Gálatas 3:15 - Bible in Tzeltal de Oxchuc y Tenejapa

¹⁵ Quermanotac, ja' ya calbeyex awaiyic te bila ya yich' pasel ta balumilal. Jich bit'il teme ay jtul winic te ya spas trato soc te yane, ya me yac' sfirmaic. Jtul ma'yuc mach'a ya yac' ch'ayuc, soc jtul ma'yuc mach'a ya yesmantes.

Nuevo Testamento Tzeltal de Amatenango

¹⁵ Kermanotak, jaꞌ ya kalbeyex tutꞌil ay te kuxlejal jujun kꞌaale. Te kꞌalal ya spas jun tratee te jtul winike, teme lek chapal jilel yuꞌune, maꞌyuk machꞌa ya xjuꞌ ya xchꞌay ni ya spꞌoles.

Bible in Tzeltal Bachajón

¹⁵ Quermanotac, ya calbeyex awa'iyic hich te bin ut'il ay ta pasel yu'un te ants-winiquetique: Teme chahpambilix chapbil-c'op yu'un winic, mayuc mach'a ya xhu' ya slajimbe sc'oblal o te ay bin ya yotses tey a.

Gálatas 3:15 Referans Kwoze

Hebreos 9:17

Ma to ayuc lec sc'oplal te testamento teme cuxul to te mach'a la spas te testamentoe. Yan teme laje jich ayix sc'oplal abi.

Romanos 6:19

La calix ta seña te bi yilel ayic ta balumilal te ants-winiquetique, ta scaj te wocol ya ana'ic stojole. Melel ta neelal to la awaq'uic ta abatinel abaq'uetalic ta spasel te chijubele soc spisil yantic muliletic. Ta ora to, te jayeb c'aal cuxulex ta q'uinal, ac'a me abaic ta sc'ab te Diose. Jich me ya awac' abaic ta abatinel soc abaq'uetalic ta spasel te bila toj ta pasele.

Romanos 3:5

Teme ta swenta te bila ma lecuc la jpastique, tey chican xan ta lec a te bit'il toj ya xchajbanwan te Diose, ¿bila ya caltic yu'un? ¿Yu'un bal ma lecuc te bila ya spas te Dios te ya yac'botic castigo yu'un te jmultique? (Jich ya xc'opojon te bit'il ya xc'opojic te ants-winiquetique.)

1 Corintios 15:32

Ta bay lum Efeso, la jtsal jba soc te mach'atic pajalic soc jti'awal chambalametique. Ja'uc me to, ¿bi ya xloc' cu'un a? Teme ma xcha'cux te animaetique, ja' lec te jichuc ya caltic uuc te bit'il ay ta alele: “We'ucotic-uch'ajucotic; melel pajel ya xlajotic”, te xie.

Hechos 1:15

Jich ora te la stejc'an sba jajch'el te Pedro ta yolil te quermanotactique. (Ay niwan wacwinic (120) ta jtul ta spisilic.) Jich caj yal ta stojolic:

Romanos 1:13

Quermanotac, ya calbeyex awaiyic te bayal buelta te c'an tal quilexe. Ja'uc me to, ay bila la scomon te jujun bueltae. Te bila ay ta co'tane, ja' te ya caiy c'ajoj ta awolilic uuc, jich te bit'il la jpasix ta stojol te yantic jyanlumetique.

Gálatas 6:18

Quermanotac ta apisilic, ja' ac'a yac'beyex yutsil yo'tan ta atojolic te Cajwaltic Jesucristoe. Jichuc.

Hebreos 6:13

Melel te Dios te c'alal la yalbey te Abraham te ay bila ya yac'beye, ja' nix la yal ta jamal stuquel. Melel ma'yuc yan te mach'a cajal ay yu'une.

Hebreos 6:16

Jich bit'il te ants-winiquetique, teme ay bi bayal sc'oplal ta yo'tanic te bila ya yalique, ja' ya yac' ta testigo te mach'a cajal ay yu'unique. Swenta yu'un mero melel ya xc'ot te bila ya yale.

1 Crónicas 16:16

ja' te trato la spas soc Abraham, ja' te bila tulan la yal ta stojol Isaac,