Gálatas 3:8 - Bible in Tzeltal de Oxchuc y Tenejapa

⁸ Melel namey chicnaj ta Sjun Dios te bit'il toj ya x'ilot yu'un Dios te jyanlumetic ta swenta bit'il ya yac' xch'uunjel yo'tanique. Dios la yal ta neelal to ta stojol Abraham te lec yach'il c'ope, ja' bi: “Ya me staic bendición spisil nacionetic ta awenta”, te xie.

Nuevo Testamento Tzeltal de Amatenango

⁸ Ta nail to chiknaj ta Sjun Dios te libre xkꞌotik yuꞌun smulik te machꞌatik ma juriyouke yuꞌun te xchꞌuunel yoꞌtanike. Jich Dios la yal ta stojol jꞌAbraham te lekil achꞌ kꞌop to: “Ta spisil nasionetik ya yichꞌ bendision ta akuenta”, xchi me.

Bible in Tzeltal Bachajón

⁸ Te Shun Dios, te bin ut'il nahil yiloj te toj ya x'ilotic yu'un Dios te jyanlumetic ta scuenta sch'uhunel yo'tanic, nahil la yalbe te Abraham te lec yach'il c'op, te hich la yal: Ya me x'a'bot bendición spisil nacionetic ta acuenta, te xchi sc'oblale.

Gálatas 3:8 Referans Kwoze

Génesis 12:3

Ya me cac'bey bendición mach'a jayeb te lec yo'tan awu'un. Te mach'a jayeb ma lecuc yo'tan awu'une, boloben me sc'oplal cu'un ya xc'ot. Ja'at me ta awenta te ya cac' bendición ta stojol spisil ants-winiquetic ta balumilal —xi' sc'oplal yu'un te Diose.

Génesis 22:18

Ta swenta ats'umbal ya x'ac'bot bendición bayal ta jtul ta spamal balumilal, yu'un la ach'uunbon jmandal”, te xie —xi' sc'oplal yu'un.

Génesis 28:14

Jich yipal ats'umbal ya xc'ot te bit'il ts'ubil lum. Soc ya me spuc sbaic ta bayuc c'alal ta stojol smalib c'aal, soc c'alal ta stojol sloq'uib c'aal soc c'alal ta stojol norte, soc c'alal ta stojol sur. Soc ta awenta soc ta swenta ats'umbal ya me x'ac'bot bendición spisil ta jchajp lum ayic ta spamal balumilal.

Génesis 26:4

Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 18:18

te melel muc'ul lum ya xc'ot sts'umbal, soc ich'bil ta muc' ya xc'ot. Spisil ta jchajp nacionetic ya me x'ac'bot bendición ta swenta Abraham.

Hebreos 4:2

Melel jpisiltic la yich'ix alel ta jtojoltic uuc te lec yach'il c'ope, jich nix te bit'il la yich' alel ta stojolique. Ja'uc me to, tojol c'ot te la yaiyic stojole, melel ma la yac' xch'uunjel yo'tanic te bit'il la yaiyic stojole.

Gálatas 3:22

Ja'uc me to, ya yal te Sjun Dios te chuculotic yu'un te mulile. Jich yu'un ja' nax ya xju' ya quich'tic te bila yaloj Dios teme ya cac'tic xch'uunjel co'tantic ta stojol te Jesucristoe.

Gálatas 3:16

Te Abraham albot yu'un Dios te bi yilel ya xc'ot soc te sts'umbale. “Ta spisil te ats'umbale”, ma xiuc te Sjun Diose, melel ma ja'uc la yalbey sc'oplal ta spisilic. “Ats'umbal” xi', melel jtul nax te ay sc'oplal te sts'umbale. Ja' nax te Cristoe.

San Juan 7:38

Melel ya yal te Sjun Diose te mach'a ya xch'uunone ya me x'oquin loq'uel ja' ta yo'tan te cuxule —xi' te Jesuse.

Génesis 49:10

Ma'yuc mach'a ya spojbey yat'el ta muc' ajwalil te Judá, ni ja'uc sbastón te yich'oj ta sc'ab, ja' to ya xtal te mach'a yu'un stuquel te at'ele, ja' te mach'a ya xch'uunbot smandal yu'un te lumetique.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Romanos 9:30

¿Bi ya caltic yu'un? Te jyanlumetic te ma'yuc ta swentaic te colele, ja'uc me to, libre c'otic yu'un smulic, ja' nax ta swenta xch'uunjel yo'tanic.

Romanos 9:17

Te melel jich ts'ibubil jilel sc'oplal ta Sjun Dios te Faraone: “La cac'at ta muc' ajwalil swenta yu'un jich ya cac' ta ilel cu'el ta awenta, soc swenta yu'un ya me xpujc' jc'oplal ta spamal balumilal”, te xie.

Isaías 65:9

Ya me cac' te ayuc sts'umbal Jacob soc te ayuc ants-winiquetic ta Judá te ya x'ainic ta witstiquil cu'une. Te mach'atic tsabilic cu'une, ya me yu'uninic te q'uinale; te abatetic cu'une tey me ya xcuxinic a.

Gálatas 4:30

Ja'uc me to, jich ya yal te Sjun Diose: “Ticuna loq'uel te acriada soc te yale. Melel ma spas te pajal ya yu'uninbat yutsil ac'ulejal soc te yal te mach'a ay ta libree”, te xie.

Hechos 2:35

ja' to teme la cac'bat apech' ta teq'uel te acontroe’, xi'”, te xie.

San Juan 7:42

Melel ts'ibubil ta Sjun Dios te ja' sts'umbal muc' ajwalil David te Cristoe soc ta lum Belén ya xtal te ja' slumal te Davide —xiic yu'un.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

Salmos 72:7

Ac'a esmajuc lamal q'uinal soc te bitic yich'oj swentail ta lec ta pasele te jayeb c'aal ochem ta ajwalil ja' to teme laj te ue.

San Juan 19:37

Soc ja' nanix jich ts'ibubil ta Sjun te Diose: “Ya me yilic ta sitic te mach'a la slowique”, te xie.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.