Gálatas 5:21 - Bible in Tzeltal de Oxchuc y Tenejapa

²¹ jbic'tal-o'tanetic, jmilawaletic, jyacubeletic, jpas-q'uinetic, soc ay to xan yan te pajal soc te bila ya spasique. Ya jtac'uyex jich bit'il te la calbeyex ta neelale: Te mach'atic jich yat'elique, ma ba ya xc'o ainuquic tey a ta banti ay ta ajwalinel te Diose.

Nuevo Testamento Tzeltal de Amatenango

²¹ Jꞌil-oꞌtanetik, jmilawetik, jyakubeletik, jpas-kꞌinetik te tut ma tsaꞌamuke, y ay xan yanetik te pajal soke. Jaꞌ ya kakꞌ anaꞌik te jaꞌexe yuꞌun nail a kalbeyex: Te machꞌatik jich ya snop spasele, ma xjuꞌ ya xkꞌot te ba ay ta ajwalil te Diose.

Bible in Tzeltal Bachajón

²¹ ti'ti'o'tantaywanej, yacubel, spasel bohlq'uin, soc yantic bintic pajal soc. Ya jtsitsex yu'un spisil ini, hich te bin ut'il la jcalbeyex ta nahil to, te mach'atic hich ya spasulanic ma ba ya x'a'bot yich'ic te cuentahinel yu'un te Diose.

Gálatas 5:21 Referans Kwoze

Romanos 13:13

Toj me ac'a beenucotic te bit'il ayotic ta c'aaleltique. Ma me ja'uc nax ya xbajt' ta awo'tanic we'el, yacubel, chijil-o'tanil, antsiwej, jach-c'op soc jex-o'tantaywanej.

Romanos 8:13

Melel teme ja' ya apasic te bila ya sc'an te abaq'uetalique, ya me xlajex yu'un. Yan teme ta swenta Espíritu te ya awaq'uic ta lajel te bila yat'el te abaq'uetalique, jich me xcuxinex yu'un.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

1 Corintios 5:11

Te bit'il jich la jts'ibubeyexe, ja' la calbeyex te ma me xajoin abaic soc te mach'atic quermanotic ta sc'opic te yalemic ta mulile, te jbic'tal-o'tanetic, soc te xch'uunejic to te loc'ombaetique, te j'ixta-c'opetique, te jyacubeletique, soc te j'eleq'uetique. Ja'ic in to, ma me xajoin abaic ta we'el soc.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

Colosenses 3:6

Ja' ta swenta in muliletic to te ya x'ac'bot yich'ic tulan castigo yu'un Dios te mach'atic te jch'ay-mandale.

1 Tesalonicenses 5:7

Yu'un te mach'a ya xwaye, ajc'ubal ya xway, soc te mach'a ya xyacube, ajc'ubal ya xyacub.

1 Corintios 15:50

Quermanotac, ya calbeyex in to: Te ch'ich'-baq'uete ma xju' ya xc'o ainuc tey a ta banti ay ta ajwalinel te Diose. Te bila swenta c'a'ele, ma xju' ya xc'o sjoin tey a te bila stalel ma xc'a' stuquele.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

San Mateo 25:34

“Jich yu'un te muc' ajwalile ya me yalbey te mach'a ayic ta swa'el sc'abe: “La'ic te ja'exe te bin nax awutsilic ta stojol te Jtate. Ochanic, u'uninaic te utsilal te chajbanbil ta awentaic ta xjajch'ibal to tel balumilal.

Isaías 3:11

¡Obol sba te mach'a c'ax amen yat'ele, melel amen ya xc'ot ta loq'uel! Dios me ya yac'bey stoj, ja' chican te bit'il ay te yat'ele.

San Lucas 21:34

“Tsajtaya me abaic, ma me xawac' te ya xbic'taj awo'tanic yu'un te yacubele soc spisil te bitic biq'uit nax o'tanil yu'une, soc te bitic ay ta pasel jujun c'aal ta balumilal. Yu'un ma me ch'ayemuc atsaic a te ya sta yoraile.

Deuteronomio 21:20

Jich me ya xc'o yalic: “Te cal-jnich'ane ma xch'uun c'op, mero tulan ya yac' sba. Jc'axel ma xch'uun c'op, mero amen yo'tan, soc mero bayal ya xyacub”, xiic me.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

2 Tesalonicenses 2:5

¿Yu'un bal ch'ayemix ta awo'tanic te jich la calbeyex te c'alal joinejexe?