Gálatas 3:21 - Bible in Tzeltal de Oxchuc y Tenejapa

²¹ Te mandalile, ¿ya bal xch'aybey sc'oplal te bila yaloj Dios ta trato? ¡Ma jichuc! Te yu'unuc ayuc mandalil te ya xju' ya xcuxinotic yu'une, jich toj ya yilotic Dios yu'un xch'uunel te mandalil te jichuque.

Nuevo Testamento Tzeltal de Amatenango

²¹ ¿Me jaꞌ ya skꞌan xyal te mantaliletik yuꞌun jMoises te jaꞌ skontrainej te tutik sjapoj te Diose? Ma jichuk. Porke te mantaliletik te yauk yakꞌ kuxlejale, jich ya xjuꞌ te libre ay yuꞌun smul te machꞌa jich ya spas te tut ya yal te mantaliletike.

Bible in Tzeltal Bachajón

²¹ ¿Yu'un bal te Ley ya scontrahin te bintic yaloj te Diose? ¡Ban c'an hichuc! Como te yacuc xhu' ya yac' cuxlejal te Ley, toj ya x'ilotic yu'un Dios ta scuenta sch'uhunel te Ley te hichuque.

Gálatas 3:21 Referans Kwoze

Gálatas 2:21

Ma ba ya jp'aj te yutsil yo'tan te Diose. Melel teme toj ya yilotic Dios yu'un spasel te bila ya yal te mandalile, jich tojol laj Cristo abi.

Romanos 9:31

Yan te israeletique, ja' yantayejic te toj ya x'ilot yu'un Dios yu'un xch'uunel te mandalile, ja'uc me to, ma ba ju' ta ch'uunel yu'unic.

Gálatas 2:19

Te jo'one lajemonix ta swenta mandalil te bit'il lajix sc'oplal ta co'tane, swenta yu'un jich me ya xcuxinon ta stojol te Diose.

Gálatas 2:17

Jich yu'un, teme ya jletic te libre ya xc'ootic yu'un jmultic ta swenta te Cristoe, soc teme tey ya xchicnaj a te bit'il pajal jmulawilotique, ¿yu'un bal ya yal te ja' ya yac'otic ta jmulawil te Cristoe? ¡Ma jichuc!

Romanos 3:31

¿Yu'un bal ya jlajinbeytic sc'oplal xch'uunel te mandalil ta swenta xch'uunel te Jesucristoe? Ma jichuc. Ja' c'axem to xan ay sc'oplal ya xc'ot cu'untic te mandalile.

Romanos 3:4

Ma jichuc. Melel ma sujt'es sc'op stuquel te Diose, manchuc teme jpas-lot spisil te ants-winiquetique. Jich te bit'il ts'ibubil jilel ta Sjun te Diose: “Ta swenta te bila ya awale, toj ya xc'oat yu'un. Jich me ya awaiy tsalaw te c'alal ya awich' chajbanele”, te xi' sc'oplale.

Romanos 3:6

Ma jichuc. Teme ma tojuc te bila ya spas te Diose, ¿bit'il c'an ju'uc yu'un xchajbanel smulic te mach'atic ayic ta balumilale?

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

San Lucas 20:16

Ya calbeyex te ya me xtal smil jilel te j'at'eletique, soc yantic me ya yac'bey swentain te ts'usubiltic yu'une —xi' te Jesuse. Te mach'atic la yaiyic stojole la yalic: —¡Ma jichuc ya sc'an te Diose! —xiic.

2 Corintios 3:7

Te mandalil yu'un Moisés te ay lajel ta swenta, la yich' ch'ojtilayel ta ts'ibuyel ta pejch'el tonetic. Te c'alal jich yac ta c'oel ta pasele, ay bayal xojobil te yutsilale. Jich te israeletique ma ju' yu'unic yilel sit yelaw te Moisese, yu'un bayal xojobajem te site. Ja'uc me to, c'unc'un tup' te xojobile. Teme jich ay yutsilal te mandaliletic te ay lajel ta swentae,

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.

Hebreos 7:18

Jich lajix sc'oplal a te mandalil te ay ta neelale, te melel ma'yuc yip soc ma'yuc bi ju' yu'un.

Hebreos 7:19

Melel te mandalile, ma'yuc mach'a lecub ta jc'axel yu'un. Ja'uc me to, chicnaj yan te ay yip co'tantic yu'un te ya yac' noptsajucotic c'oel ta stojol te Diose.