Gálatas 4:14 - Bible in Tzeltal de Oxchuc y Tenejapa

¹⁴ Te chamel te la stsacone, yiljibal co'tan. Ja'uc me to, ma la awilayonic, ma la ap'ajonic. Bin nax awo'tanic la anajc'anonic. Jich c'oon ta awo'tanic te bit'il ch'ul abat yu'un te Diose soc jich c'oon ta awo'tanic te bit'il Jesucristoe.

Nuevo Testamento Tzeltal de Amatenango

¹⁴ Te chamele jun prewa yuꞌun jaꞌex te ma la achꞌojikon lokꞌel sok ma la apꞌajikon yuꞌun te jchamele. Yuꞌun ben lek la awikꞌikon jich tutꞌil jtul ángel yuꞌun Dios o jich tutꞌil te Cristo Jesuse.

Bible in Tzeltal Bachajón

¹⁴ Aunque c'ax awocolic yu'un te ayon ta chamel, ma ba la ap'ajonic soc ma ba la awihlayonic yu'un, hich la awic'onic te bin ut'il ch'ul a'bat yu'un Dios, hich te bin ut'il Cristo Jesús.

Gálatas 4:14 Referans Kwoze

San Mateo 10:40

“Te mach'a ya yiq'uex ta snae, jo'on la yic'onix ta sna uuc, soc te mach'a ya yic'on ta snae, ja' la yiq'uix ta sna uuc te Mach'a sticunejon tele.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

2 Corintios 5:20

Jich yu'un teq'uelotic ta c'op ta atojolic ta swenta te Cristoe. Jich c'oem te bit'il ja' ya yal wocol Dios ta atojolic ta jwentatic te jo'otique. Ya calbeyex wocol ta atojolic ta swenta sbiil te Cristoe te ac'a junajuc awo'tanic ta stojol te Diose.

Malaquías 2:7

Ja' me yat'elic te sacerdoteetic ta sp'ijubtesel te lum te yacuc sna'bonic jbae; soc jich me spisilic ya xtalic ta sleel p'ijubtesel ta stojolic, melel ja'ic te j'alwanejetic cu'un, jo'on Ajwalilon te spisil ya xju' cu'une.

Zacarías 12:8

Jo'on Ajwalilon, ya me jcanantay te mach'atic nainemic ta Jerusalén. Te jayeb mach'atic ma'yuc yipic, mero bayal me yipic ya xc'otic, jich me yip ya xc'otic te bit'il muc' ajwalil David. Te patil alnich'anetic yu'un David jichic me te bit'il Dios, jich te bit'il ch'ul abat yu'un Cajwaltic, te neel ay ta beel yu'unique.

2 Samuel 19:27

Pero la sleonix ta c'op ta atojol, muc' ajwalil cu'un. Pero te ja'at cajwal, jichat te bit'il ch'ul abat yu'un Dios, ja' ya apas te bi lec ta pasel ya awaiye.

2 Samuel 14:17

Jo'on te abaton awu'une ya jmaliy te sujt'ib ta atojol, swenta yu'un ja' me ya smuc'ubtesbon q'uinal caiy, melel te ja'ate ya ana' stsajtayel banti lec soc banti ma lecuc, jich te bit'il ch'ul abat yu'un te Diose. Ac'a sjoinat te Diose, ja' te Cajwaltique —xi' te antse.

1 Tesalonicenses 4:8

Jich yu'un te mach'a ma'yuc sc'oplal ya xc'ot ta yo'tan in mandal to, ma ja'uc smandal ants-winic te la xch'aybeyixe, ja' la xch'aybey smandal te Diose te yac'ojbotic te Ch'ul Espiritue.

Gálatas 4:13

Melel te c'alal la jcholbeyex awaiyic ta xjajch'ibal te lec yach'il c'ope, ana'ojic stojol ta scaj jchamel te ju' cu'un te la calbeyexe.

1 Corintios 4:10

Cuybilotic ta bol, ta swenta te Cristoe. Yan te ja'exe, ay ap'ijilic ta swenta Cristo. Te jo'otique, ma'yuc quiptic. Yan te ja'exe, bayal awipic. Ayex ta ich'el ta muc' yu'un te ants-winiquetique. Yan te jo'otique, p'ajbilotiquix.

1 Corintios 1:28

Soc ja' stsaoj Dios te mach'atic ilaybilic ta balumilale soc te p'ajbilique. Ja' stsaoj te mach'atic ma'yuc sc'oplale, yu'un ya sjin te mach'atic tulan sc'oplale,

San Juan 13:20

Te mach'a ya yic' ta stojol te mach'a jticuneje, jo'on la yic'onix ta stojol abi. In te mach'a ya yic'on ta stojole, ja' la yiq'uix ta stojol uuc te Mach'a la sticunon tele —xi' te Jesuse.

San Lucas 10:16

“Te mach'atic ya yaiybeyex stojol te ac'opique, jo'on la yaiybonic stojol jc'op abi. Te mach'atic ya sp'ajexe, jo'on la sp'ajonic abi. Teme ya sp'ajonic te jo'one, ja' ya sp'ajic uuc te Mach'a sticunejon tele —xi' te Jesuse.

San Mateo 25:40

“Jich me ya yal te muc' ajwalile: “Jamal ya calbeyex, te bit'il jich la apasbeyic jtuluc in to te quermanotaque, manchuc teme peq'uel ayique, jo'on la apasbonic c'oem abi”, ya me yut.

San Mateo 18:5

Soc te mach'a jo'on ta jwenta te ya yic' ta stojol jtul alal jich bit'il in to, jo'on la yic'onix abi.

Eclesiastés 9:16

Pero jo'on ya cal ta jamal, ja' cajal sc'oplal te jp'ijiltique, ma ja'uc te quiptique. Ja'uc me to ma x'ich'ot ta muc' te p'ijil c'op yu'un te winique te ma'yuc bi ay yu'une, soc ma'yuc mach'a ya yaiybey te bila ya yal te me'ba winique.

Salmos 119:141

Peq'uelon te jo'on soc ilaybilon; ja'uc me to, ma ba jch'ayoj ta co'tan te mandaliletic awu'une.

Job 12:5

Te mach'a jun yo'tan aye, ya yilay te mach'a ay wocol ta stojole; ma swentauc teme la scotp'in xan bael te mach'a yalelixe.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

Gálatas 4:15

¿Bit'il ch'ay awu'unic te sbujts' awo'tanique? Melel testigoon awu'unic te c'an aloq'uesbon asitic te ya awac'bonic sjelolin te jsite.