Gálatas 5:25 - Bible in Tzeltal de Oxchuc y Tenejapa

²⁵ Jich yu'un teme cuxulotiquix ta swenta te Espiritue, ja' yacotiquix ta beel soc spisil ora te Espiritue.

Nuevo Testamento Tzeltal de Amatenango

²⁵ Te ora to teme kuxulotikix ta skuenta te Espiritue, aꞌ kakꞌ jbajtik te ya stojutesotike.

Bible in Tzeltal Bachajón

²⁵ Teme cuxulotic ta scuenta te Espíritu, ac'a behenucotic ta scuenta te Espíritu.

Gálatas 5:25 Referans Kwoze

Gálatas 5:16

Jo'on ya calbeyex xan in to: Ac'a me swentainex spisil ora te Espiritue. Jich ma ba ya apasic te bila ya smulan spasel te abaq'uetalique.

San Juan 6:63

Ja' ya yac' cuxlejal stuquel te Espiritue; ma'yuc bi ya xju' yu'un stuquel te ch'ich'-baq'uete. Te jc'op te la calbeyexe, ja' yu'un te Espiritue te ya xcuxinex yu'une.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

2 Corintios 3:6

Ja' nax stuquel te la yic'otic ta abatinel ta yalel sc'oplal te yach'il tratoe. In te tratoe, ma ja'uquix te ts'ibubile, ja'ix te Espíritu te cuxul stuquele. Te mandalil te ts'ibubil jilele, ay lajel ta swenta; yan te Espiritue, ja' ay cuxinel ta swenta stuquel.

1 Pedro 4:6

Ja' swentail te la yich' cholel ta stojolic te lec yach'il c'op te mach'atic lajemique, swenta yu'un ya xju' ya yich'ic chajbanel jich nix te bit'il mach'atic cuxulic to soc sbaq'uetalic ta balumilale, soc jich me ya xcuxinic soc xch'ulelic jich te bit'il cuxul stuquel te Diose.

Romanos 8:10

Yan teme ay ta awo'tanic te Cristoe, manchuc teme lajem abaq'uetalic yu'un te mulile, ja'uc me to, cuxulex yu'un te espíritu ta swenta te bit'il toj ya yilex te Diose.

1 Corintios 15:45

Jich bit'il ts'ibubil jilel ta Sjun te Diose: “Te sbabial winique, ja' te Adane, ac'bot xcuxlejal soc te sbaq'uetale”, te xie. Yan te slajibal Adane, J'ac'cuxlejal ta swenta te Espíritu stuquel.

Apocalipsis 11:11

Ja'uc me to, te c'alal c'axix a te olil xchaneb c'aale, te Diose la xcha'cuxes te testigoetique. Jich tejc'aj jajch'el. Spisil te mach'atic la yilique, och bayal xiwel ta yo'tanic yu'un.

Filipenses 3:3

Yan te jo'otique quich'ojtic te mero circuncisione. Melel ta swenta nax te Espíritu te yacotic ta abatinel yu'un te Diose. Jich bayal sbujts' co'tantic ta swenta te Cristo Jesuse; ma ba ja' ya smuc'ulin co'tantic te bila ya yich' pasel ta jbaq'uetaltique.