Gálatas 4:9 - Bible in Tzeltal de Oxchuc y Tenejapa

⁹ Ja'uc me to, te bit'il la ana'beyiquix sba te Diose, soc te ja' la sna'beyex abaic stuquele, ¿bi la spas te awo'tanique, te ya sujt'ex xan ta mosoil yu'un te bila ma'yuc yip soc ma'yuc sc'oplal ta ch'uunele?

Nuevo Testamento Tzeltal de Amatenango

⁹ Pero ta ora to ya anaꞌbeyikix sba te Diose, o jaꞌ mas lek ta alel te Dios ya snaꞌ abaik te jaꞌexe. ¿Tut yuꞌun te ya sujtex xan ta skuenta te tutꞌil maꞌyuk yip y te maꞌyuk spoderike, y te ya awakꞌ abaik ta mosoinel yuꞌune?

Bible in Tzeltal Bachajón

⁹ Pero yo'tic, te bin ut'il yac ana'beyiquix sba te Diose, o lec xan ya caltic te na'bilexix abahic yu'un Dios, ¿bin yu'un te ya xcha'suhtex xan ta apatic ta stojol te bintic mayuc yip soc te bintic scuenta bahlumilal, te c'an awac' xan abahic ta mosohil yu'un?

Gálatas 4:9 Referans Kwoze

1 Corintios 8:3

Ja'uc me to, te mach'a c'ux ya yaiy ta yo'tan te Diose, ja' na'bil sba yu'un Dios stuquel.

Gálatas 3:3

Mero ma x'ana'ic te q'uinale. Neel jajch' ach'uunic ta swenta te Espíritu, ja'uc me to, ya alajinbeyiquix sc'oplal ta swenta nax te abaq'uetalique.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

2 Pedro 2:20

Te mach'atic la sna'beyiquix sba te Jesucristoe te ja' Cajwaltic soc ja' Jcoltaywanej cu'untic stuquele, jich colemiquix loq'uel tey a ta bay sbolil te balumilale. Ja'uc me to, teme patil ya xcha'sujt'ic xan ta spasel te bila jil yu'unic ta neelale soc teme ya x'u'uninotic xan yu'une, c'axem to xan jich ya xbolobic a te bit'il ayic ta neelal toe.

Hebreos 7:18

Jich lajix sc'oplal a te mandalil te ay ta neelale, te melel ma'yuc yip soc ma'yuc bi ju' yu'un.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Efesios 1:17

Ya jc'anbey te Dios yu'un te Cajwaltic Jesucristo, ja' te Jtatic te bayal yutsilale, te yacuc yac'beyex te Espíritu yu'une. Ja' me ya yac'beyex sp'ijil awo'tanic, soc ya me yac'beyex ana'ic stojol ta lec, swenta yu'un jich me ya ana'beyic xan sba ta melel a.

2 Corintios 4:6

Melel ja' la yal stuquel te Diose, te ya sacubuc q'uinal ta bay te ijc' q'uinale. Soc ja' nix te la yac' sacubuc q'uinal ta bay te co'tantique, swenta yu'un jich me ya jna'beytic sba a te yutsilal te Diose, te chican ta ilel ta sit yelaw te Jesucristoe.

1 Corintios 13:12

Ta ora to yacotic ta yilel ta espejo te ma chicanuc ta ilel ta leque. Ja'uc me to, ta patil ya me quilbeytic sit ta jsitic. Ta ora to olil nax jna'oj stojol, ja'uc me to, ta patil ts'acal me ya jna' stojol spisil, jich te bit'il Dios la sna'bon jbae.

Éxodo 33:17

La yal te Cajwaltique: —Te bila la awalbone, jich nix ya jpasbat, melel jun co'tan ta atojol scaj te ya jna'bat aba ta lec soc te lec c'oemat ta jsite —xi'.

Romanos 8:29

Melel te mach'atic namey to na'bil sbaic yu'un te Diose, xjajch'ibal to tel chapal sc'oplalic yu'un Dios te bit'il pajal yilelic ya xc'ot soc te Snich'ane, swenta yu'un ja' sbabial ya xc'ot ta yolil te tsobol yijts'inabe.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

San Juan 10:27

Te chijetic cu'une ya sna'bonic sba te jc'ope, soc ya jna'bey sbaic uuc. Jich ya sts'aclinonic.

San Juan 10:14

“Jo'on te lequil jcanan-chijone. Ya sna'bon jba te Jtate soc ya jna'bey sba uuc. Ja' nanix jich jna'bey sba te chijetic cu'une soc ya sna'bonic jba uuc. Soc ya cac' jba ta lajel yu'un te chijetique.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

Habacuc 2:14

Te yutsilal Cajwaltic ya me xna'ot ta bayuc, ya me snojes ta spamal balumilal, jich bit'il ja' ya xnoj yu'un te mare.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Proverbios 2:5

Jich me ya ana' a te bit'il ay ta ich'el ta muc' te Cajwaltique; jich me ya ata te bit'il ya ana'bey sba te Diose.

Salmos 9:10

Cajwal, ja' smuc'ulinejat yo'tanic te mach'atic ya sna'bat abae; ma'yuc bay ya apijt'es te mach'atic ya sleate.

Salmos 1:6

Te Cajwaltique ya scanantay ta beel te mach'atic lec yo'tanique, yan te mach'atic amen yo'tanique sbelal ch'ayel ya xbajt' stuquelic.

1 Reyes 8:43

aiybeya sc'op c'alal ta ch'ulchan, c'alal ta banti nainemate, ac'beya spisil te bitic ya sc'anbate, swenta yu'un spisil nacionetic ta balumilal ya sna'bat aba soc ya yich'at ta muc', jich te bit'il yacal ta spasel te lum Israel awu'une, soc ya sna'ic a te ay ta alel wocol ta atojol li' ta templo te jo'on la jpasbate.

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

2 Corintios 11:20

Melel ya xcujch' awu'unic te mosoinele, soc teme ya slajinbeyex te bila ay awu'unique, soc teme ya slo'layexe, soc teme muc' ya yac' sbaic ta atojolique, soc teme ya smajbeyex achoique.

Gálatas 4:3

Jich jc'oplaltic uuc te jo'otique. Te c'alal alalotic to ae, ayotic ta mosoil yu'un te mandal te ay ta alel ta balumilale.

San Lucas 5:38

Jich yu'un te yach'il vinoe ya sc'an ya yich' pulel ta ach' nujc'ul. Jich me ya xtuun ta xchebalic.