Gálatas 4:19 - Bible in Tzeltal de Oxchuc y Tenejapa

¹⁹ Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

Nuevo Testamento Tzeltal de Amatenango

¹⁹ Kuntikilex te ben kꞌuxex ta koꞌtane, ayonix ta wokol nax tak yuꞌun te jaꞌexe, jich tutꞌil jtul meꞌil te ya xlijk swokole. Y sigue ayon bael ta wokol jaꞌ to teme Cristo ya stojutesexe.

Bible in Tzeltal Bachajón

¹⁹ Cal-jnich'nabex, te yac ta c'axel xan jwocol yu'un yac calataybelex ha to c'alal ya xchicnaj te stalel Cristo ta awo'tanic,

Gálatas 4:19 Referans Kwoze

Romanos 8:29

Melel te mach'atic namey to na'bil sbaic yu'un te Diose, xjajch'ibal to tel chapal sc'oplalic yu'un Dios te bit'il pajal yilelic ya xc'ot soc te Snich'ane, swenta yu'un ja' sbabial ya xc'ot ta yolil te tsobol yijts'inabe.

Efesios 4:13

Ja' to teme jpisiltic jun nax ya xc'ootic ta swenta te xch'uunjel co'tantique, soc ja' to teme jna'ojbeytiquix sba ta lec te Snich'an Diose. Jich me lequil ants-winic ya xc'ootic ta stojol te Diose. Yan yan jtabel quiptic, ja' to teme la jtabeytic smuc'ul te Cristoe.

Romanos 13:14

Ac'a me jc'u'inbeytic yu'el te Cajwaltic Jesucristoe. Ma me xawac' abaic xan ta spasel te bila ya sc'an te abaq'uetalique.

Efesios 4:24

C'u'inaic te yach'il cuxlejal yu'un Dios te la xchicnantes te pajal yilel soque. Jich me ya xchicnaj te toj awo'tanic ya x'ainex ta q'uinale soc te ch'ultesbil awo'tanic ta swenta te smelelil c'ope.

Colosenses 4:12

Soc ya sticunbeyex spatjibal awo'tanic te Epafras, te abat yu'un Cristo te tey talem ta banti ayexe. Bayal ya sc'oponbeyex Dios spisil ora te junuc awo'tanic soc te jc'axeluc ya awac' abaic ta spasel te sc'anjel yo'tan te Diose.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

Filipenses 2:5

Ja' me xanopic te bit'il ay yo'tan stuquel te Cristo Jesuse:

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

Filemón 1:10

ya calbat wocol yu'un te Onésimo, te jnich'an ta stojol Dios, te joinej li'to ta banti ayon ta chuquele.

Colosenses 1:27

Jich la sc'an yo'tan Dios te ya yac'botic jna'tic in c'op to te muquen aye, ja' te c'op te jelawen yutsil ta aiyel stojol yu'un spisil te jyanlumetique: Ja' te bit'il ya x'ain ta awo'tanic te Cristoe, swenta yu'un jun awo'tanic ta smaliyel te ya awich'ic ta patil te yutsilal te Diose.

Colosenses 2:1

Ya jc'an te ya ana'ic stojol te bit'il tulan yacon ta at'el ta jcoltaybelex ja'ex soc uuc te quermanotactic te ayic ta lum Laodicea, soc spisil te quermanotactic te ma ba yilojbonic jsite.

Filipenses 2:17

Manchuc teme ya jmal jch'ich'el jbaq'uetal ta swenta sts'actijib te smajt'an Dios awu'unique, ya me xbujts'naj co'tan ta lec yu'un, soc ya me xbujts'naj awo'tanic yu'un uuc te ja'exe.

Filipenses 1:8

Ja' testigo cu'un te Diose te bayal c'uxex ta co'tan ta apisilique, jich nix te bit'il c'ax bayal c'uxotic ta yo'tan ta jpisiltic te Jesucristoe.

Isaías 53:11

Te c'alal c'axix yu'un a te bayal swocole, ya me yil te saquil q'uinale, soc bin nax me yo'tan yu'un. Te tojil abat yu'un Cajwaltic, bayal mach'atic ya yac' ta libre, melel ja' ya scuchbey smulic stuquel.

1 Juan 5:21

Cal-jnich'nab, tsajtaya me abaic yu'un te loc'ombaetique. Jichuc.

1 Juan 2:12

Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

1 Juan 2:1

Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

Hebreos 5:7

Te jayeb c'aal ay ta balumilal te Cristoe, ma la scom sba ta sc'oponel Dios. Bayal la yoq'uetay sba ta yalel wocol ta stojol, te yacuc xju' ya xcoltayot ta yu'el te manchuc ya x'ac'ot ta lajele. Dios aiybot stojol sc'op yu'un, melel jun nax yo'tan yich'oj ta muc'.

Tito 1:4

Ja'at Tito, te jich c'oemat ta co'tan te bit'il mero jnich'anat ta swenta bit'il pajal ay xch'uunjel co'tantique, ac'a me yac'bat yutsil yo'tan te Jtatic Diose soc te Cajwaltic Cristo Jesuse te Jcoltaywanej cu'untique. Ac'a me xc'uxtayat, soc lamaluc me q'uinal ya awaiy yu'un spisil ora.

Filemón 1:19

Te jo'on Pabloon ya me jtojbey te sbete. Ya me awil te jo'on ta jc'ab la jts'ibuy jtuquel in to. Ya me jtojbey, manchuc teme ay abet cu'un uuc te ja'ate, ja' nix te acuxlejale.

1 Timoteo 1:2

Ya jpatbat awo'tan, Timoteo, ja'at te mero jnich'anat ta swenta xch'uunjel co'tantic. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat, soc lamaluc me q'uinal ya awaiy yu'un spisil ora.

San Lucas 22:44

Te bit'il bayal ay ta woclajel te yo'tane, la yac' xan puersa ta sc'oponel te Diose. Te xchiq'ue ja' pajal soc ch'ich' te xt'ulajan coel ta lume.]

2 Corintios 12:14

Ta ora to chapalonix te ya xtal quilex ta yoxebal bueltae. Ma me cac'beyex awocolic yu'un te bila ya xtuun cu'une, melel ma ja'uc yacon ta sleel te bila ay awu'unique, ja' ya jc'anex atuquelic te ja'exe. Melel te me'il-tatiletique, ja' ay ta swentaic te ya sle taq'uin ya xtuun yu'un te yal-snich'anique. Ma ja'uc te alnich'anetic te ya sle taq'uin ya xtuun yu'un te sme'-statique.

1 Tesalonicenses 2:7

Ja'uc me to, jich la cac' ta ilel yutsil co'tan ta atojolic te bit'il jtul ants te bayal yutsil yo'tan ta xch'ijtesel te yalataque.

3 Juan 1:4

Ma'yuc yan te bila ya xbujts'naj co'tan ta lec yu'une, ja' nax te c'alal ya caiy stojol te jun yo'tanic ta spasel te bi ya yal te smelelil c'op te mach'atic cal-jnich'nabe.