Gálatas 3:5 - Bible in Tzeltal de Oxchuc y Tenejapa

⁵ ¿Bi yu'un la yac'beyex Dios te Ch'ul Espiritue? ¿Soc bi yu'un te la yac' c'otuc ta pasel te jchajp at'eliletic ta atojolique? Melel ma ja'uc ta swenta te ya ac'otesic ta pasel te bila ya yal te mandalile, melel ja' nax ta swenta te la ach'uunic te sc'op Dios te la awaiyic stojole.

Nuevo Testamento Tzeltal de Amatenango

⁵ Te kꞌalal Dios la yaꞌbeyex te Espiritue y la yakꞌ ta ilel milagroetik te ba ayexe, ¿tuꞌun te jich la spase? Ma jaꞌuk yuꞌun te jaꞌex te la achꞌuunik te tut ya yal te mantaliletike. La spas yuꞌun te la achꞌuunik te skꞌop Dios la awaꞌiyike.

Bible in Tzeltal Bachajón

⁵ Te mach'a ya ya'beyex te Espíritu soc te ya spas jchahp a'teliletic ta awohlilic, ¿ha bal ya spas ta scuenta spasel te bin ya yal te Ley o ta scuenta sch'uhunel te bin yac awa'iyique?

Gálatas 3:5 Referans Kwoze

Gálatas 3:2

Ya me awalbonic caiy jiche: ¿Ja' bal la awiq'uic te Espíritu yu'un ta swenta xch'uunel te mandalil yu'un te Moisese, o ja' bal yu'un te la ach'uunic te sc'op Dios te la awaiyic stojole?

2 Corintios 13:3

Tey me ya awilic a te ja' Cristo te yac ta c'op ta jwentae. Ma peq'ueluc yip ya xc'opoj ta atojolic te Cristoe, melel ya me yac'beyex awilic te bit'il bayal yu'el ta atojolique.

Hechos 14:3

Ja'uc me to, ay bayal c'aal jalajic tey a. Ay yip yo'tanic yu'un te Cajwaltique, jich ju' yu'unic yalel te bit'il ayotic ta c'uxtayel ta jpisiltic yu'un te Cajwaltique. Ja' la yac' ta ilel te bit'il melel te bila la yalic ta swenta bit'il la yac'bey yu'elic ta spasel te jchajp at'eliletique soc te señailetique.

2 Corintios 12:12

Melel spisil te muc'ul señaetic soc te jchajp at'eliletic la jpas ta awolilic, ja' ya yac' ta na'el te bit'il mero jpuc-c'opon ta melele.

2 Corintios 10:4

Yu'un te cat'ejibtic ta guerra ma swentauc ch'ich'-baq'uet. Te cat'ejibtic te jo'otique, ja' te yip yu'el te Diose te ya xju' ya jwuytic a te tulan ts'ajq'ue.

Romanos 15:19

soc ta swenta yip te señailetic soc te jchajp at'eliletique, soc ta swenta yu'el te Ch'ul Espiritue. Jich ta bayuc nax ta spamal te q'uinale, ja' to c'alal ta Jerusalén soc c'alal to ta sq'uinal Ilírico, nojix cu'un ta alel te lec yach'il c'op yu'un te Cristoe.

2 Corintios 3:8

¿ma bal c'axemuc to xan jich ay yutsilal yich'oj te sc'op Dios te la yac' te Ch'ul Espiritue?

1 Corintios 12:10

Soc ay yan ya x'ac'bot spas jchajp at'eliletic, soc ay yan ya x'ac'ot ta j'alwanej, soc ay yan ya x'ac'bot sna' stsajtayel te espirituetique, soc ay yan ya x'ac'ot te ya xc'opoj ta yantic c'opiletique, soc ay yan ya x'ac'ot te ya sc'ases yantic c'opiletic.

Romanos 10:17

Jich yu'un, te xch'uunjel-o'tanile, ya xchicnaj ta swenta yaiyel stojol te sc'op Diose.

2 Corintios 9:10

Dios ya yac'bey yawal te mach'a ya yaiy awale, soc ya yac'bey waj swe'. Ja' nanix jich ya me yac'beyex spisil te bila ya sc'an awel awu'unique, soc ya me yesmantesbeyex te sit awawal-ats'unubique, swenta yu'un jich me ya xju' awu'unic te bayal ya awaiy coltaywanej ta stojol te yantique.

Filipenses 1:19

Te melel jna'oj stojol te ya xcolon ta libre yu'un te bit'il ya ac'oponbonic Dios, soc te bit'il ya scoltayon te Espíritu yu'un te Jesucristoe.