Gálatas 3:13 - Bible in Tzeltal de Oxchuc y Tenejapa

¹³ Ja'uc me to, te Cristoe la yac'otic ta libre te bit'il ayotic ta ch'ayel yu'un te mandalile. Ja' la jelolintic ta ch'ayel. Melel jich ts'ibubil ta Sjun te Diose: “Ch'ayel bajt'ix te mach'a a te ya yich' jojc'anel ta te'”, te xie.

Nuevo Testamento Tzeltal de Amatenango

¹³ Te Cristoe jaꞌ a yakꞌotik ta libre yuꞌun te kastigo yuꞌun te mantaliletike. Yuꞌun stukel a slajinbe jilel skꞌoplal te chꞌayel ya xbootike. Porke te Sjun Diose ya yal: “Chꞌayel ya xbajt spisil te machꞌa jokꞌol ya xcham ta teꞌe”, xchi me.

Bible in Tzeltal Bachajón

¹³ Cristo la scoltayotic loq'uel ta stojol te chopol c'oblalil yu'un te Ley, ha chopol sc'oblal c'oht stuquel ta jcuentatic, (yu'un hich ts'ihbabil: Chopol sc'oblalic spisil mach'atic ya yich'ic johc'anel ta te', xchi),

Gálatas 3:13 Referans Kwoze

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Deuteronomio 21:23

ma me xju' ya xjil ta sjunal ajc'ubal tey a, puersa me ya yich' muquel ta yorail nix te bi c'aalil te la yich' milele. Melel mero boloben sc'oplal yu'un Dios te mach'a jip'il ta muc'ul te'e. Ma me xju' ya awac' te ma lecuc sc'oplal ya xc'ot te lumq'uinal ya yac'beyex awu'uninic te Cajwaltic te Dios cu'untique.

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

Hebreos 9:15

Ja' swentail te ja' tejc'anbil ta c'op ta xchajbanel yach'il trato te Jesucristoe. Laj Cristo swenta yu'un ya staic perdón yu'un smulic te mach'atic ayic ta swenta te sbabial trato te la sta smulique, swenta yu'un jich me ya yich'ic te bila albotic yu'un Dios te ya x'ac'bot yu'uninic sbajt'el q'uinal te mach'atic ic'bilic yu'une.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

San Mateo 26:28

Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

Gálatas 4:5

Swenta yu'un tal yac'otic ta libre te bit'il wentainbilotic yu'un te mandalile, swenta yu'un jich me ya yic'otic ta yal-snich'an te Diose.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

1 Juan 4:10

Tey ya jna'tic stojol a te bit'il ay te xc'uxul yo'tan te Diose. Ma jo'ocotic te c'ux la caiytic ta co'tantic te Diose. Ja' c'ux la yaiyotic ta yo'tan stuquel. Jich la sticun tel te Snich'ane, la jelolintic ta stojel te jmultique.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Hebreos 9:28

ja' nanix jich uuc te Cristoe jun nax buelta tal yac' sba ta lajel ta xch'ayel smul tsobol ta jtul te ants-winiquetique. Patil ya xtal yan buelta, ja'uc me to, ma yu'unuc ya xtal xan ta xch'ayel te mulile. Ja' ya xtal scoltay spisil te mach'atic yacalic ta smaliyele.

Hebreos 9:26

Te jichuque bayal buelta la yac'ulayix sba ta lajel ta xjajch'ibal to tel balumilal te jichuque. Ja'uc me to, te bit'il slajibalix c'aale, jun nax buelta xtaluc te la yac' sba ta lajel ta xch'ayel jmultic te Cristoe.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Gálatas 3:10

Melel spisil te mach'atic ja' smuc'ulinej yo'tanic spasel te bila ya yal te mandalile, ay ta swentaic ch'ayel. Melel jich ts'ibubil jilel ta Sjun te Diose: “Ch'ayel me ya xbajt'ic te mach'a ma jc'axeluc ya xch'uunic spisil te bila ts'ibubil ta sjunal te mandalile”, te xie.

2 Corintios 5:21

Melel te Cristoe ma'yuc smul stuquel. Ja'uc me to, te Diose, ja' la yac'bey ta swenta xcuchel te jmultique, swenta yu'un jich me libre ya xc'ootic yu'un jmultic ta swenta bit'il jun c'oemotiquix soc te Cristoe.

Hechos 5:30

Te Dios yu'un te namey q'uinal jme'-jtatique, la xcha'cuxes tel te Jesuse. Ja' nix te mach'a la awaq'uic ta milel ta jijp'anel ta cruz-te'e.

Daniel 9:24

“Ya me xc'ax lajuneb xchanwinic (70) semana ta stojol te alumal soc te ch'ul lum awu'une, ja' to me ya sta yorail ya xlaj a te toybail soc te mulile, ja' to me ya sta yorail te perdón yu'un te bila amen yich'oj pasele. Sbajt'el me q'uinal ja' ya yich'ix pasel a te bila stojile, soc swenta yu'un jich ya xc'otix ta pasel a te bila chicnajem ta aiyele, soc nix te bila albil ta alwanej-c'ope, soc te ya yich' ch'ultesel xan te Mero Ch'ul Awilale.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Ester 7:10

Ja' yu'un te Amán, tey jijp'anot ta te' te la xchajban yu'un ja' c'an sjijp'an a te Mardoqueo. Tey lamaj a te slab yo'tan te muc' ajwalile.

2 Reyes 22:19

soc te la amel awo'tan yu'une, soc te la apejc'an aba ta jtojol yu'un te c'alal la awaiy te bi la cal ta jamal ta stojol te lume soc te mach'atic nainemic tey ae te ya xtal tulan wocol ta stojolic soc c'ax boloben sc'oplalic ya xc'otic, soc te la ach'i' ac'u'e, soc te oc'at ta jtojole, ja' yu'un te jo'one la caiybat te ac'ope’. Jo'on Ajwalilon te ya calbate.

Romanos 9:3

Co'tanuc te ya cac' jba ta ch'ayel ta o'tanil yu'un Cristo ta swenta xc'uxul co'tan te jich ya xcolic a te quermanotac te jun jts'umbal soque.

2 Samuel 18:10

Pero ay mach'a la yil te jich aye, ba yalbey te Joab: —La quilix te Absalón, jip'il ta jijte' —xi' c'oel.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

San Mateo 27:5

Jich la xch'oj jilel ta yutil templo te taq'uine. Ba sjojc'an sba ta te' ta smilbel sba.

Daniel 9:26

C'alal ya xc'ax te cheb xchanwinic (62) semana, ya me smilic te ch'ul jwentainwaneje. Te Jerusalén ya me yich' lajinel soc ya me yich' lajinel uuc te templo, ja' me ya slajin te swinictac te muc' ajwalil ya xtale. Te slajibale ora me ya xc'ot ta pasel, jich me ya xtal te bit'il snojel ja'; ja' to me c'alal slajibal te guerra soc te jinele, ja' te chapal nix sc'oplal ae.

Jeremías 49:13

Jo'on Ajwalilon, jo'onix me ya cal ta jamal: Te lum Bosra ya xc'atp'uj ta jochol taquin q'uinal, ya xc'atp'uj ta jinem ts'ajq'uetic. Ja' me ejemplo ya xc'ot te bit'il ay te pejc'anel, pijt'esel, soc te boltesel sc'oplale. Soc xan te yantic lumetique jc'axel me jinbil ya xc'otic sbajt'el q'uinal —xi'.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

2 Samuel 21:3

Jojc'obotic yu'un te David: —¿Bi ya jpas ta awentaic? ¿Bitic lec ya ac'anic te ya jpasbeyex swenta spacol te bi amen la awich'ic pasele, te jich ya xlecub sc'oplal awu'unic a te lum yu'un te Cajwaltique? —xi' te David.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Ester 9:14

Te muc' ajwalil la yal mandal te jich ya yich' pasele. La yich' puquel ta alel smandal ta lum Susa, soc te sbaq'uetalic te snich'nab Amán slajunebalic la yich'ic jijp'anel ta te'.

2 Samuel 17:23

Te Ahitofel c'alal la yil te ma ba la yich' ch'uunel te bila la yale, la xchajban sburro, bajt' ta sna ta slumal ta banti ainem. C'alal laj yo'tan ta sc'oponel te mach'atic ay yu'une, la sut' snuc', la sjojc'an sba, jich laj. C'ot ta muquel ta banti mucul te state.

2 Samuel 21:9

La yac'bey ta sc'abic te gabaonetique. C'o sjijp'anic ta wits ta stojol Cajwaltic, jich pajal lajic sjuquebalic ta xjajch'ibal sc'aalelal ta stsobel cebada.