Gálatas 2:9 - Bible in Tzeltal de Oxchuc y Tenejapa

⁹ Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

Nuevo Testamento Tzeltal de Amatenango

⁹ Jaꞌ yuꞌun te Jacobe, te jPedroe sok te Juane, te jaꞌlan yiptajib te hermanoetike, la snaꞌik te Dios a yaꞌbon ta jkuenta te aꞌtel to. Jaꞌ yuꞌun la xchechbotik jkꞌabtik joꞌon sok te jBernabe, jaꞌ seña te joyinej jbajtik ta aꞌtel. Sok la yalik te joꞌotik ya jkuentaintik te aꞌtel te ba ma juriyouke, y te stukelik ya me xba aꞌtejikuk te ba ay te juriyoetike.

Bible in Tzeltal Bachajón

⁹ Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

Gálatas 2:9 Referans Kwoze

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.

Apocalipsis 3:12

Te mach'atic ya xju' yu'unic tsalawe, ja' me yoyalic ya xc'ot cu'un ta templo yu'un te Dios cu'une. Xujt' ma xloq'uic sbajt'el q'uinal tey a. Soc ya me jts'ibubey ta bay spatic te sbiil te Dios cu'une soc te sbiil te muc'ul lum yu'un te Dios cu'une, ja' te yach'il Jerusalén te ya xcoj tel ta ch'ulchan ta bay stojol te Dios cu'une. Soc ya me jts'ibubey ta bay spatic uuc te yach'il jbiile.

Gálatas 2:2

Jich boon, melel Dios la yac'bon jna' te puersa ya xboone. Soc te bit'il ayonix ta Jerusalén a, la jtsob jba soc te mach'atic na'bil sbaique te yich'oj yat'elic ta jwolwaneje, soc la jcholbey yaiyic te sc'oplal colel te la cal ta stojol te jyanlumetique. Jich la jpas in to, yu'un ma jc'an te tojol ya xch'ay te cat'el te yacon ta spasele.

Romanos 1:5

Ja' ta swenta te Jesucristo te ayotic ta c'uxtayel yu'un te Diose. Soc la yac'bonix cat'el ta jpuc-c'op, swenta yu'un jich me ya cac'bey xch'uunic Dios te ants-winiquetic ta spisil nacionetic.

1 Juan 1:3

Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

Efesios 3:8

Te jo'one peq'uel ayon yu'un spisil te mach'atic ch'ul lum yu'un te Diose. Ja'uc me to, ya jcholbey yaiyic te jyanlumetic te lec yach'il c'ope, ja' te sc'oplal te jelawen to xan ay yutsil yo'tan te Cristoe.

1 Timoteo 3:15

swenta yu'un teme ma ju' te talon ta orae, jich me ya ana' te bila lec ya sc'an pasel ta stojol te yal-snich'an te Diose, ja' bi, ja' te jch'uunjeletic yu'un te cuxul Diose. In te jch'uunjeletique, ja' yoyal soc ja' yiptajib a te smelelil c'ope.

Colosenses 1:29

Ja' swentail te tulan yacon ta at'el. Ya quiptay spasel ta swenta yu'el Cristo te yac ta at'el ta co'tane.

Efesios 2:20

Ts'ajc'ubilex moel ta muc'ul na. Ta sba te yiptajib la yotsesic te jpuc-c'opetic soc te j'alwanejetic yu'un te Diose. Ja' mero smuc'ul stonil chiquin-na te Jesucristoe.

2 Corintios 8:4

La yalbotic bayal wocol te yacuc xju' ya yaq'uic uuc te coltayel yu'un te mach'atic ch'ul lum yu'un Dios ta Jerusalén.

1 Corintios 15:10

Ta swenta nax yutsil yo'tan Dios te jich c'ot ta jwentae. Soc ma tojoluc te bit'il ay yutsil yo'tan cu'une, yu'un c'ax jich at'ejemonix te bit'il at'ejemic spisil te yantique. Ja'uc me to, ma jo'ocon cat'el jtuquel, yu'un ja' at'ej ta jwenta te yutsil yo'tan te Diose.

Romanos 15:15

Ja'uc me to, te bit'il quich'oj cat'el ta swenta yutsil yo'tan te Diose, la jts'ibubeyex cha'oxcum aiyej ta bay in jun to, yu'un ya jc'an te ya xc'ot ta awo'tanique.

Hechos 15:13

Te c'alal lajix yo'tanic ta c'ope, jajch' ta c'op uuc te Jacobo, jich la yal: —Quermanotac, aiybon awaiyic stojol te bila ya calbeyexe.

Hechos 15:7

Te c'alal jalajiquix ta yaanele, la stejc'an sba jajch'el te Pedroe. Jich la yal: —Quermanotac, te ja'exe ana'ojic stojol te Dios la stsaon ta awolilic swenta yu'un ya me jpuc te lec yach'il c'op yu'un te colele, swenta yu'un jich me ya xch'uunic te jyanlumetique.

Hechos 4:36

Jich bit'il te jtul levita-winic te José sbiil te ja' slumal te Chipre. Bernabé sbiil c'oemix yu'unic te jpuc-c'opetique, ja' bi, “Jmuc'tesej-q'uinal”, xi' c'oem te sbiile.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

2 Reyes 10:15

C'alal jajch' bael tey a te Jehú, la sta sba soc Jonadab sts'umbal Recab, te c'o yile. Te Jehú la spatbey yo'tan soc jich la yalbey: —¿Buen lec bal awo'tan ta jtojol, jich te bit'il buen lec co'tan ta atojole? —xi'. —Buen lec co'tan ta atojol —xi' te Jonadab. —Teme jiche, ac'bon tel ac'ab —xi' te Jehú. Te Jonadab la yac' te sc'ab, te Jehú la yic' moel sjoin ta scarreta.

San Lucas 22:8

Jich te Jesús la sticun bael te Pedro soc te Juane. Jich la yalbey: —Baan chajbanbotic te we'elil swenta q'uin Pascua —xi'.

San Juan 1:42

Jich la yic' bael tey a ta ba ay te Jesuse. Jesús la yil te Simone. Jich la yalbey: —Ja'at Simonat snich'anat Jonás, ja'uc me to, Cefas abiil ya xc'oat —la yut. Te Cefas te xie, Pedro, xi' c'oem.

Hechos 12:17

Te Pedro la sjim sc'ab ta scomel te ya slaman sbaique. Jich la xcholbey yaiyic te bit'il la yich' loq'uesel ta chucjibal yu'un te Cajwaltique. Jich la yalbey yaiyic: —Albeya yaiyic te Jacoboe soc te quermanotactique —xi'. Jich loc' bael soc q'uejel bajt' stuquel.

2 Corintios 11:5

Ya cal te jo'one te ma'yuc bay peq'uel c'oemon yu'un te muc'ul jpuc-c'opetic awu'unique.

2 Corintios 12:11

Jich c'opojonix te bit'il mach'a ma sna' q'uinale, yu'un ja'ex nix te la awac'bonic jpase. Melel ja'ex ya sc'an te la awalbonic lec jc'oplal te jichuque. Manchuc teme c'ax peq'uel ayone, ja'uc me to, ma ja'uc peq'uel c'oemon yu'un te muc'ul jpuc-c'opetic awu'unique.

Gálatas 1:16

Te c'alal jich la sc'an yo'tan, la yac'bon jna'bey sba te Snich'ane, swenta yu'un jich me ya jchol te sc'op Dios ta stojol te jyanlumetique. Ma ja'uc ba jojc'obey te ants-winique,

Gálatas 1:18

Yoxebalix ja'wil ta patil te boon ta Jerusalén. Tey la jna'bey sba a te Pedroe. Jich la join jba soc jo'lajuneb c'aal.

Gálatas 2:1

Xchanlajunebalix ja'wil ta patil te boon xan yan buelta ta Jerusalén. La sjoinon bael te Bernabee, soc te Titoe.

Gálatas 6:3

Melel teme ay mach'a scuyojix sba ta muc' teme ma meleluque, jich slo'layej sba stuquel a.