Gálatas 2:2 - Bible in Tzeltal de Oxchuc y Tenejapa

² Jich boon, melel Dios la yac'bon jna' te puersa ya xboone. Soc te bit'il ayonix ta Jerusalén a, la jtsob jba soc te mach'atic na'bil sbaique te yich'oj yat'elic ta jwolwaneje, soc la jcholbey yaiyic te sc'oplal colel te la cal ta stojol te jyanlumetique. Jich la jpas in to, yu'un ma jc'an te tojol ya xch'ay te cat'el te yacon ta spasele.

Nuevo Testamento Tzeltal de Amatenango

² Boon porke Dios la yaꞌbonix jnaꞌ te puersa ya xboone. Y teyix ta Jerusalen ay jun junta te ba kalbe yaꞌiyik te stataletik te ayik ta jkuentae. La kaltalanbe te skꞌoplal kolel te la kal te ba ay te machꞌatik ma juriyouke. Te tutꞌil jich a jpase, yuꞌun ma jkꞌan teme maꞌyuk sluwaril ya xjil te tut jpasojixe sok te ya to jpas xane.

Bible in Tzeltal Bachajón

² Mohon bahel tey a yu'un te bin a'boton quil yu'un Dios, soc scuenta yu'un ma tojoluc yacon ta ahnimal o ma tojoluc ahnimajon, hich la jc'opon ta stuquelic te mach'atic muc' sc'oblalic, la jcalbe ya'iyic te lec yach'il c'op te yacon ta yalel ta yohlil te jyanlumetique.

Gálatas 2:2 Referans Kwoze

Gálatas 2:6

Yan te mach'atic ich'bilic ta muq'ue, xujt' ma'yuc bi yach'il la yalbonic te ya sc'an ya jchole. (Ma yu'unuc ay sc'oplal ta co'tan te bila at'el yich'ojique, melel ma ja'uc ay sc'oplal ta yo'tan Dios te bi yilelique.)

Filipenses 2:16

Jich yu'un q'ueja me ta awo'tan te sc'op Dios swenta cuxinele. Jich me bin nax co'tan awu'unic ta stojol Cristo te c'alal ya xtale, melel jna'oj te ma tojoluc te beenone soc ma tojoluc te la cac' jwocol ta at'el ta atojolique.

1 Tesalonicenses 3:5

Jich yu'un te bit'il ma sts'ijq'uix cu'un te jo'one, jich la jticunex ta ilel. Yu'un jich me ya caiy stojol teme ay to te xch'uunjel awo'tanique. Ja' la jmel co'tan yu'un teme ay bit'il la ach'uunic lo'layel yu'un te pucuje. Jich tojol ch'ay a te cat'el abi.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

1 Corintios 9:26

Jich yu'un te jo'one, ma jowilucon nax te ya x'animajone, ma jichucon te bit'il mach'a smuts'oj sit ya x'animaje. Soc ma jichucon te bit'il mach'a ya spas quera-c'abal te ma sna' stojlinele.

1 Corintios 1:23

Yan te jo'otique, ja' ya jcholtic ta bayuc te bit'il ac'ot ta milel ta cruz te Cristoe. Te judioetique, ja' nax ya xc'ojch'in sbaic yu'un a. In te jyanlumetique, jowil c'op nax ya xc'ot ta yo'tanic stuquel.

1 Corintios 9:24

¿Yu'un bal ma ba ya ana'ic te bit'il spisilic ya x'animajic ta bay tajinabal te jaytul mach'a ya x'och stsal sbaic ta animale? ¿Ma bal jtuluc nax te mach'a ya yich' smajt'an te bit'il la yaiy tsalawe? Jich yu'un te ja'exe, ac'aic me puersa ta animal, swenta yu'un jich me ya awich'ic te majt'anile.

1 Corintios 2:2

Melel te c'alal la joinexe, la jnop ta co'tan ja' nax ya calbeyex ta atojolic te bit'il ay sc'oplal stuquel te bit'il laj ta cruz te Jesucristoe.

Hechos 15:12

Jich ch'abic ta c'op ta spisilic te mach'atic stsoboj sbaique, soc la yaiybeyic stojol sc'op te Bernabé soc te Pabloe te la yalic te bit'il Dios la spas señailetic soc jchajp at'eliletic ta swentaic ta stojol te jyanlumetique.

Hechos 15:4

Te c'alal c'otic ta Jerusalén te Pablo soc te Bernabee, spisil te jch'uunjeletic soc te jpuc-c'opetic soc te ancianoetique bin nax yo'tanic la yiq'uic ta stojolic. Jich jajch' yalbey yaiyic spisil te bila spasoj Dios ta swentaique.

Filipenses 2:29

Bayaluc me sbujts' awo'tanic ya awic' ta atojolic ta swenta te Cajwaltique. Soc ich'aic me ta muc' uuc spisil te mach'a pajal yo'tan soque.

Gálatas 1:16

Te c'alal jich la sc'an yo'tan, la yac'bon jna'bey sba te Snich'ane, swenta yu'un jich me ya jchol te sc'op Dios ta stojol te jyanlumetique. Ma ja'uc ba jojc'obey te ants-winique,

Hechos 23:11

Ta ajc'ubal te Cajwaltique la stejc'an sba ta stojol te Pabloe. Jich albot yu'un: —Pablo, ac'a stulanil awo'tan. Jich te bit'il la awalbonix jc'oplal li'to ta Jerusalén, ja' nanix jich ya xc'o awalbon jc'oplal ta lum Roma —utot yu'un.

Hechos 18:9

Te Pablo c'oponot ta ajc'ubal ta stelemal yilel yu'un te Cajwaltique. Jich albot yu'un: —Ma me xiwat, c'opojan me. Ma me x'acom aba,

Hechos 5:34

Ja'uc me to, ay jtul fariseo ta Muc'ul Tsoblej, te Gamaliel sbiil, te maestro yu'un te mandalile soc te ich'bil ta muc' yu'un te lume. Ja' tejc'aj jajch'el ta c'op. La yac' ta ticunel loq'uel ajc'uc te jpuc-c'opetique.

San Mateo 10:16

“Jich yu'un ya me jticunex jich bit'il chijetic ta yolil te jti'awal ja'mal ts'i'etique. Ich'a me ap'ijilic jich bit'il te chane, ja'uc me to, manso me xawac' abaic jichuc paloma.

Eclesiastés 10:1

Te ja te lajeme, teme tuube, ya xch'aybey yic' te lequil perfume. Ja' nix me jich te jp'al bol c'ope, ya me xch'aybey yutsil te lequil p'ijil c'ope.

Hechos 15:2

Jich jajch' bayal c'op yu'un. In te Pablo soc te Bernabee tulan la yut sbaic soc. Jich la yich'ic tsael ta xchebalic soc xan yantic quermanotactic te ya xbajt'ic ta xchapel ta stojol te jpuc-c'opetic soc te ancianoetic te ayic ta lum Jerusalén.

Romanos 9:16

Jich yu'un ma ja'uc chican te mach'a ya yal sbae, soc ma ja'uc chican teme at'ejeme. Ja' chican te bit'il ay yutsil yo'tan stuquel te Diose.

2 Corintios 12:1

Ma snujp'in te toyol q'uinal ya caiy yu'un te bit'il ayon ta q'uinale. Pero ya xtal ta co'tan te bila ac'boton quil ta jtelemal yilel yu'un te Cajwaltique, soc te bila ac'boton jna' yu'une.

Gálatas 1:6

Ja'uc me to, bayal la yaan co'tan yu'un te bit'il ora nax yacalex ta yijq'uitayel ta awo'tanic te Diose, te la yiq'uex ta swenta nax yutsil yo'tan te Cristoe. Ta ora to, ja' ya ach'uuniquix yan c'op te cuybil ta lec yach'il c'ope.

Gálatas 1:12

Melel ma teyuc la jta ta swenta te ants-winiquetique, soc ma'yuc mach'a la yac'bon jnop. Ja' la yac'bon jna' stojol te Jesucristoe.

Gálatas 5:7

Ta neelal lec jajch'ex ta animal. ¿Mach'a me la scomex ta xch'uunel te smelelil c'ope?

2 Timoteo 4:7

Te jo'one la caiyix tsalaw, ju'ix cu'un te animal beele, ma ba ch'ay te xch'uunjel co'tane.

Hebreos 12:1

Te bit'il joytaybilotic yu'un tsobol ta jtul testigoetic te la yaq'uiquix ta ilel te bit'il ay xch'uunjel yo'tanique, jich yu'un te jo'otique ac'a quijq'uitaytic jilel te bila ya smacotique soc te mulil te ya xchucbotic te cacantique. Junuc me co'tantic ac'a animajucotic bael te banti ya xc'ootic te ay ta jtojoltique.