Gálatas 2:8 - Bible in Tzeltal de Oxchuc y Tenejapa

⁸ Melel ja' Dios te la sticun bael ta jpuc-c'op te Pedro ta stojol te judioetique, soc ja' nix jich la sticunon ta jpuc-c'op ta stojol te jyanlumetique.

Nuevo Testamento Tzeltal de Amatenango

⁸ Yuꞌun mismo Dios a stikon te jPedro te jaꞌ apostol te ba ay te juriyoetike, jich a stikonon euk te tutꞌil apostol te ba ay te machꞌatik ma juriyouke.

Bible in Tzeltal Bachajón

⁸ Como te Dios te a'tej ta stojol Pedro scuenta jpuc-c'op ya xc'oht yu'un te mach'atic yich'ojic circuncisión, ha nix hich a'tej ta jtojol scuenta yu'un ya x'a'tejon ta stojol te jyanlumetique.

Gálatas 2:8 Referans Kwoze

Hechos 9:15

La yal te Cajwaltique: —Baan, melel tsabilix te ya xtuun cu'un te winique, swenta yu'un ya me yalbon jc'oplal ta stojol te jyanlumetic soc te ajwaliletique soc ta stojol te yal-snich'an israeletique.

Hechos 22:21

Ja'uc me to, te Cajwaltique la yalbon: “Baan me ta ora, yu'un ya jticunat bael ta c'ubul ta bay te mach'atic jyanlumetique”, la yuton —xi' te Pabloe.

Hechos 21:19

Te Pabloe la spatbey yo'tanic, soc la xcholbey yaiyic ta cumulcum te bila spasoj Dios ta stojolic te jyanlumetique, soc te yat'el spasoje.

Hechos 15:12

Jich ch'abic ta c'op ta spisilic te mach'atic stsoboj sbaique, soc la yaiybeyic stojol sc'op te Bernabé soc te Pabloe te la yalic te bit'il Dios la spas señailetic soc jchajp at'eliletic ta swentaic ta stojol te jyanlumetique.

1 Corintios 15:10

Ta swenta nax yutsil yo'tan Dios te jich c'ot ta jwentae. Soc ma tojoluc te bit'il ay yutsil yo'tan cu'une, yu'un c'ax jich at'ejemonix te bit'il at'ejemic spisil te yantique. Ja'uc me to, ma jo'ocon cat'el jtuquel, yu'un ja' at'ej ta jwenta te yutsil yo'tan te Diose.

1 Corintios 9:2

Manchuc me ma jpuc-c'opucon ta sc'opic te yantique, yan te ja'exe, ana'ojic stojol ta lec te quich'oj cat'el ta jpuc-c'ope, melel te sello yu'un cat'el ta jpuc-c'ope, ja'ex ta swenta te Cajwaltique.

Hechos 8:17

Jich te Pedro te Juane la scajanbey sc'abic ta sjolic. Jich ac'bot yiq'uic ta yo'tanic te Ch'ul Espiritue.

Hechos 4:4

Ja'uc me to, la xch'uunic Cristo bayal te mach'atic la yaiyic stojol te sc'op Diose. Jich esmaj xan te jch'uunjeletique. Ay niwan jo'mil (5,000) ta jtul te winiquetique.

Hechos 1:25

te ja' ya yich' abatinel ta jpuc-c'op awu'une. Ja' sjelol ya xc'ot te Judas te jochol jilel yawil yu'un te bila amen spasoje. Tey bajt'ix a ta banti ay te yawile —xiic ta sc'oponel te Diose.

Hechos 1:8

Ja'uc me to, te ja'exe ya me awich' awu'elic te c'alal ya xjul ta awentaic te Ch'ul Espiritue. Jich me testigo ya xc'oex cu'un ta Jerusalén soc ta spamal sq'uinal Judea soc ta sq'uinal Samaria soc ta bayuc ta spamal te balumilale —xi'.

Colosenses 1:29

Ja' swentail te tulan yacon ta at'el. Ya quiptay spasel ta swenta yu'el Cristo te yac ta at'el ta co'tane.

Gálatas 3:5

¿Bi yu'un la yac'beyex Dios te Ch'ul Espiritue? ¿Soc bi yu'un te la yac' c'otuc ta pasel te jchajp at'eliletic ta atojolique? Melel ma ja'uc ta swenta te ya ac'otesic ta pasel te bila ya yal te mandalile, melel ja' nax ta swenta te la ach'uunic te sc'op Dios te la awaiyic stojole.

Hechos 19:26

Ja'uc me to, awilojiquix soc awaiyojic stojol te bila yac ta yalel te Pabloe. Bayuc nax ya yal te ma ja'uc Dios te bila pasbil ta jc'abtic naxe, soc la yac' c'otuquix ta yo'tanic tsobol ta jtul te jlumaltique soc ta spamal sq'uinal te Asiae.

1 Tesalonicenses 2:13

Jich yu'un, spisil ora ya calbey wocol Dios ta awentaic yu'un te bit'il la awich'ic ta muc' te c'op te la calbeyex awaiyique. La ach'uunic te ja' sc'op te Diose, ma la acuyic ta sc'op nax ants-winiquetic. Melel nix a te ja' sc'op Dios te la cale, te yaquix ta at'el ta awo'tanic ja'ex te ach'uunejique.