Gálatas 5:11 - Bible in Tzeltal de Oxchuc y Tenejapa

¹¹ Jich yu'un, quermanotac, te yu'unuc ya to cac' ta ch'uunel te circuncisione, ma'yucon ta uts'inel yu'un judioetic te jichuque. Soc ma swentauc cojchinjibal ta stojolic te bit'il ay ta alel ta bayuc te laj ta cruz te Cristo te jichuque.

Nuevo Testamento Tzeltal de Amatenango

¹¹ Te joꞌone, kermanotak, te jaꞌuk to ya kakꞌ ta pasel te ya xchꞌuunik yichꞌel te sirkunsisione, maꞌyukon ta tenel yuꞌun te juriyoetik te jichuke. Sok ma kolauk ya yaꞌiyik te skꞌoplal te laj ta krus te Cristoe.

Bible in Tzeltal Bachajón

¹¹ Quermanotac, teme yacon to ta yalel te ya sc'an circuncisión, ¿bin yu'unix a hiche te yacon ta uts'inel? Te hichuque, la yich'ix loq'uesel te bin chopol ya ya'iyic sc'oblal te cruz.

Gálatas 5:11 Referans Kwoze

1 Corintios 1:23

Yan te jo'otique, ja' ya jcholtic ta bayuc te bit'il ac'ot ta milel ta cruz te Cristoe. Te judioetique, ja' nax ya xc'ojch'in sbaic yu'un a. In te jyanlumetique, jowil c'op nax ya xc'ot ta yo'tanic stuquel.

Gálatas 6:12

Spisil te mach'atic ya sc'anic te ya x'ich'ot ta muc' ta swenta sbaq'uetalic, ja' ya sujex ta yich'el te circuncisione, swenta yu'un ma'yuquic ta controinel yu'un te bit'il xch'uunejic te laj ta cruz te Cristoe.

Gálatas 4:29

Ja' nanix jich ta ora to: Te mach'a ya x'ayin ta swenta ch'ich'-baq'uete, ya yuts'in te mach'a ayin ta swenta te Espiritue.

Gálatas 2:3

Manchuc me griego-winic te Tito te sjoinejone, ma la sujic ta yich'el te circuncisione.

1 Corintios 15:30

¿Soc bistuc cu'untic te spisil ora cac'oj jbatic ta lajel teme ma xcha'cuxotique?

Hechos 21:21

Soc yaiyojic stojol te jich yacat ta sp'ijubtesel spisil te jlumaltic judioetic te ainemic ta banti yantic lumetique, te ja'at la awalbey te ma me xch'uunic te mandalil yu'un Moisés, soc te ya awalbey te ma me xyac'bey yich' circuncisión te yal-snich'anique, soc te ma yejt'aluc ya xch'uunic te costumbre cu'untique.

Gálatas 6:17

Jich ta ora bael to, ma me ayuc mach'a ya yuts'inon xan, melel quich'oj ta jbaq'uetal smarcail te Cajwaltic Jesuse.

1 Corintios 1:18

Te c'alal ya calbeytic sc'oplal te laj ta cruz te Cristoe, jowil c'op aiyej nax c'oem ta yo'tanic te mach'atic ch'ayel ya xbajt'ique. Yan te jo'otic te ya xcolotique, jich c'oem ta co'tantic te ja' yu'el te Diose.

Hechos 21:28

Jich la yalic ta aw: —¡Jlumal israeletic, la' coltayawotic! Li' ay to te winic te beenemix ta bayuc ta yaq'uel ta nopel ta stojol spisil ants-winiquetic te ma'yuquix sc'oplal te jlumaltique, soc te mandalil yu'un te Moisese, soc te templo cu'untique. Soc ta ora to la yiq'uix ochel ta templo te jyanlum winiquetique. Jich bolobix a te ch'ul templo cu'untique —xiic ta aw.

Hechos 16:3

Te Pablo la sc'an yo'tan te ya yic' sjoine. Jich yu'un la yac'bey yich' circuncisión ta scaj te judioetic te ayic tey a, melel sna'ojic ta spisilic te griego-winic te state.

Isaías 8:14

Jich me c'oem ta atojolic te bit'il pejts'e; jich c'oem ta atojolic te bit'il ton ya ac'ojch'in abaic a, ja' me ya yac' xyalic a te cha'chajp muc' ajwaliletic yu'un Israel; jich me c'oem te bit'il pejts' ta bay ya xyalic te yajwal Jerusalén.

Gálatas 3:1

Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.