Gálatas 5:3 - Bible in Tzeltal de Oxchuc y Tenejapa

³ Te mach'a ya xch'uun yich'el te circuncisione, ya calbey xan yaiyic te puersa me ya xch'uun spasel spisil te bila ya yal te mandalile.

Nuevo Testamento Tzeltal de Amatenango

³ Ya jkꞌan jchaꞌalonbeyex xan: Machꞌauk winikil a te ya yichꞌ sirkunsisione, puersa ya xchꞌuun spasel spisil te tut ya yal te mantaliletik yuꞌun te jMoisese.

Bible in Tzeltal Bachajón

³ Yan buelta ya cal, spisil winiquetic te ya yac' sbahic ta a'beyel circuncisión, ya sc'an ya spas spisil bin ya yal te Ley.

Gálatas 5:3 Referans Kwoze

Gálatas 3:10

Melel spisil te mach'atic ja' smuc'ulinej yo'tanic spasel te bila ya yal te mandalile, ay ta swentaic ch'ayel. Melel jich ts'ibubil jilel ta Sjun te Diose: “Ch'ayel me ya xbajt'ic te mach'a ma jc'axeluc ya xch'uunic spisil te bila ts'ibubil ta sjunal te mandalile”, te xie.

Romanos 2:25

Melel nix a te ay sc'oplal awu'un te circuncisione, teme ya awat'elin spasel te bila ya yal te mandalile. Yan teme jc'axintayej-mandalate, tojol te awich'oj circuncisione.

Deuteronomio 27:26

“Boloben me sc'oplal ta jyalel te mach'a ma ba ya xch'uun soc te ma ba sc'an ya spas bael te mandaliletic in to”. “Jichuc”, xiic me ta spisil te lume.

Efesios 4:17

Jich yu'un ya calbeyex mandal ta swenta sbiil te Cajwaltique: Ma me jichuc cuxulex ta q'uinal te bit'il te mach'atic ma ba xch'uunejic te Diose, te ja' nax cuxulic ta spasel te bila snopoj ta yo'tanic te xujt' ma'yuc swentaile.

Deuteronomio 31:21

Yan te c'alal ya xtal bayal te bitic ma lecuc soc bitic ya x'ac'bot bayal swocolic yu'une, ja' me yorail ya xtuun ta swenta testigo ta stojolic a te c'ayoje, melel te patil alnich'anetic yu'unique, ya me sna'ic soc ya me sc'ajintayic. Melel yo'tic te ma to ba cac'oj ochel tey a ta bay lumq'uinal la calbey te ya cac'beye, pero jna'ojix ta lec te banti c'alal ya xbajt' te snopjibal yu'unique —xi' te Cajwaltique.

Deuteronomio 8:19

“Yan teme ya ach'ay ta awo'tanic te Cajwaltic te Dios cu'untique, teme ya at'unic yantic bitic cuybilic ta Dios, teme ya ach'uunique, jo'on ya calbeyex yo'tic, ya me xlajex ta jc'axel.

San Mateo 23:18

Soc jich ya awalic xan te ja'exe: “Teme ay mach'a ya stabey ta alel sbiil te scajtijib xchic'jibal smajt'an te Diose, ma'yuc sc'oplal stuquel. Yan teme ja' ya stabey ta alel sbiil te smajt'an Diose, puersa me ay bila ya xc'ot ta swenta stuquel”, te xaexe.

1 Juan 4:14

Jo'on testigoon soc te jo'taque, la quilbeytic sit te Jesucristo te ticunbil tel yu'un te Tatile, ja' te Snich'an Dios te Jcoltaywanej yu'un spisil te ants-winiquetique.

1 Tesalonicenses 4:6

Ma me ayuc mach'a ya yac'bey swocol yantic soc ma me ayuc ya slo'lay yermano, melel ya me x'ac'bot tulan castigo yu'un te Cajwaltic teme jich ya spasique, jich bit'il tulan sc'oplal la calbeyex awaiyic ta neelal to.

Hechos 20:21

Jamal la calbey yaiy te judioetique soc te jyanlumetique, te ya sc'an ya sujt'es yo'tanic ta stojol Dios soc te ya yac' xch'uunjel yo'tanic ta stojol te Cajwaltic Jesucristoe.

Hechos 2:40

Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

San Lucas 16:28

Yu'un ay jo'tul xan quijts'inab. Ac'a ba xcholbon yaiy swenta yu'un ma ba ya xtalic li'to te banti ayon ta castigoe”, xi'.

San Mateo 23:16

¡Ya me awil awocolic ma'sit jwolwanejetic! te jich ya awalique: “Teme ay mach'a ja' nax ya stabey ta alel sbiil te temploe, ma'yuc sc'oplal stuquel. Yan teme ja' la stabey ta alel sbiil te oro yu'un te temploe, puersa me ay bila ya xc'ot ta swenta stuquel”, te xaexe.

Nehemías 9:34

Ni ja'uc te muc' ajwaliletic cu'untic, te jwolwanejetic, te sacerdoteetic, ni ja'uquic te antiguo jme'-jtatic c'ot ta pasel yu'unic te mandaliletic awu'une, soc ni ja'uc ay sc'oplal c'ot yu'unic te tojtesel awu'une.

Hechos 15:1

Ay mach'atic talic ta sq'uinal Judea, tal yac'beyic snop te quermanotactic: —Teme ma xyich'ic circuncisión jich bit'il la yal mandal te Moisese, ma xju' ya xcolex —xiic.

Gálatas 5:2

Jo'on Pabloon ya calbeyex awaiyic, teme ya ach'uunic yich'el te circuncisione, xujt' ma'yuquix stuul ya xc'ot awu'unic a te Cristoe.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.