Gálatas 5:1 - Bible in Tzeltal de Oxchuc y Tenejapa

¹ Te Cristo la yac'otic ta libre swenta yu'un jc'axel libre ayotic ta melel. Jich yu'un ma me xawac' abaic xan ta yugo yu'un te mosoile.

Nuevo Testamento Tzeltal de Amatenango

¹ Te Cristoe la yakꞌotik ta libre, yuꞌun jich me libre ayotik a. Y ma me awakꞌ abaikix ta chukel yuꞌun te mosoile.

Bible in Tzeltal Bachajón

¹ Te Cristo la yac'otiquix ta libre scuenta yu'un libre ayotic, ha yu'un jc'axel ayinanic ta libre, ma me xawac' abahic xan ta chuquel ta yugo yu'un mosohinel.

Gálatas 5:1 Referans Kwoze

2 Corintios 3:17

Melel te Cajwaltique, ja' te Espiritue. Ta banti ay te Espíritu yu'un te Cajwaltique, ay colel tey a.

Gálatas 5:13

Melel te ja'ex quermanotac, Dios la yiq'uex ta stojol swenta yu'un jich me jc'axel libre ya x'ainex yu'un. In te bit'il libre ayexe, ¿yu'un bal lec teme ya xjajch' apasic spisil te bila stalel ya smulan spasel te jmulawil jbaq'uetaltique? Ja' lec teme talel c'axel ya awac' abaic ta abatinel ta swenta bit'il c'ux ya awaiy abaic ta awo'tanic.

1 Pedro 2:16

Te bit'il libre ayexe, ma me ja'uc ja' libre ayex yu'un te ya apasic te bila amene. Lequil abatuquex me yu'un te Diose.

Romanos 6:14

Melel ma xju'ix te ya yu'uninex xan te mulile, yu'un ma'yuquex ta swenta te mandalile. Ja' ayex ta swenta yutsil yo'tan te Diose.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

Gálatas 4:9

Ja'uc me to, te bit'il la ana'beyiquix sba te Diose, soc te ja' la sna'beyex abaic stuquele, ¿bi la spas te awo'tanique, te ya sujt'ex xan ta mosoil yu'un te bila ma'yuc yip soc ma'yuc sc'oplal ta ch'uunele?

Hebreos 10:23

Ma me xquijq'uitaytic te bila ay yip co'tantic yu'une. Ma me xtal xbajt'uc te co'tantique, te melel ma xch'ay te bila yalojbotiquixe.

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

Gálatas 4:31

Jich yu'un, quermanotac, ma ja'uc yalotic te mach'a ay ta criadaile, ja' yalotic te mach'a ay ta libree.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

2 Pedro 2:19

Ya yalbeyic sc'oplal te ayic ta libre. Ja'uc me to, c'axem to xan mosoinbilic yu'un te bila ya xlajinwane. Melel spisil ants-winiquetic, ayic ta moso yu'un spisil te bitic u'uninbilic yu'une.

1 Corintios 16:13

Wiq'uiluc me asitic spisil ora. Junuc me awo'tanic te ya awac' xch'uunjel te awo'tanique. Ayuc me stulanil awo'tanic soc yip awo'tanic.

Romanos 7:6

Yan ta ora to, libre ayotiquix ta swenta te mandalil, te bit'il lajemotic ta swentae. Jich yu'un ya me cac' jbatic ta abatinel yu'un te yach'il mandalil yu'un te Espiritue; ma ja'uquix ta swenta te poco mandalil te ts'ibubil jilele.

Romanos 6:18

Soc libre ayexix yu'un te mulile, ja' abatexix yu'un te bila toj ta pasele.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Hechos 15:10

Jich yu'un ¿bistuc te ya awilbeyic yo'tan te Diose, te ya awac'bey yijc'ats te jch'uunjeletic ta xch'uunel te bila ma ju' cu'untic xch'uunel soc uuc te jme'-jtatique?

1 Corintios 7:22

Melel te mach'a ay ta mosoil a te ic'ot yu'un te Cajwaltique, yu'un nanix moso ay ta balumilal a, ja'uc me to, ac'bilix ta libre yu'un te Cajwaltique. Ja' nanix jich te mach'a ma'yuc ta mosoil a te c'alal ic'ote, ja' mosoinbilix yu'un te Cristoe.

Salmos 51:12

Ac'bon xan caiy ta co'tan te yutsilal te colel awu'une; ja' xawac' x'ipajon a te espíritu awu'un te c'ax bayal yutsile,

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

Judas 1:3

Quermanotac te c'uxex ta co'tane, ay ta co'tan te ya jts'ibubeyex ta carta te bit'il ay sc'oplal te jcoleltic te pajal ay ta jwentatique, Ja'uc me to, la jnop te ja' lec ya jts'ibubeyex carta ta ora naxe. Yu'un ya jtac'uyex te ya me xc'opojex yu'un te xch'uunjel awo'tanic te jc'axel awac'ojiquix ta stojol Dios soc spisil te mach'atic ch'ul lum yu'un te Diose.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

Efesios 6:14

Jich yu'un chapaluquex me ta lec: Chuca me ach'ujt'ic a te bila smelelile. C'u'inaic me te smajq'uil awo'tanique, ja' te toj-o'tanile.

Apocalipsis 2:25

Ja'uc me to, spisil ora ma me xawac' ch'ayuc te bila ach'uunejique, ja' to te c'alal ya xtalone.

Hebreos 4:14

Te Jesús, te Snich'an Diose, ja' mero Muc' Sacerdote cu'untic te ochemix bael ta bay ay te Diose. Jich yu'un ma me xquijq'uitaytic te bila yacotic ta xch'uunele.

Hebreos 3:14

Melel teme ayotiquix ta swenta te Cristoe, jich bit'il jun awo'tanic te jajch' ach'uunic ta xjajch'ibale, jich nix ya sc'an, ja' to c'alal ta slajibal te c'aale.

Hebreos 3:6

Yan te Cristo te ja' Snich'an te Diose, jun nax yo'tan swentainej te snae, ja' bi ja' te jo'otic teme jc'axel jun co'tantic ta stojol c'alal ta slajibal c'aal, soc teme bin nax co'tantic ta smaliyel te jcoleltique.

2 Tesalonicenses 2:15

Jich yu'un quermanotac, ayuc me yip awo'tanic ta spisil ora. Ma me xch'ay ta awo'tanic te bila la cac'beyex anopique, chican teme ta que la calbeyexe, o ta carta te la cale.

1 Tesalonicenses 3:8

Jich cuxinotic xan te bit'il la caiytiquix stojol te ipajemex ta lec ta stojol te Cajwaltique.

Gálatas 4:26

Yan te Jerusalén te ay ta ch'ulchane, ja' me'il cu'untic ta jpisiltic te ay ta libre stuquele.

Gálatas 3:25

Te bit'il la staix yorail te ya cac' xch'uunjel co'tantique, jich ma'yucotiquix ta wentainel yu'un te mandalile.

1 Corintios 15:58

Jich yu'un, quermanotac te c'uxex ta co'tane, ac'a me junajuc awo'tanic ta lec spisil ora. Yan yanuc me ta muc'ubel awu'unic te yat'el te Cajwaltique, melel ya ana'ic te ma tojoluc te ya awac' abaic ta abatinel yu'un te Cajwaltique.

San Mateo 23:4

Ja' pajal c'oemic soc te mach'atic ya sts'alic ijc'atsil te c'ax al te ma xlijc' ta cuchele, te ja' ya yac'beyic xcuch te ants-winiquetique. Yan stuquelic ma xyac' jch'ixuc sbic'tal sc'abic ta sliquel.

Romanos 7:3

Yan teme cuxul to smamlal a te ya yic' sba soc te yan winique, ayix ta mulwej abi. Ja'uc me to, teme laj te smamlale, jich jilix ta libre yu'un a te mandalile. Jich ma'yuc ta mulwej teme ya xnujbin soc te yan winique.

Romanos 8:15

Melel te Espíritu te ac'botex awiq'uique, ma ja'uc ya yaq'uex xan ta mosoil yu'un te xiwele. Melel ja' ya yaq'uex ta alnich'an yu'un te Diose. Ja' swentail te jich ya caltique: “Jtat”, te xootic ta stojole.

2 Corintios 11:20

Melel ya xcujch' awu'unic te mosoinele, soc teme ya slajinbeyex te bila ay awu'unique, soc teme ya slo'layexe, soc teme muc' ya yac' sbaic ta atojolique, soc teme ya smajbeyex achoique.

San Lucas 5:38

Jich yu'un te yach'il vinoe ya sc'an ya yich' pulel ta ach' nujc'ul. Jich me ya xtuun ta xchebalic.