Gálatas 3:2 - Bible in Tzeltal de Oxchuc y Tenejapa

² Ya me awalbonic caiy jiche: ¿Ja' bal la awiq'uic te Espíritu yu'un ta swenta xch'uunel te mandalil yu'un te Moisese, o ja' bal yu'un te la ach'uunic te sc'op Dios te la awaiyic stojole?

Nuevo Testamento Tzeltal de Amatenango

² Jaꞌ nax ya jkꞌan ya awalbikon te tut ya jojkꞌoye: ¿Me la awikꞌik te Espíritu yuꞌun Dios te la achꞌuunik te mantaliletik yuꞌun te jMoisese, o jaꞌ te la achꞌuunik te skꞌop Dios te la awaꞌiyike?

Bible in Tzeltal Bachajón

² Ha nax ya jc'an te yac awalbonic ca'iy ini: ¿Ha bal la awich'ic te Espíritu ta scuenta spasticlanel te bin ya yal te Ley, o ha bal ta scuenta sch'uhunel te bin la awa'iyique?

Gálatas 3:2 Referans Kwoze

Gálatas 3:14

Jich c'ot ta pasel te bit'il albot yu'un Dios te Abraham te ya xc'ot ta swentaic bendición uuc te jyanlumetic ta swenta Cristo. Soc ta swenta xch'uunjel co'tantic ya quich'tic te Espíritu te yaloj Dios te ya yac'botique.

Hechos 15:8

Te Diose, te sna'oj stuquel te o'tanile, ja' testigo yu'un te bit'il la yac'bey yiq'uic ta yo'tanic uuc te Ch'ul Espíritu, jich bit'il te jo'otique.

Gálatas 3:5

¿Bi yu'un la yac'beyex Dios te Ch'ul Espiritue? ¿Soc bi yu'un te la yac' c'otuc ta pasel te jchajp at'eliletic ta atojolique? Melel ma ja'uc ta swenta te ya ac'otesic ta pasel te bila ya yal te mandalile, melel ja' nax ta swenta te la ach'uunic te sc'op Dios te la awaiyic stojole.

Hebreos 2:4

Soc Dios la snup'bey sc'opic ta swenta señailetic soc jchajp at'eliletic te la yac' ta ilel ta swenta te yu'ele. Soc ta swenta te Ch'ul Espíritu la spuctilaybotic jmajt'antic, chican bit'il la sc'an yo'tan stuquel.

Hechos 8:15

Te c'alal c'otic tey a, la sc'oponbeyic Dios swenta yu'un ya me x'ac'bot yiq'uic ta yo'tanic te Ch'ul Espiritue.

Hechos 2:38

La yal te Pedroe: —Sujt'esa awo'tanic ta stojol Dios, soc ac'a abaic ta ich'ja' juju-jtulex ta swenta sbiil te Jesucristoe. Jich me ya spasbeyex perdón yu'un te amulique, soc jich me ya yac'beyex te Ch'ul Espiritue.

Hebreos 6:4

Melel te mach'atic sacubix q'uinal ta stojolic jun buelta, soc te la yaiybeyiquix sbujts' te majt'anil yu'un te Diose, soc te yic'ojiquix ta yo'tanic te Ch'ul Espiritue,

Romanos 1:17

Melel ya yal te lec yach'il c'ope te ja' toj ya x'ilot yu'un Dios te mach'a ay xch'uunjel yo'tane. Jich nix te bit'il ts'ibubil jilele: “Te mach'a toj ya x'ilot yu'un Dios ta swenta xch'uunjel yo'tane, ja' me ya xcuxin yu'un”, te xie.

1 Pedro 1:12

Ja'uc me to, Dios ac'bot sna'ic stojol yu'un te bit'il ma ja'uc ya xc'ot ta swentaique, yu'un ja' me ya xc'ot ta jwentatic jo'otic. La spucbeyic sc'oplal te bila la jcholbeyex awaiyic sc'oplal ta ora to, ja' te lec yach'il c'op ta swenta yu'el te Ch'ul Espíritu te ticunbil tel ta ch'ulchane. Spisil in to toyol yo'tanic yu'un uuc te ch'ul abatetic te yacuc x'ac'bot yilique.

2 Corintios 11:4

Melel ma wocoluc ya awac' achiquinic ta yaiybel stojol sc'opic te mach'atic ya xtal yalbeyic sc'oplal yan Jesús te ma ja'uc te Jesús te la jcholbeyex sc'oplal awaiyique. Soc ma wocoluc ya ach'uunic yan espíritu te ma ja'uc te Espíritu awic'ojiquixe, soc ma wocoluc ya ach'uunic yan c'op te ma ja'uc te lec yach'il c'op swenta jcoleltic te awaiyojiquix stojole.

1 Corintios 9:21

Te mach'atic ma ba wentainbilic yu'un te mandalile, jich ya cac' jba te bit'il ayique, swenta yu'un jich ya jpas ta ganar a te mach'a ma ba wentainbil yu'un te mandalile. (Ma yu'unuc te ma'yucon ta swenta te mandalile, melel ja' ayonix ta swenta te mandalil yu'un te Cristoe.)

Gálatas 3:3

Mero ma x'ana'ic te q'uinale. Neel jajch' ach'uunic ta swenta te Espíritu, ja'uc me to, ya alajinbeyiquix sc'oplal ta swenta nax te abaq'uetalique.

Hebreos 4:2

Melel jpisiltic la yich'ix alel ta jtojoltic uuc te lec yach'il c'ope, jich nix te bit'il la yich' alel ta stojolique. Ja'uc me to, tojol c'ot te la yaiyic stojole, melel ma la yac' xch'uunjel yo'tanic te bit'il la yaiyic stojole.