Gálatas 4:3 - Bible in Tzeltal de Oxchuc y Tenejapa

³ Jich jc'oplaltic uuc te jo'otique. Te c'alal alalotic to ae, ayotic ta mosoil yu'un te mandal te ay ta alel ta balumilale.

Nuevo Testamento Tzeltal de Amatenango

³ Jich mismo ya xkꞌot ta jkuentatik ekꞌa. Te kꞌalal chꞌinotik to aye jich ayotik ta skuenta te machꞌatik ay spoderik te ya spasawanik ta mantal liꞌ ba balmilale.

Bible in Tzeltal Bachajón

³ Ha nix hichotic, te c'alal alalotic to a, ayotic ta mosohil yu'un te bintic scuenta te bahlumilale.

Gálatas 4:3 Referans Kwoze

Colosenses 2:20

Te ja'exe lajemex soc te Cristoe. Jich ma ba ya ach'uuniquix te jowil nax nopjibal yu'un te balumilale. ¿Bistuc jiche te jich ya x'ainex te bit'il mach'atic ayic nax ta swenta te balumilale? ¿Bistuc ya ach'uunic te bila mandalil snopojic naxe?

Colosenses 2:8

Tsajtaya me abaic jiche, ma me xawac' slo'layex ta swenta sp'ijil sc'op nax ants-winiquetic soc te bila tojol c'op aiyejetic naxe. Ja' nax yich'ojic ta muc' te costumbre yu'un te ants-winiquetique soc te bila jowil nax snopojic ta balumilale, te ma ja'uc ta swenta te Cristoe.

Gálatas 4:9

Ja'uc me to, te bit'il la ana'beyiquix sba te Diose, soc te ja' la sna'beyex abaic stuquele, ¿bi la spas te awo'tanique, te ya sujt'ex xan ta mosoil yu'un te bila ma'yuc yip soc ma'yuc sc'oplal ta ch'uunele?

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

Gálatas 4:31

Jich yu'un, quermanotac, ma ja'uc yalotic te mach'a ay ta criadaile, ja' yalotic te mach'a ay ta libree.

Hechos 15:10

Jich yu'un ¿bistuc te ya awilbeyic yo'tan te Diose, te ya awac'bey yijc'ats te jch'uunjeletic ta xch'uunel te bila ma ju' cu'untic xch'uunel soc uuc te jme'-jtatique?

Romanos 8:15

Melel te Espíritu te ac'botex awiq'uique, ma ja'uc ya yaq'uex xan ta mosoil yu'un te xiwele. Melel ja' ya yaq'uex ta alnich'an yu'un te Diose. Ja' swentail te jich ya caltique: “Jtat”, te xootic ta stojole.

San Juan 8:31

Jich yu'un te Jesuse la yalbey te judioetic te xch'uunejiquixe: —Teme jc'axel ya awac' ta awo'tanic te jc'op la calbeyexe, jich me jnopojelex cu'un ta melel abi.

Hebreos 7:16

Melel ma ja'uc la yich' yat'el ta sacerdoteil yu'un te ay bila ts'ibubil jilel sc'oplal soc sts'umbal ta bay te mandalile. Ja' la yich' yat'el yu'un te ay yip yu'el stuquel te bit'il stalel cuxul te ma xju' xlaje.

Gálatas 4:25

Melel te Agare ja' pajal soc te wits Sinaí te ay ta bay sq'uinal Arabia. Ja' sc'oplalic uuc te muc'ul lum Jerusalén, te ayic ta mosoile.

Gálatas 3:19

Jich yu'un, ¿bila ya xtuun xan a te mandalile? Ja' la yich' aq'uel ta patil yu'un te tey me ya xchicnaj ta jamal a te smulic te mach'atic ya sc'axintayic te mandalile. Ja' to te c'alal tal te sts'umbal Abrahame, ja' te mach'a la yalbey sc'oplal te Diose. Te mandalile la yich' aq'uel ta swenta ch'ul abatetic, soc ay jtul winic te la sc'ases c'op ta stojol te lume.

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

Romanos 7:14

Melel jna'ojtic stojol te ja' yu'un Dios te mandalile. Yan te jo'one, ch'ich'-baq'ueton nax. Mosoinbilon yu'un te mulile.

2 Corintios 11:20

Melel ya xcujch' awu'unic te mosoinele, soc teme ya slajinbeyex te bila ay awu'unique, soc teme ya slo'layexe, soc teme muc' ya yac' sbaic ta atojolique, soc teme ya smajbeyex achoique.

Gálatas 4:2

Ja'uc me to, ay ta wentainel yu'un te yantique, ja' to teme la sta yorail te bi ora yaloj jilel te state.

Gálatas 4:8

Ta namey tel ma la ana'beyic sba te Diose, ja' la awac' abaic ta abatinel yu'un te bitic ay ta balumilal te ma diosuque.

Gálatas 4:24

Te bila la calixe, seña-c'op ta jtojoltic. Te cheb antsetique pajalic soc te cheb tratoetique. Te jun tratoe chicnaj ta wits Sinaí. Ja' pajal soc te Agare. Te mach'atic ayic ta swenta in trato to ayic ta mosoil.

Hebreos 5:12

Te bit'il bayalix c'aal ach'uunejic te Cristoe, ya sc'an te ja'ex ayex ta p'ijubteswanej te jichuque. Ja'uc me to, ya to sc'an ya awich'ic xan p'ijubtesel a te bila xjajch'ibal ay ta xch'uunel te sc'op Diose, melel pejc'ajemix awipic. Ja' ya xtuunix awu'unic yan buelta te leche, ma xju' awu'unic stuuntesel te tulan we'elile.