Gálatas 4:4 - Bible in Tzeltal de Oxchuc y Tenejapa

⁴ Ja'uc me to, te c'alal la sta yorail yu'un te Diose, la sticun tel ta balumilal te Snich'ane. Alatayot yu'un jtul ants soc swentainot yu'un te mandalile.

Nuevo Testamento Tzeltal de Amatenango

⁴ Pero te kꞌalal la sta stiempoile, Dios a stikon tal te Xnichꞌane te alatayot yuꞌun jtul antse, sok te ay ta skuenta te mantaliletik yuꞌun te Moisese.

Bible in Tzeltal Bachajón

⁴ Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

Gálatas 4:4 Referans Kwoze

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Romanos 1:3

Ja' bi ja' sc'oplal te Cajwaltic Jesucristo te ja' Snich'an Dios stuquel. Ja' sts'umbal te muc' ajwalil David ta swenta sbaq'uetal.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

San Marcos 1:15

Jich la yal: —C'otix yorail te bit'il ay ta ajwalinel te Diose. Jich yu'un sujt'esa awo'tanic ta stojol te Diose. Ch'uunaic me te lec yach'il c'ope —xi' te Jesuse.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

1 Juan 4:14

Jo'on testigoon soc te jo'taque, la quilbeytic sit te Jesucristo te ticunbil tel yu'un te Tatile, ja' te Snich'an Dios te Jcoltaywanej yu'un spisil te ants-winiquetique.

Efesios 1:10

Ja' la xchap te c'alal ya sta yorail yu'une, ya me x'och ta swenta Cristo spisil te bitic ay ta ch'ulchane soc ta balumilal.

San Lucas 2:7

Tey ayin a te sba yale. La spots ta pac' soc la yac' wayuc ta yawil swe'el chambalam, yu'un ma la staiquix ta majanel te lequil wayibal-nae.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

San Lucas 1:35

Jich la yal te ch'ul abate: —Ya xjul ta awenta te Ch'ul Espiritue. Ya me yaxintesat ta yu'el te Ch'ul Dios te mero toyol aye. Jich te ch'ul alal ya x'ayin awu'une, Snich'an Dios ya xc'ot te sbiile.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.

Hebreos 2:14

Te bit'il ch'ich'-baq'uet ayic te “alnich'anetic” te xie, jich nix ch'ich'-baq'uet c'ot uuc te Jesuse, swenta yu'un jich ju' yu'un tsalaw a te bit'il laje. Jich ju' yu'un te la slajinbey yip yu'el te lajele, ja' bi ja' te pucuje.

San Juan 10:36

Jich yu'un teme tsabilon yu'un Dios te la sticunon tel ta balumilale, ¿bistuc ya awalbonic te yacon ta stoybac'optayel Dios a te bit'il la cal te ja' Snich'anone?

Zacarías 6:12

Jich me xawalbey: “Te Cajwaltic te Spisil ya xju' yu'une, ya yal ta jamal te ay jtul winic te Spul sbiil te ya xpulin loq'uel tel ta atojol, te ya xcha'pas xan te templo yu'un te Cajwaltique.

Isaías 48:16

Noptsajanic tel ta jtojol, aiya awaiyic stojol: C'alal ta xjajch'ibal, ma'yuc bay muquen a c'opojon; soc te c'alal c'ot ta pasel spisil, tey ayon a. Jich yu'un ta ora yo'tic te jo'on Ajwalilon la cac'beyix te cu'ele, soc la jticunix bael —xi' te Cajwaltique.

Génesis 3:15

Ya me cac' te contro ya awil aba soc te antse, soc te ats'umbale contro ya yil sba soc te sts'umbale. Ja' me ya yejch'entesbat ajol te patil alnich'an yu'une, yan te ja'ate yit nax yacan ya awejch'entesbey atuquel —xi' sc'oplal yu'un.

1 Timoteo 3:16

Jamal chican te bit'il muc' sc'oplal ta c'axem to xan te bila muquen jch'uunejtique, jich te bit'il ay ta alele: “Dios la yich' sbaq'uetal, chicnaj ta balumilal. Ac'ot ta na'el te toj yo'tan yu'un te Espiritue. Ilot yu'un te ch'ul abatetique. La yich' cholel sc'oplal ta stojol te nacionetique. La yich' ch'uunel ta balumilal. Ic'ot moel ta utsilal”, te xie.

Romanos 15:8

Ja' ya calbeyex sc'oplal te Cristo te tal yac' sba ta abatinel yu'un te judioetique swenta yu'un tal sc'otes ta pasel te bila yaloj ta stojol te tatiletic cu'untique. Jich la yac' ta ilel te smelelil te bila yaloje.

Hechos 1:7

La yal te Jesuse: —Te ja'exe, ma'yuc ta awentaic sna'el te bi orae soc te bi c'aalile. Ja' ay ta swenta te Jtat te tulan yat'el stuquele.

San Lucas 1:31

Yo'tic, ya me awic' awal. Jich me ya x'ayin aquerem-al. Jesús sbiil ya xc'ot awu'un.

San Mateo 3:15

La yal te Jesuse: —Ac'a yich' pasel, melel ya sc'an ya jc'otestic ta pasel spisil te bila ya sc'an yo'tan te Diose —xi'. Jich la yac'bey yich' ja' te Juane.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

1 Juan 4:2

Jich me ya xchicnaj teme ya yic'ojic te Espíritu yu'un te Diose: Spisil mach'a ya yal ta jamal te ja' la yich' sbaq'uetal te Jesucristo te xtaluque, tey me ya ana'ic a te ja' nix Espíritu yu'un Dios te yic'ojique.

Hebreos 9:10

Ja' nax ya yalbey sc'oplal te bila ya swe'ique soc te ya yuch'ique soc te bi yilel ya sc'an ya spoc sc'abique. Melel ja' nax ay sc'oplal ta pasel ta stojol Dios ja' to te la sta yorail te la yich' jeltayel yu'un te Diose.

Colosenses 2:14

Dios la stup'botiquix ta jun spisil te jayeb jbetic te quechel ta jwentatic stojele. Tey laj sc'oplal a te c'alal la yich' bajel ta lawux ta cruz.

Romanos 9:5

Ja'ic sts'umbalic te antiguo tatiletic cu'untic. Soc ja' sts'umbal te Cristoe, te bit'il la yich' sbaq'uetal ta balumilale, te ja' Dios stuquele, cajal yu'un spisil te bitic aye, soc te jelawen yutsil sbajt'el q'uinal stuquel. Jichuc.

San Juan 8:42

Te Jesús jich la yalbey yaiyic: —Te meleluc te ja' atatic te Diose, c'ux ya awaiyonic te jichuque, melel te jo'one talemon ta stojol te Diose te bit'il li' ayon to. Ma jtuquel-o'tanuc te talone. Ja' la sticunon tel te Diose.

San Mateo 5:17

“Ma me xacuyic te tal jlajinbey sc'oplal te mandalile soc te bila ts'ibubil jilel yu'un te j'alwanejetic yu'un te Diose. Ma ba tal jlajinbey sc'oplal, melel tal cac' c'otuc ta pasel.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

Números 28:22

Ya me awaq'uic xan jcojt' tentsun, ja' me te milbil majt'anil te ya yich' tael perdón yu'un a te amulique.

Romanos 5:6

Te c'alal ma'yuc quiptic a, te c'alal la sta yorail yu'un te Diose, la yac' sba ta lajel te Cristo ta swenta te jmulawiletique.

1 Timoteo 2:6

Ja' te mach'a la yac' sba ta lajel ta smanel scolel spisil te ants-winiquetique. Jich la yich' alel ta testigo-c'op, te c'alal la sta yorail yu'un te Diose.

San Lucas 20:44

¿Bit'il ay jiche te ja' sts'umbal David te Cristoe? Melel “Cajwal”, xi' te Davide —xi' te Jesuse.