Gálatas 3:11 - Bible in Tzeltal de Oxchuc y Tenejapa

¹¹ Jamal chican te ma'yuc mach'a toj ya x'ilot yu'un Dios yu'un te bit'il yat'elinej spasel te bi ya yal te mandalile. Melel jamal ts'ibubil jilel ta Sjun te Diose: “Te mach'a toj ya x'ilot yu'un Dios ta swenta te xch'uunjel yo'tane, ja' me ya xcuxin yu'un”, te xie.

Nuevo Testamento Tzeltal de Amatenango

¹¹ Jaꞌ yuꞌun chikan ta jamal te maꞌyuk machꞌa libre ya xkꞌot yuꞌun smul yuꞌun jaꞌ ya spas te tut ya yal te mantaliletike. Yuꞌun te Sjun Diose ya yal: “Te machꞌa lek ya xꞌilot yuꞌun Dios ta skuenta te xchꞌuunel yoꞌtane, jaꞌ me ya xkuxuyin”, xchi me.

Bible in Tzeltal Bachajón

¹¹ Jamal chican te mayuc mach'a toj ya x'ilot yu'un Dios ta scuenta te Ley, como ya yal: Te mach'a toj yo'tan ya xcuxaj ta scuenta sch'uhunel yo'tan, xchi.

Gálatas 3:11 Referans Kwoze

Habacuc 2:4

Ts'ibuya te ma ba xjalajic te toybaetic te c'ax amen yo'tanique; yan te mach'atic tojique ta swenta te bit'il jun yo'tanic ta stojol Dios ya me xcuxinic —xi' te Cajwaltique.

Romanos 1:17

Melel ya yal te lec yach'il c'ope te ja' toj ya x'ilot yu'un Dios te mach'a ay xch'uunjel yo'tane. Jich nix te bit'il ts'ibubil jilele: “Te mach'a toj ya x'ilot yu'un Dios ta swenta xch'uunjel yo'tane, ja' me ya xcuxin yu'un”, te xie.

Hebreos 10:38

Te mach'a toj ya x'ilot yu'un Dios, ya me xcuxin ta swenta xch'uunjel yo'tane. Yan teme ya sujt' ta spate, ma ba lec co'tan yu'un”, te xie.

Gálatas 2:16

Ja'uc me to, jna'ojtic stojol te jo'otique, ma ja'uc toj ya yilotic Dios ta swenta spasel te bila ya yal te mandalile. Ja' nax ta swenta xch'uunjel co'tantic ta stojol Jesucristo te toj ya yilotique. Melel la jch'uuntic Jesucristo swenta yu'un jich me toj ya yilotic Dios ta swenta nax xch'uunjel co'tantic ta stojol te Cristoe, ma ja'uc ta swenta spasel te bila ya yal te mandalile. Melel ma'yuc mach'a toj ya x'ilot yu'un Dios ta swenta bit'il yat'elinej spasel te bila ya yal te mandalile.

Eclesiastés 7:20

Melel ma'yuc ni jtuluc ta balumilal te mero toj, te spisil ora ja' ya spas te bila leque, te ma'yuc ya sleix smule.

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Isaías 53:6

Jpisiltic jowejemotic, jich bit'il ya spas chijetic, juju-jtul la jle jbetic jtuqueltic. Ja'uc me to, te Cajwaltic la yac' scuchbotic jmultic ta jpisiltic.

Job 42:6

Ja' yu'un jc'axel me ya jsujt'esix co'tan, ya me jnajc'an jba ta tan soc ta ts'ubil lum —xi' te Job.

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

Isaías 64:6

Jpisiltic ma ba pocbilotic, jichotic te bit'il mach'a boloben. Spisil te lequil at'elil cu'untique jich c'oemic te bit'il xch'ailel c'a'pac'. Jpisiltic limilotic ta lum, jich bit'il yabenal te' ya xc'anub, ya xlubaj coel; soc te bitic amen jpasojtique, ja' ya stasotic bael jichuc ic'.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Salmos 19:12

¿Ay bal mach'a ya sna' te bitic falta yu'une? Te faltaetic cu'un te jnac'oje, pasbon perdón, Cajwal.

Job 40:4

—¿Bi ya xju' ya cal ta sjaq'uel te bit'il mero jxujt'on te jo'one? Ja' mero lec ya caiy te ma ba ya xc'opojone.

Job 9:3

Te ayuc mach'a ya sc'an yo'tan te ya stsal sba ta c'op soque, te jmil ta jchajp bila ya yale, ma xju' yu'un sjaq'uel ni junuc te jichuque.

1 Reyes 8:46

“Te c'alal ya sta smulic ta atojole, melel ma'yuc mach'a ma sta smul, teme ilinat ta stojolique, soc teme la awac' ta sc'ab te scontro swenta yu'un ya yic' bael ta chuquel ta slumalic ta c'ubul o ta nopole,

Salmos 143:2

Ma me x'awic'on ta chajbanel te awabatone, melel ta atojol ma'yuc mach'a ma'yuc smul.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.