Gálatas 2:6 - Bible in Tzeltal de Oxchuc y Tenejapa

⁶ Yan te mach'atic ich'bilic ta muq'ue, xujt' ma'yuc bi yach'il la yalbonic te ya sc'an ya jchole. (Ma yu'unuc ay sc'oplal ta co'tan te bila at'el yich'ojique, melel ma ja'uc ay sc'oplal ta yo'tan Dios te bi yilelique.)

Nuevo Testamento Tzeltal de Amatenango

⁶ Pero te machꞌatik ay yaꞌtelik tey ae maꞌyuk tut achꞌ a yalbon. Aunke te joꞌone ma kocheluk te tut aꞌtel yichꞌojike, jich mismo te Diose ma jaꞌuk ya yichꞌ jkuenta te tut yilelike.

Bible in Tzeltal Bachajón

⁶ Pero te mach'atic hich ya'iyel te ay sc'oblalic (ma yu'unuc ay sc'oblal ta co'tan bin ut'il ayic; Dios ma tsahbiluc nax mach'a ay sc'oblal yu'un), te mach'atic ay sc'oblalic mayuc bin yach'il la ya'bonic jna'.

Gálatas 2:6 Referans Kwoze

Gálatas 2:2

Jich boon, melel Dios la yac'bon jna' te puersa ya xboone. Soc te bit'il ayonix ta Jerusalén a, la jtsob jba soc te mach'atic na'bil sbaique te yich'oj yat'elic ta jwolwaneje, soc la jcholbey yaiyic te sc'oplal colel te la cal ta stojol te jyanlumetique. Jich la jpas in to, yu'un ma jc'an te tojol ya xch'ay te cat'el te yacon ta spasele.

Hechos 10:34

Jich te Pedro jajch' ta c'op. Jich la yal: —C'otix ta co'tan, te ma'yuc mach'a tsabil nax yu'un te Diose.

2 Corintios 12:11

Jich c'opojonix te bit'il mach'a ma sna' q'uinale, yu'un ja'ex nix te la awac'bonic jpase. Melel ja'ex ya sc'an te la awalbonic lec jc'oplal te jichuque. Manchuc teme c'ax peq'uel ayone, ja'uc me to, ma ja'uc peq'uel c'oemon yu'un te muc'ul jpuc-c'opetic awu'unique.

Gálatas 6:3

Melel teme ay mach'a scuyojix sba ta muc' teme ma meleluque, jich slo'layej sba stuquel a.

2 Corintios 11:5

Ya cal te jo'one te ma'yuc bay peq'uel c'oemon yu'un te muc'ul jpuc-c'opetic awu'unique.

Romanos 2:11

Melel te Diose, ma'yuc mach'a stsaoj nax ta yo'tan jtuluc.

1 Pedro 1:17

Teme ya awalic: “Jtat”, xaex ta stojol te Diose, te ja' ay ta swenta yalel te bi yilel cat'eltique soc te ma'yuc mach'a stsaoj nax ta yo'tane, jich yu'un ya sc'an te ya awaq'uic ta ilel te awich'ojic ta muc' te jayeb c'aal cuxulex ta balumilale.

Hebreos 13:17

Ch'uunbeyaic smandal te mach'atic yacalic ta at'el ta atojolique, soc ich'aic ta muc'. Melel ja'ic te ya scanantaybeyex ach'ulelique, soc quechelic ta yalel ta stojol Dios te yat'elique. Ac'beya me sbujts' yo'tanic ta at'el, ma me xawac'bey smel yo'tanic, melel teme ya awac'bey smel yo'tanique, amen ya xc'oex yu'un.

Hebreos 13:7

Juluc me ta awo'tanic te mach'atic ya x'at'ejic ta atojolique, te la xcholbeyex awaiyic te sc'op Diose. Na'aic me te bila lec ju' yu'unic spasele, soc nopbeya yo'tanic te bit'il la yac' xch'uunjel yo'tanique.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

San Lucas 20:21

Jich la sjojc'obeyic te Jesuse: —Maestro, jna'ojtic te toj te bila ya awale soc te bila ya awac' ta nopele. Ma tsabiluc nax awu'un te mach'a ya awich' ta muq'ue. Melel jamal ya awac' ta nopel te be yu'un te Diose.

San Marcos 12:14

Jich tal yalbeyic: —Maestro, jna'ojtic stojol te puro smelelil te bila ya awale. Ma'yuc mach'a te ya xiwat ta c'op ta stojol te melel ma tsabiluc nax awu'un te mach'a ya awich' ta muq'ue. Melel jamal ya awac' ta nopel te smandal te Diose. ¿Ya bal stac' te ya jtojtic jpatantic yu'un te muc' ajwalil Cesare o ma stac'? ¿Ya bal cac'tic o ma xcac'tic? —xiic.

San Mateo 22:16

Jich la sticunic bael ta stojol cha'oxtul te jnopojeletic yu'un te fariseoetique soc cha'oxtul te mach'a jun yo'tan sbaic soc te Herodese. Jich tal yalbeyic te Jesuse: —Maestro, jna'ojtic stojol te bit'il puro smelelil te bila ya awale. Soc jna'ojtic te bit'il jamal ya awac' ta nopel te be yu'un te Diose. Ma'yuc mach'a te ya xiwat ta c'op ta stojol, te melel ma tsabiluc nax awu'un ta sit yelaw te mach'a ya awich' ta muq'ue.

Job 34:19

Te Dios ma yanuc sc'oplal yu'un a te mach'atic ochemic ta ajwalil, ma ja'uc toyol sc'oplal yu'un te mach'atic ay sc'ulejalique, soc ma ja'uc peq'uel sc'oplal yu'un te mach'atic ma'yuc sc'ulejalique, melel ja' la spas ta spisilic stuquel.

Deuteronomio 10:17

Melel te Cajwaltic te Dios cu'untique ja' toyol yu'un yantic bitic cuybilic ta Dios, soc ja' Ajwalil toyol yu'un yantic ajwaliletic. Ja' Dios stuquel te ma'yuc mach'a wentainbil yu'une. Spisil ya xju' yu'un, ay ta xi'el stuquel. Pajal sc'oplal yu'un spisil te ants-winiquetic, soc ma xchon sba ta swenta majt'aniletic.

Hechos 5:36

Te ja'exe, ya sc'an ya ana'ic te Teudas te ayix ja'wil te la yac' sba ta ich'el ta muq'ue. La stsob swinictac te ay niwan bajc' (400) ta jtul winiquetic te tal ta joinel yu'une. Ja'uc me to, la yich' milel stuquel. Jich pujq'uic bael spisil te sjo'taque, soc tey laj sc'oplal a.