌa yalem ta mulile, te jaꞌex te ayex ta skuenta Espiritue, ya skꞌan ya akoltayik ta sujtesel xan yoꞌtan a. Pero pasaik ta slekil awoꞌtanik. Sok naꞌa me tutꞌil ayex euk, ila me abaik, ma me jichuk ya xkꞌoex te ya ataik sujel ta mulil ekꞌae.

Bible in Tzeltal Bachajón

¹ Quermanotac, teme ay mach'a la sta smul, ha'ex te cuentahimbilex yu'un te Espíritu ya me acha'sutic xan tal soc slamalil awo'tanic, pero ya me atsahtay aba, te manchuc ha'at nix yac atahic sujel ta mulil.

Gálatas 6:1 Referans Kwoze

Romanos 15:1

Te jo'otic te ayix quiptic ta swenta xch'uunjel co'tantique, ya sc'an ya jna'beytic yo'bolil sbaic uuc te mach'atic ma to ayuc yipique. Ma me ja'uc nax ya jle jtuqueltic te bila ya jmulantique.

2 Tesalonicenses 3:15

Ja'uc me to, ma me yu'unuc contro ya awilic. Tac'uyaic ta sbelal te bit'il awermano aba soque.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

1 Juan 5:16

Teme ay mach'a la yil te yac ta sleel smul te yermanoe, teme ma ja'uc swenta lajel te smule, ac'a sc'oponbey Dios. Jich te Diose ya me yac' cuxinuc, teme yu'un nanix ma swentauc lajel te smule. Yu'un ay mulil te ya yac'otic ta lajele. In to, ma xcal te ya yich' c'oponel Dios yu'une.

2 Corintios 2:7

Jich yu'un ta ora to, ja' lec te ya apasbeyiquix perdón soc te ya amuc'tesbey q'uinal yaiye, swenta yu'un ma me xtenot yu'un te mel-o'tane.

Hebreos 12:13

Leaic me te toj bee. Jich me ya xlecub a te awacan te coxobene, soc jich me ya sta xan yip a.

1 Pedro 3:15

Ich'aic ta muc' ta awo'tanic te Cajwaltic Cristoe. Chapaluquex me spisil ora ta sujt'esbeyel sc'opic te mach'atic ya sjojc'obat te bit'il ay te bin nax awo'tanic ta smaliyel te bila ya x'ac'botex ta apisilic yu'un te Diose. Lamaluc me awo'tanic ta stojolic soc sbelal me xc'opojex.

Romanos 14:1

Ic'a me ta atojol te mach'a peq'uel xch'uunjel yo'tane. Ma me ayuc bi tulan xawalbey ta stojol.

Ezequiel 34:16

Ya jle te chijetic ch'ayemique, ya me quic' tel te jowejemic ta be. Ya me jpotsbey teme ay c'asemic yacane, ya me jcoltay te bay ma'yuc yipique. Ya me jcanantay te jujp'enic soc te ay yipique. Jo'on me ya jcanantay, jich me ya jcanantay te bit'il ya sc'anic canantayele.

1 Corintios 10:12

Jich yu'un te mach'a ya scuy te lec ayix ta sc'ope, ac'a me stsajtay sba te ma xyale.

1 Corintios 4:21

¿Bila ya ac'anic? ¿Ja' bal ya ac'anic te ya xtalon soc jwajch'e, o ja' te ya xtalon soc xc'uxul co'tan soc te yutsil co'tane?

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

San Mateo 9:13

Baan, nopaic te bi ya yal te Sjun Diose: “Ja' ya jc'an te ya awaiyic c'uxtaywaneje. Ma ja'uc ya jc'an te milbil majt'anile”, te xie. Melel ma ja'uc tal quic' te mach'atic tojique. Ja' tal quic' te jmulawiletic te ya sujt'es yo'tanic ta stojol te Diose —xi' te Jesuse.

1 Corintios 14:37

Teme ay mach'a scuyoj sba ta j'alwaneje, soc teme yic'oj ta sc'op te Espiritue, ac'a c'otuc ta yo'tan te bit'il ja' smandal Cajwaltic te bila la jts'ibuye.

1 Corintios 7:5

Ma me wocoluc xawac'bey abaic. Ja' nax teme ay ya achap ac'opic ta achebalic te jayeb c'aal te ma ba ya ac'opon abaique, swenta yu'un jich me ya awat'elinic sc'oponel te Diose. Teme loq'uix te jich yipal c'aal te la achapique, joina me abaic ts'iin, swenta yu'un ma me teyuc ya xlajex ta lo'layel yu'un a te Satanás, te bit'il ma xju'ix awu'unic te ya acom abaique.

1 Corintios 2:15

Yan te mach'atic ayic ta coltayel yu'un te Espiritue, ya xju' yu'unic sna'el stojol spisil. Ja'uc me to, ma'yuc ta na'el stojol yu'un yantic te bit'il ayic stuquelique.

Romanos 8:6

Melel teme ja' nax ya xbajt' ta o'tanil te bila ya sc'an te baq'uete, ja' ya x'ac'awan ta lajel yu'un. Yan teme ya xbajt' ta o'tanil te bila ya sc'an te Espiritue, ja' ya yac' cuxinel soc lamal q'uinal.

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

Santiago 3:13

Teme ay ja'ex te ay sp'ijil awo'tanic soc teme ay bila ana'ojic stojole, ac'a me ta ilel ta swenta te bila lec ya apasique. Te bit'il ay sp'ijil awo'tanique peq'uel me xawac' abaic yu'un.

Hebreos 13:3

Juluc me ta awo'tanic te mach'atic ayic ta chuquele. Jichuc me c'oem ta awo'tanic te bit'il pajal chuculat soque. Ja' nix me jich te mach'atic ayic ta uts'inele, jichuc me c'oem ta awo'tanic te bit'il pajal ayat ta uts'inel soque.

Gálatas 5:23

manso-o'tanil, nujul-o'tanil. Ja'ic in to, ma'yuc bi ora ya yich' controinel yu'un te mandalile.

2 Samuel 11:2

Ta jun mal c'aalil jajch' ta swayib te David, och ta comcom beel ta yamaq'uil sba na. Tey la sta ta ilel jtul buen t'ujbil ants a, yac ta atimal. Lajel to xchajbanbel sba ta stojol Dios yu'un te xchamel swenta jujun u. Te David la sticun ta jojc'oyel te mach'a a te antse. Albot yaiy te Betsabé sbiil te antse, yantsil-nich'an Eliam, yinam Urías, ja' te hitita-winique. Te David la sticun abatetic yu'un ya x'ic'bot tel, way soc, patil sujt' bael ta sna.

1 Corintios 3:1

Jich yu'un, quermanotac, ma ju' cu'un te la jc'oponex jich te bit'il mach'atic wentainbilic yu'un te Espiritue. Jich la jc'oponex te bit'il mach'atic wentainbilic to yu'un te sbaq'uetalique, te melel jich c'oemex te bit'il ch'in alaletic ta stojol te Cristoe.

San Mateo 26:75

Jich jul ta yo'tan ta ora te Pedro te bila albilix yu'un ta neelal te Jesuse: “Ma to x'oc' a te mute te ya amucon ta awo'tan oxeb buelta”, te xie. Jich loc' bael. Ba yoq'uetay sba yu'un.

San Mateo 26:69

Te Pedro nacal ta fuera ta yamac'ul na. Tey noptsaj tel jtul criada ta stojol te jich albot yu'une: —Te ja'ate ja' ajoy aba soc te Jesús te talem ta sq'uinal Galilea —xi'.

Salmos 141:5

Te castigo ya yac'bon te mach'a toj yo'tan, swenta me jc'uxtayel ya xc'ot te tojtesel ta jtojole, pajal soc t'ujbil perfume. Ma'yuc bi ora ya jc'an ich'el ta muc' yu'unic, pero ya me cac' puersa ta sc'oponel te Diose.

Gálatas 6:18

Quermanotac ta apisilic, ja' ac'a yac'beyex yutsil yo'tan ta atojolic te Cajwaltic Jesucristoe. Jichuc.

1 Tesalonicenses 4:1

Jich yu'un quermanotac, ya calbeyex wocol soc ya jtac'uyex ta swenta te Cajwaltic Jesuse. Jich bit'il la cac'beyex anopic te toj ya awac' abaic ta q'uinale, swenta yu'un jich me lec yo'tan awu'unic te Diose, jich c'axem to xan toj me xawac' abaic spisil ora.

2 Corintios 2:8

Ja' swentail te ya calbeyex wocol te ya awac'beyic yil te bit'il c'ux ya awaiy ta awo'tanique.