Gálatas 3:22 - Bible in Tzeltal de Oxchuc y Tenejapa

²² Ja'uc me to, ya yal te Sjun Dios te chuculotic yu'un te mulile. Jich yu'un ja' nax ya xju' ya quich'tic te bila yaloj Dios teme ya cac'tic xch'uunjel co'tantic ta stojol te Jesucristoe.

Nuevo Testamento Tzeltal de Amatenango

²² Pero jaꞌ chikan te tut ya yal te Sjun Diose te spisil chukajtik yuꞌun te mulile, yuꞌun te machꞌatik ya xchꞌuun te Jesucristoe, jich ya xjuꞌ ya yichꞌik te tut yaloj te Diose.

Bible in Tzeltal Bachajón

²² Pero te Shun Dios ya yal te chucbil yu'un mulil spisil te bahlumilal, scuenta yu'un te bin yaloj Dios ya x'a'botic te mach'atic ya xch'uhunic te Jesucristo.

Gálatas 3:22 Referans Kwoze

Romanos 11:32

Melel Dios la yac' te pajal ma'yuc mach'a ya xch'uun te mandale, swenta yu'un jich me ya xc'uxtay ta pajal spisil a te ants-winiquetique.

Hebreos 9:15

Ja' swentail te ja' tejc'anbil ta c'op ta xchajbanel yach'il trato te Jesucristoe. Laj Cristo swenta yu'un ya staic perdón yu'un smulic te mach'atic ayic ta swenta te sbabial trato te la sta smulique, swenta yu'un jich me ya yich'ic te bila albotic yu'un Dios te ya x'ac'bot yu'uninic sbajt'el q'uinal te mach'atic ic'bilic yu'une.

Gálatas 3:23

Te c'alal ma to sta yorail a te ya cac' xch'uunjel co'tantic ta stojol te Jesucristoe, ayotic ta wentainel yu'un te mandalile, ja' to te c'alal chicnaj te ja' ya sc'an ya cac'tic xch'uunjel co'tantic ta stojol te Jesucristoe.

1 Juan 2:25

Soc yalojix te Jesucristo te ya yac' cuxinucotic sbajt'el q'uinale.

San Juan 3:36

Te mach'a ya xch'uun te Nich'anile, ya me xcuxin sbajt'el q'uinal. Te mach'a ma sc'an xch'uun te Nich'anile, ma xyil te cuxinele. Ja' nax quechel yilimba Dios ta stojolic.

San Juan 12:46

Jo'on te sacuben q'uinal cu'un, talemon ta balumilal swenta yu'un spisil te mach'a ya xch'uunone ma x'ain ta ijc' q'uinal.

San Juan 5:24

“Jamal ya calbeyex, ja' te mach'a ya yaiybon stojol te jc'ope, soc teme ya xch'uun te mach'a la sticunon tele, ya me xcuxin sbajt'el q'uinal. Ma ba ya x'ac'ot ta castigo, jich ma'yuquix ta swenta lajel, ayix ta swenta cuxinel.

Salmos 143:2

Ma me x'awic'on ta chajbanel te awabatone, melel ta atojol ma'yuc mach'a ma'yuc smul.

2 Pedro 3:13

Yan te jo'otique, ja' ya jmaliytic te ach' ch'ulchan soc te ach' balumilal te ma'yuc xujt'uc mulil tey a te jich yalojix Dios te ya spase.

2 Pedro 1:4

Ta swenta in to, jelawen yutsil ta c'axem to xan te bila yalojbotic te ya yac'botic ta patile. Swenta yu'un pajal quileltic ya xc'ootic soc te bit'il ay te Diose, soc te libre ya xjilotic yu'un spisil sbolil te bila mulanbil ta pasel ta balumilale.

2 Timoteo 1:1

Jo'on Pabloon te ayon ta jpuc-c'op yu'un te Jesucristoe, ticunbilon ta swenta sc'anjel yo'tan Dios, te yalojix te ja' nax ay cuxlejal ta swenta te Cristo Jesuse.

Gálatas 3:29

Teme yu'unex te Cristoe, jich sts'umbal c'oemex te Abrahame. Jich me ya awich'ic te bendición te la yalbey sc'oplal ta trato te Diose.

Romanos 10:9

Ja' bi, teme jamal ya awalic ta aweic te ja' Cajwaltic te Jesuse, soc teme ya ach'uunic soc awo'tanic te bit'il Dios la xcha'cuxes tel ta bay animaetic te Jesuse, jich me ya xcolex.

Romanos 5:12

Ta swenta nax jtul winic te och mulil ta balumilale, soc ta swenta mulil te och lajele. Jich te lajele, c'ax ta stojol spisil te ants-winiquetic, melel spisil la sle smulic.

Romanos 3:23

te melel sleoj smulic ta spisilic. Loq'uemic tey a ta bay yutsilal te Diose.

Hechos 16:31

Te Pablo te Silas jich la yalbeyic: —Ch'uuna te Cajwaltic Jesucristoe. Jich me ya xcolat ja'at soc spisil te mach'a ay awu'un ta anae —xiic.

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

San Juan 6:40

Melel ja' sc'anjel yo'tan te Jtate te ya yich' xcuxlejal sbajt'el q'uinal spisil te mach'a ya yil te Nich'anile. Soc te mach'a ya xch'uune, ya me xcha'cuxes tel ta slajibal c'aal —xi' te Jesuse.

Gálatas 3:17

Ja' ya cal in to: Te Dios la spas trato soc te Abrahame, ja' swentail te ma teyuc laj sc'oplal a te bit'il lajuneb xcha'winic xcha'bajc' (430) ja'wil ta patil, chicnaj te mandalile. Melel te mandalil te patil chicnaje, ma ja'uc la slajinbey sc'oplal te bila la yal Dios ta stojol te Abrahame.

Gálatas 3:14

Jich c'ot ta pasel te bit'il albot yu'un Dios te Abraham te ya xc'ot ta swentaic bendición uuc te jyanlumetic ta swenta Cristo. Soc ta swenta xch'uunjel co'tantic ya quich'tic te Espíritu te yaloj Dios te ya yac'botique.

San Marcos 16:16

Te mach'a ya xch'uune soc teme ya yich' ja'e, ya me xcol. Yan te mach'a ma xch'uune, ya me x'ac'ot ta lajel sbajt'el q'uinal.

Romanos 3:22

Ja' nax toj ya x'ilot yu'un Dios te mach'atic ay xch'uunjel yo'tanic ta stojol te Jesucristoe. Pajal sc'oplal spisil te ants-winiquetique,