Gálatas 4:8 - Bible in Tzeltal de Oxchuc y Tenejapa

⁸ Ta namey tel ma la ana'beyic sba te Diose, ja' la awac' abaic ta abatinel yu'un te bitic ay ta balumilal te ma diosuque.

Nuevo Testamento Tzeltal de Amatenango

⁸ Te nail toe, kꞌalal ma to xꞌanaꞌbeyik sba Dios te jaꞌexe, ayex to ta mosoinel yuꞌun te lotil diosetike.

Bible in Tzeltal Bachajón

⁸ Ta nahil to, te c'alal ma ba la ana'beyic sba te Diose, ayex ta mosohil yu'un bintic ma ha'uc diosetic.

Gálatas 4:8 Referans Kwoze

1 Corintios 8:4

Jich yu'un te bit'il ay sc'oplal te we'elil yu'un te milbil majt'anil yu'un te loc'ombaetique, jna'ojtic stojol te tojol ay ta balumilal te loc'ombaetique, te melel jun nax te Diose, ma'yuc yan.

2 Tesalonicenses 1:8

Jich me ya xtal yac'bey castigo te mach'atic ma la sna'beyic sba te Diose soc te ma la sc'an xch'uunic te lec yach'il c'op yu'un te Cajwaltic Jesucristoe.

1 Tesalonicenses 4:5

Ma me scajuc nax xchijilil abaq'uetalic te ya awic' awinaminic te antse, jich bit'il ya spasic te ants-winiquetic te ma sna'beyic sba te Diose.

1 Tesalonicenses 1:9

Ja'ic nix te ya yalbeyex ac'oplalic te bin nax awo'tanic la anajc'anotic te c'alal julotic ta atojolique, soc ora nax la awijq'uitayic xch'uunel te loc'ombaetique. La asujt'es awo'tanic ta stojol te Diose, soc ja' la awac' abaic ta abatinel yu'un te mero cuxul Diose.

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

1 Corintios 1:21

Ja'uc me to, ta swenta sp'ijil te Diose, te mach'atic ayic ta balumilal ma la sna'beyic sba Dios ta swenta nax te sp'ijilique. Ja' lec la yaiy ta yo'tan Dios te ya scoltay te mach'atic ya xch'uunic te sc'ope, manchuc teme jowil c'op nax c'oem ta yo'tanic te yantique.

Isaías 37:19

soc la xchic'beyic te diosetic yu'unique. Melel nix a ma diosuc te bitic nax pasbil ta te' o ton te spasoj te winiquetique, jich yu'un la sjinic.

2 Crónicas 13:9

¿Yu'un bal ma ba la atenic bael te sacerdoteetic yu'un te Cajwaltic, te sts'umbalic Aarón, soc te levitaetique? La aleix atuquelic te sacerdoteetic awu'unic jich bit'il spasoj te mach'atic ma'yuquic ta stojol te Diose. Mach'auc a te ya xtal yac' sbaic ta abatinel yu'un sloc'omba alal toroetic ta swenta jcojt' toro soc juccojt' chijetic, ya xju'ix ya x'och ta sacerdoteil yu'un te diosetic awu'unic ta ac'opic, te ma ja'uc te cuxul Diose.

Efesios 4:18

Ay ta ijc' q'uinal te yo'tanique. Ma'yuquic ta stojol te Diose yu'un ma'yuc bi ya sna'ic ta scaj te boloben te yo'tanique.

1 Corintios 12:2

Te ja'exe, ya ana'ic stojol te bit'il ayex a te c'alal ma to ach'uunejic a te Diose. Jun nax awo'tanic la awac' abaic ta jowil alajinbel abaic ta stojol te loc'ombaetic te ma xc'opojique.

Jeremías 10:25

Ac'a bael awilimba ta stojol te nacionetic te ma sna'bat abae, ta stojol te lumetic te ma ba ya sc'oponate. Melel la sbic' c'oem te lum yu'un Jacob, jc'axel la sjinic ta jyalel; mero ma'yuc yutsil la yijq'uitayic te lume —xi' te j'alwaneje.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

Josué 24:2

Jich la yalbey spisil te lume: —Jich ya yalbotic Cajwaltic te Dios cu'untic te israelotique: “Namey q'uinal te Taré soc te snich'nabe, ja' te Abraham soc Nacor, te antiguo jme'-jtatic, ainic ta ti'ti'ja' Éufrates, soc yacalic ta xch'uunel te yantic diosetique.

Éxodo 5:2

Te faraón la yalbey: —¿Mach'a a te Awajwal te ya jch'uunbey sc'op te ya cac' bael te israeletique? Ma jna'bey sba te Awajwal ya awale. Ma xju' caq'uex bael —xi'.

1 Juan 3:1

Awaiy bit'il bayal c'uxotic ta yo'tan te Jtatic Diose, swenta yu'un ja' jbiiltic ya xc'ot te yal-snich'anotic te Diose. Ja' swentail te ma sna'botic jbatic te mach'atic ayic ta swenta te balumilale, te melel ma sna'beyic sba te Diose.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Hechos 17:23

Melel te c'alal c'axon tel ta yilel te ch'uunjibaletic awu'unique, la jta jun scajtijib majt'anil te banti jich ts'ibubile: “Ja' yu'un te Dios te ma na'biluc sbae”, te xi' te ts'ibubile. Jich yu'un te Dios te awich'ojic ta muc' te ma x'ana'beyic sbae, ja'ix te mach'a ya calbeyex sc'oplale.

Hechos 14:12

Jajch' yalic te ja' Júpiter te Bernabé soc ja' Mercurio te Pabloe scaj te ja' yac ta c'op stuquele.

San Juan 1:10

Ayix ta balumilal te mach'a la xchicnantes te balumilale, ja'uc me to, te mach'atic ay yu'une ma la sna'beyic sba.

Jeremías 2:11

te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

Romanos 1:23

Jich la sc'atp'unbeyiquix te yutsilal Dios te ma xlaj stuquele. Spasojic ta sloc'omba ants-winic te ma staleluc cuxule, soc sloc'ombail mutetic soc chambalametic soc chanetic.

Jeremías 5:7

Te Cajwaltic jich ya yal: —¿Bit'il ya jpasbat perdón yu'un spisil? Te anich'nabique la yijq'uitayonic, soc ja' ya yalbeyic loq'uel sbiil te ma diosuque. La cac'bey bayal swe'elic; ja'uc me to, ma junaj yo'tanic ta jtojol, soc jun nax la yac' sbaic bael ta spasel mulwej ta sna jmulawil antsetic.

Jeremías 16:20

¿Ya bal xju' spas diosetic te winique? Te diosetic ya spase, lotil ta melel —xiic me.

Gálatas 4:3

Jich jc'oplaltic uuc te jo'otique. Te c'alal alalotic to ae, ayotic ta mosoil yu'un te mandal te ay ta alel ta balumilale.