Gálatas 2:16 - Bible in Tzeltal de Oxchuc y Tenejapa

¹⁶ Ja'uc me to, jna'ojtic stojol te jo'otique, ma ja'uc toj ya yilotic Dios ta swenta spasel te bila ya yal te mandalile. Ja' nax ta swenta xch'uunjel co'tantic ta stojol Jesucristo te toj ya yilotique. Melel la jch'uuntic Jesucristo swenta yu'un jich me toj ya yilotic Dios ta swenta nax xch'uunjel co'tantic ta stojol te Cristoe, ma ja'uc ta swenta spasel te bila ya yal te mandalile. Melel ma'yuc mach'a toj ya x'ilot yu'un Dios ta swenta bit'il yat'elinej spasel te bila ya yal te mandalile.

Nuevo Testamento Tzeltal de Amatenango

¹⁶ Pero jnaꞌojtik te maꞌyuk machꞌa libre ya xkꞌot yuꞌun smul ta skuenta te ya spas te tut ya yal te mantaliletik yuꞌun te jMoisese. Jaꞌ nax libre ya xkꞌootik yuꞌun jmultik ta skuenta xchꞌuunel te Jesucristoe. Jaꞌ yuꞌun, te joꞌotike jchꞌuunejtikix te Jesucristoe yuꞌun ya skoltayotik yuꞌun jmultik ta skuenta nax te xchꞌuunel-oꞌtanile, y ma jaꞌuk ta skuenta spasel te tut ya yal te mantaliletike. Porke maꞌyuk machꞌa ya xjuꞌ te libre ya xkꞌot yuꞌun smul ta skuenta spasel te tut ya yal te mantaliletike.

Bible in Tzeltal Bachajón

¹⁶ jna'ojcotic te ma ba toj ya x'ilot yu'un Dios te winic ta scuenta spasel bin ya yal te Ley, pero ta scuenta sch'uhunel te Jesucristo, ha nix hichotcotic jch'uhunejcotic te Jesucristo scuenta yu'un toj ya x'ilototcotic ta scuenta sch'uhunel te Cristo, ma ha'uc ta scuenta spasel bin ya yal te Ley, como mayuc mach'a toj ya x'ilot yu'un Dios ta scuenta spasel bin ya yal te Ley.

Gálatas 2:16 Referans Kwoze

Filipenses 3:9

soc jun me ya xc'oon soc te Cristoe. Jich ma ja'uc tojobenon yu'un spasel te mandalile, ja' nax ta swenta xch'uunjel co'tan ta stojol Cristo te bit'il lec ya x'iloton yu'un te Diose, ja' ta swenta te xch'uunjel co'tane.

Salmos 143:2

Ma me x'awic'on ta chajbanel te awabatone, melel ta atojol ma'yuc mach'a ma'yuc smul.

Romanos 9:30

¿Bi ya caltic yu'un? Te jyanlumetic te ma'yuc ta swentaic te colele, ja'uc me to, libre c'otic yu'un smulic, ja' nax ta swenta xch'uunjel yo'tanic.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Romanos 4:2

Melel te Abraham te ja'uc toj ilot yu'un Dios yu'un te bila ju' yu'un spasele, ya stac' ya stoy sba yu'un te jichuque. Ja'uc me to, ma stac' ya spas jich ta stojol te Diose.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Romanos 3:30

Melel jun nax te Diose. Ja' ya x'ac'awan ta libre yu'un mulil ta swenta xch'uunjel-o'tanil, chican teme yich'ojic circuncisión o teme ma ba yich'ojique.

Romanos 1:17

Melel ya yal te lec yach'il c'ope te ja' toj ya x'ilot yu'un Dios te mach'a ay xch'uunjel yo'tane. Jich nix te bit'il ts'ibubil jilele: “Te mach'a toj ya x'ilot yu'un Dios ta swenta xch'uunjel yo'tane, ja' me ya xcuxin yu'un”, te xie.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

2 Pedro 1:1

Jo'on Simón Pedroon, yabaton te Jesucristoe soc jpuc-c'opon yu'un. Ya jpatbeyex awo'tanic ja'ex te ay xch'uunjel awo'tanic, te jelawen yutsil jich te bit'il jch'uunejtique. Melel te Diose soc te Jcoltaywanej cu'untique, ja' te Jesucristoe, toj yo'tan stuquel.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Gálatas 5:4

Ma'yuquex ta stojol Cristo, teme ya awalic te ja' toj ya xc'oex ta swenta xch'uunel te mandalile. Jich ch'ayix sc'oplal awu'unic te bit'il ay yutsil yo'tan awu'unic te Diose.

1 Corintios 6:11

Ay nax la apasic jich ta neelal to uuc. Ja'uc me to, la awich'iquix poquel yu'un te Diose, soc ch'ultesbilexix soc libre c'oemex yu'un amulic ta swenta sbiil te Cajwaltic Jesús soc te Espíritu yu'un te Diose.

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

Job 25:4

¿Ya bal xju' yu'un jtul winic te ayinem ta swenta ants, te toj yo'tan soc mero lec yo'tan ta stojol te Diose?

Gálatas 4:5

Swenta yu'un tal yac'otic ta libre te bit'il wentainbilotic yu'un te mandalile, swenta yu'un jich me ya yic'otic ta yal-snich'an te Diose.

Job 9:29

Teme ay jmul yu'un te Diose, tojol ya cac' jwocol a te ya cac' puersa.

Apocalipsis 7:14

La calbey: —Tatic, ja'at ya ana' —la cut. Jich la yalbon: —Ja'ic in to te mach'atic c'axix yu'unic te bayal uts'inele. Sac'ojiquix sc'u'-spaq'uic. Ja' la sacubtesic a te xch'ich'el te Alalchije.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.

Romanos 4:24

Jo'otic jc'oplaltic uuc te toj ya yilotic Dios teme ya jch'uuntic te Mach'a la xcha'cuxes tel ta bay animaetic te Cajwaltic Jesuse.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.