Gálatas 2:19 - Bible in Tzeltal de Oxchuc y Tenejapa

¹⁹ Te jo'one lajemonix ta swenta mandalil te bit'il lajix sc'oplal ta co'tane, swenta yu'un jich me ya xcuxinon ta stojol te Diose.

Nuevo Testamento Tzeltal de Amatenango

¹⁹ Porke te joꞌone ta skuenta te mantaliletike chamenonix yuꞌun te mantaliletike, yuꞌun jaꞌix kuxulon ta skuenta te Diose.

Bible in Tzeltal Bachajón

¹⁹ Ta scuenta te Ley chamenonix ta stojol te Ley, scuenta yu'un ya xcuxajon ta stojol te Diose.

Gálatas 2:19 Referans Kwoze

Romanos 7:4

Quermanotac, ja' nanix jich te ja'exe, te jun c'oemex soc sbaq'uetal te Cristoe, lajemexix yu'un te mandalile. Jich me ya yu'uninex te yane, ja' bi, ja' te Cristoe, te cha'cux tel ta bay te animaetique, swenta yu'un jich me ya xtuunex yu'un te Diose.

Romanos 6:2

¡Ma jichuc! Melel lajemotiquix ta stojol te mulile, ¿bit'il c'an cac' jbatic xan ta swenta?

1 Tesalonicenses 5:10

Melel ja' nix te la yac' sba ta lajel cu'untique, swenta yu'un pajal me ya xcuxinotic soc, chican teme cuxulotic ta q'uinale, o teme ya xway te jbaq'uetaltique.

2 Corintios 5:15

Ja' nix jich laj uuc te Cristo ta swenta te ants-winiquetique, swenta yu'un te jayeb cuxulic ta q'uinale, ma ba cuxuliquix ta stuquelic nax, ja' cuxuliquix ta swenta Cristo te laje soc te cha'cux tel ta swentaique.

Romanos 6:11

Jich uuc te ja'exe, lajemuquex me ta swenta te mulile. Ja'uc me to, pajaluc me cuxulex soc te Diose, ta swenta te jun c'oemex soc te Cristo Jesuse.

Romanos 8:2

Melel te mandalil yu'un te Espiritue, ja' ya yac' cuxlejal ta swenta te Cristo Jesuse, jich colon loq'uel ta libre yu'un te mulile soc te lajele.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Romanos 6:14

Melel ma xju'ix te ya yu'uninex xan te mulile, yu'un ma'yuquex ta swenta te mandalile. Ja' ayex ta swenta yutsil yo'tan te Diose.

1 Pedro 4:6

Ja' swentail te la yich' cholel ta stojolic te lec yach'il c'op te mach'atic lajemique, swenta yu'un ya xju' ya yich'ic chajbanel jich nix te bit'il mach'atic cuxulic to soc sbaq'uetalic ta balumilale, soc jich me ya xcuxinic soc xch'ulelic jich te bit'il cuxul stuquel te Diose.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Colosenses 2:20

Te ja'exe lajemex soc te Cristoe. Jich ma ba ya ach'uuniquix te jowil nax nopjibal yu'un te balumilale. ¿Bistuc jiche te jich ya x'ainex te bit'il mach'atic ayic nax ta swenta te balumilale? ¿Bistuc ya ach'uunic te bila mandalil snopojic naxe?

Gálatas 3:24

Jich yu'un ja' jwentainwanej cu'untic te mandalile, te ya yic'otic bael ta bay te Cristoe, swenta yu'un toj ya yilotic Dios ta swenta te xch'uunjel co'tantique.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Colosenses 3:3

Melel lajemex, soc muquen ay acuxlejalic yu'un Dios, ta swenta te Cristoe.

Gálatas 3:10

Melel spisil te mach'atic ja' smuc'ulinej yo'tanic spasel te bila ya yal te mandalile, ay ta swentaic ch'ayel. Melel jich ts'ibubil jilel ta Sjun te Diose: “Ch'ayel me ya xbajt'ic te mach'a ma jc'axeluc ya xch'uunic spisil te bila ts'ibubil ta sjunal te mandalile”, te xie.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

Romanos 7:14

Melel jna'ojtic stojol te ja' yu'un Dios te mandalile. Yan te jo'one, ch'ich'-baq'ueton nax. Mosoinbilon yu'un te mulile.

Romanos 5:20

Melel te mandalile, la yac' toyuc xan yip te mulile. Jich toy xan te mulile. Ja'uc me to, c'axem to xan la yac' ta ilel te yutsil yo'tan te Diose.

Romanos 4:15

Melel ay castigo yu'un te xc'axintayel te mandalile; ay castigo yu'un, ja'uc me to, ta banti ma'yuc te mandalile, jich ma'yuc bila ay ta c'axintayel tey a.

1 Corintios 9:20

Ta bay te judioetique, jich ya cac' jba te bit'il judioe, swenta yu'un jich ya jpas ta ganar a te judioetique. Te mach'atic ayic ta swenta te mandalile, jich ya cac' jba uuc te jo'one, swenta yu'un jich ya jpas ta ganar a te mach'atic ayic ta swenta te mandalile, manchuc teme ma'yucon ta swenta te mandalile.

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.