Gálatas 2:21 - Bible in Tzeltal de Oxchuc y Tenejapa

²¹ Ma ba ya jp'aj te yutsil yo'tan te Diose. Melel teme toj ya yilotic Dios yu'un spasel te bila ya yal te mandalile, jich tojol laj Cristo abi.

Nuevo Testamento Tzeltal de Amatenango

²¹ Ma jkꞌan ya jpꞌaj te slekil yoꞌtan te Diose. Yuꞌun yauk xjuꞌ te ya yakꞌotik ta libre yuꞌun jmultik te xchꞌuunel te mantaliletike, jich lom nax a cham te Cristo te jichuke.

Bible in Tzeltal Bachajón

²¹ Ma ba ya jp'ajbe te yutsil yo'tan te Diose; como teme lec ya xc'ohotic ta stojol Dios ta scuenta te Ley, tojol cham Cristo abi.

Gálatas 2:21 Referans Kwoze

Romanos 11:6

Teme ta swenta yutsil yo'tan te Diose, jich ma ja'uquix ta swenta te yutsil yat'elique. Te ja'uc ta swenta yat'elic, jich ma ja'uquix ta swenta te yutsil yo'tan te Diose.

Gálatas 3:21

Te mandalile, ¿ya bal xch'aybey sc'oplal te bila yaloj Dios ta trato? ¡Ma jichuc! Te yu'unuc ayuc mandalil te ya xju' ya xcuxinotic yu'une, jich toj ya yilotic Dios yu'un xch'uunel te mandalil te jichuque.

Hebreos 7:11

Te lum Israele ac'bot yich'ic te mandalil ta swenta te sacerdoteetic yu'un Leví te ja' sts'umbal te Aarone. Ja'uc me to, ma ba ju' yu'unic yutstesel ta jc'axel a te mach'a la xch'uunic te mandalile. Ja' swentail te puersa chicnaj yan sacerdote te ma ja'uc sts'umbal te sacerdote Aarone. In te yane ja' te mach'a sts'umbal te Melquisedeque.

1 Corintios 15:14

Teme ma cha'cuxemuc tel te Cristoe, jich ma'yuc swentail te bila yacotic ta xcholele, soc ma'yuc swentail te bit'il ay xch'uunjel co'tanique.

Gálatas 2:16

Ja'uc me to, jna'ojtic stojol te jo'otique, ma ja'uc toj ya yilotic Dios ta swenta spasel te bila ya yal te mandalile. Ja' nax ta swenta xch'uunjel co'tantic ta stojol Jesucristo te toj ya yilotique. Melel la jch'uuntic Jesucristo swenta yu'un jich me toj ya yilotic Dios ta swenta nax xch'uunjel co'tantic ta stojol te Cristoe, ma ja'uc ta swenta spasel te bila ya yal te mandalile. Melel ma'yuc mach'a toj ya x'ilot yu'un Dios ta swenta bit'il yat'elinej spasel te bila ya yal te mandalile.

Romanos 10:3

Yu'un ma ba c'oem ta yo'tanic te bit'il toj ya x'ilotic yu'un te Diose. Stuquelic nax ya spas sbaic ta toj yo'tan ta sc'opic. Ma ba yich'ojic ta muc' te bila yaloj te Diose.

Isaías 49:4

Te jo'on la calix ta co'tan: “Tojol nax c'axon ta at'el, la jlajin quip, ma'yuc bi la jta jtebuc a”, xoon. Ta smelelil ayonix ta swenta te Cajwaltic; te stojol jc'ab ay ta sc'ab te Dios cu'une.

1 Corintios 15:2

Ta swenta in lec yach'il c'op to, ja' me ya xcolex yu'un teme jc'axel ya awac' ta awo'tanique, jich te bit'il la calbeyexe. Yu'un teme ma jichuque, tojol nax te la ach'uunique.

Gálatas 2:18

Melel teme ya jcha'pas xan te bila lajix sc'oplal cu'une, tey me chican a te jch'ay-mandalone.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

San Marcos 7:9

Soc la yalbey xan yaiyic: —Lec ya ana'ic wenta ta xujq'uinel jilel te smandal te Diose, swenta yu'un jich ya xju' ta pasel a te costumbreetic awu'unique.

Salmos 33:10

Te Cajwaltic ya stup'bey ta jc'axel te bila xchapoj te lumetic te ma'yuquic ta stojol Dios;

1 Corintios 15:17

Teme ma ba cha'cux te Cristoe, ma'yuc swentail te xch'uunjel awo'tanique, soc acuchojic to amulic te jichuque.

Jeremías 8:8

¿Bit'il ya xju' awu'unic yalel: ‘P'ijotic, melel ay ta jwentatic te mandaliletic yu'un te Cajwaltique’, te xaexe? Te bila ya sts'ibuyic soc te splumae; mero jpaslot; tojol nax ya sts'ibuyic.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.