Gálatas 5:10 - Bible in Tzeltal de Oxchuc y Tenejapa

¹⁰ Xch'uunej co'tan te ma'yuc yan te bila ya anopic ta swenta te Cajwaltique. Ja'uc me to, Dios me ya yac'bey castigo te mach'a ya xchebantesbeyex awo'tanique. Chican mach'a a.

Nuevo Testamento Tzeltal de Amatenango

¹⁰ Y te joꞌone jich ay ta koꞌtan ta skuenta te Kajwaltike te ma me tut yan ya anopik te jaꞌexe. Pero Dios ya me yaꞌbe kastigo te machꞌatik ya xchebentesbeyex awoꞌtanike, ma yocheluk machꞌauk a.

Bible in Tzeltal Bachajón

¹⁰ Ta scuenta te Cajwaltic sch'uhunej co'tan te ma ba yan bin yac anopique; pero te mach'a yac schebalc'optaybelex ya me x'a'bot castigo, mach'ayuc a.

Gálatas 5:10 Referans Kwoze

Gálatas 5:12

Ja'uc me to, te mach'atic yacalic ta yuts'inbelex awo'tanic yu'un te circuncisione, ¡ja' lec te ayuc bit'il jc'axeluc ya sjosic loq'uel sc'olol te sbaq'uetalique!

Filipenses 3:15

Jich yu'un, te jayebotic te ayix xch'uunjel co'tantic ta stojol te Diose, jich me ac'a jna'tic ta jpisiltic. Teme ay to ma jichuc anopojic te ja'exe, ja' me ya yac'beyex ana'ic te Diose.

Gálatas 1:7

Ma yu'unuc ay yan te lec yach'il c'ope. Ja' nax te ay mach'atic te ya xchebantesbeyex awo'tanique. Jich yo'tanic te ya syantesic te bit'il ay sc'oplal te lec yach'il c'op yu'un te Cristoe.

2 Corintios 2:3

Ja' swentail te la jts'ibubeyex acartaic, swenta yu'un ma ba ya awac'bonic jmel co'tan teme talon ta atojolique. Yu'un ja' ya sc'an te ya awac'bonic bujts'najuc co'tan te ja'exe. Ja' ay ta co'tan te ya me xbujts'naj awo'tanic uuc teme ay sbujts' co'tan te jo'one.

1 Timoteo 1:20

Jich c'otix ta swenta te Himeneo soc te Alejandro. La caq'uix ta sc'ab Satanás ta xchebalic, swenta yu'un jich me ya xp'ijubic a. Jich ma ba ya stoybac'optayic xan yan buelta te Diose.

Gálatas 6:17

Jich ta ora bael to, ma me ayuc mach'a ya yuts'inon xan, melel quich'oj ta jbaq'uetal smarcail te Cajwaltic Jesuse.

Gálatas 4:17

Te yantique bin nax yo'tanic ta atojolic, ja'uc me to, ma lecuc te bila snopojic ta yo'tanique. Yo'tan ya sloq'uesex ta jtojol, swenta yu'un jich me bin nax awo'tanic ya xc'oex ta stojolic stuquelic.

Gálatas 3:1

Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.

Gálatas 2:6

Yan te mach'atic ich'bilic ta muq'ue, xujt' ma'yuc bi yach'il la yalbonic te ya sc'an ya jchole. (Ma yu'unuc ay sc'oplal ta co'tan te bila at'el yich'ojique, melel ma ja'uc ay sc'oplal ta yo'tan Dios te bi yilelique.)

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

2 Corintios 10:6

Ya me xtal cac'bey castigo ta ora te mach'atic xc'axintayej mandale. In te ja'exe, jc'axel me xach'uunic ta melel te Cristoe.

1 Corintios 5:5

Jich me ya awaq'uic ta sc'ab Satanás te winique, swenta yu'un ya me xc'ax swocol ta sbaq'uetal. Jich me ya xcol xch'ulel te c'alal ya xtal te Cajwaltique.

Hechos 15:24

La caiytiquix stojol te ay cha'oxtul jajch'emic bael li'to te ma ticunbiluc cu'untic te la yac'beyex amel awo'tanic yu'un te bila la yalbeyex awaiyique, soc la yac' ayanuc awo'tanic te bit'il la yalbeyex te puersa ya awich'ic circuncisión soc te ya ach'uunic te mandalil yu'un te Moisese.

Filemón 1:21

La jpasbat tel te june yu'un xch'uunej co'tan te ya ach'uun spasel te bila la calbate. Ya jna' te c'ax jich ya apas te bit'il la calbate.

2 Tesalonicenses 3:4

Xch'uunej co'tantic ta swenta te Cajwaltique, te yacalex ta spasel te bila la calbeyex ta mandale, soc te jich nix ya apasic bael spisil ora.

Gálatas 4:20

Jich co'tan te ayuconix ta awolilic ta ora to, swenta yu'un ya me jyanates te bit'il ya xju' ya jc'oponexe. Yu'un ma jna' te bit'il ayex ta leque.

Gálatas 4:11

Ya jmel co'tan awu'unic teme repente tojol ya xch'ay te cat'el jpasoj ta atojolique.

2 Corintios 13:10

Ja' swentail te neel la jts'ibubeyex in carta to te c'alal ma to xtal quilexe, swenta yu'un te c'alal ya xtalone, ma puersauc te tulan ya jc'oponexe. Ja' nax me ya jpas te bit'il yac'ojbon cat'el te Cajwaltique, swenta yu'un ya sta yip awo'tanic ta stojol a te Diose. Ma ja'uc yac'ojbon cat'el yu'un te ya jinexe.

2 Corintios 10:2

Jichuc. Ja'uc me to, te c'alal ya xtal quilexe, ya calbeyex wocol ma me xawac'bonic te ya xtoy jc'op ta stojolic te mach'atic ya yalic te swenta nax ch'ich'-baq'uet te bila ya jpase. Melel jich ay ta co'tan te ya jsituy ta c'op te mach'atic jich ya yalique.

2 Corintios 8:22

Soc ay yan quermanotic te pajal la jticuntic soc te Titoe. Bayal buelta quilojtic te toyol yo'tan ta stojol te Cajwaltique, soc c'axem to xan ta ora to, te melel jun yo'tan ta atojolic.

2 Corintios 7:16

Ta ora to, ayix smuc'ul co'tan awu'unic soc bayal bujts'najemix co'tan.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

2 Corintios 2:6

Tiq'uix a te tulan tojobtesel la awac'beyic te c'alal la achajbanique.

2 Corintios 1:15

Te bit'il jich ay ta co'tane, ja' swentail te neel c'an ba quilex swenta yu'un jich me ya ata sbujts' awo'tanic cheb buelta a te jichuque.

Gálatas 5:7

Ta neelal lec jajch'ex ta animal. ¿Mach'a me la scomex ta xch'uunel te smelelil c'ope?