Gálatas 5:6 - Bible in Tzeltal de Oxchuc y Tenejapa

⁶ Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

Nuevo Testamento Tzeltal de Amatenango

⁶ Porke jun nax ayotik sok te Cristo Jesuse, jich ma baleukix ya xkꞌot a teme kichꞌojtik sirkunsisione o teme ma kichꞌojtikuke. Te tut lom balee jaꞌ te ay xchꞌuunel koꞌtantike. Y te xchꞌuunel-oꞌtanile ya yakꞌ kuxuyinukotik sok te skꞌuxul koꞌtantike.

Bible in Tzeltal Bachajón

⁶ como ta stojol Cristo Jesús ma ha'uc ay sc'oblal teme quich'ojtic circuncisión o teme ma ba quich'ojtic circuncisión, ha ay sc'oblal te ay sch'uhunel co'tantic te ya x'a'tej ta scuenta sc'uxul co'tantic.

Gálatas 5:6 Referans Kwoze

Gálatas 6:15

Melel ta swenta Cristo Jesús, ma'yuquix sc'oplal teme quich'ojtic circuncisión, o teme ma ba quich'ojtique. Ja' ay sc'oplal teme ach'ubenotiquixe.

1 Corintios 7:19

Melel ma'yuc sc'oplal te circuncisión teme awich'ojique o teme ma ba awich'ojique. Yan te bila bayal sc'oplale, ja' te ya ach'uunbeyic spisil smandal te Diose.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

2 Corintios 5:14

Melel ja' ya sujotic ta co'tantic ya caiytic te xc'uxul yo'tan te Cristoe. Yu'un ya jna'tic te laj yu'un spisilic te jtule, jich lajic ta spisilic.

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

Colosenses 3:11

Ma'yuquix sc'oplal teme jyanlum o judio, te mach'a yich'oj circuncisión o te mach'a ma ba yich'oj circuncisión, soc lajix sc'oplal teme jyanlum soc teme bol winic, soc teme abate o teme libre aye. Te melel ja' nax ay sc'oplal te Cristoe, te ja' yu'un ta spisil soc ay ta swenta spisil.

Hebreos 11:8

Ta swenta xch'uunjel yo'tan te Abrahame, la xch'uunbey smandal Dios te c'alal la yich' iq'uel yu'une. Jich loc' tel ta slumal, bajt' ta banti q'uinal te ya x'ac'bot yu'unin yu'un te Diose. Ja'uc me to, ma ba sna'oj stojol te banti ya xc'ot te c'alal jajch' loq'uel ta slumale.

1 Corintios 13:13

Jich yu'un ay oxten te ma xlaj sc'oplale: Ja' te xch'uunjel-o'tanile, ja' te bila ay ta maliyele, soc te xc'uxul-o'tanile. Ja'uc me to, te bay cajal sc'oplal ta yoxebale, ja' te xc'uxul-o'tanile.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Efesios 6:23

Te Jtatic Diose soc te Cajwaltic Jesucristoe, ac'a yac'beyex lamal q'uinal soc xc'uxul awo'tanic ta swenta te xch'uunjel awo'tanic soc spisil te quermanotactique,

Colosenses 1:4

Yu'un la caiytiquix stojol te bit'il ay xch'uunjel awo'tanic ta stojol te Cristo Jesuse, soc te bit'il c'ux ya awaiy abaic ta awo'tanic soc spisil te mach'atic ch'ul lum yu'un te Diose.

Josué 5:5

Ja'ic ta spisilic te loq'uic tel ta Egipto yich'ojic circuncisión stuquelic; ja'uc me to, ay ayinic tel ta be ta jochol taquin q'uinal te mach'atic ma ba yich'ojic circuncisión.

San Lucas 7:5

Melel c'ux ta yo'tan te jlumaltique, soc ja' nix la yac' ta pasel te sinagoga cu'untique —xiic.