Gálatas 2:12 - Bible in Tzeltal de Oxchuc y Tenejapa

¹² Yu'un ta neelal la sjoin ta we'el te jyanlumetique. Ja'uc me to, te c'alal talic te mach'atic ticunbilic tel yu'un te Jacoboe, jich jajch' spijt'es sba ta stojolic, ma ba la sjoinix ta we'el. Yu'un ja' la xi' te mach'atic talic te ay sc'oplal ta yo'tanic te circuncisione.

Nuevo Testamento Tzeltal de Amatenango

¹² Yuꞌun nail a weꞌ sok te machꞌatik ma juriyouke, jaꞌ to te laj kꞌot chaꞌoxtul te machꞌa tikonbil tal yuꞌun te Jacoboe. Jich lijk spit sba, y ma sjoyinlanix ta weꞌel a. Porke jaꞌ a xiꞌ yuꞌun te machꞌatik bayal skꞌoplal ay ta yoꞌtanik te sirkunsisione.

Bible in Tzeltal Bachajón

¹² Yu'un te c'alal ma to xc'ohtic a te mach'atic ticombilic tal yu'un te Jacobo, la sjoquinlan ta we'el te jyanlumetic; pero te c'alal c'ohtic, hahch spit sba soc parte la yac' sba, yu'un la xi' te mach'atic ayic ta scuenta te circuncisión.

Gálatas 2:12 Referans Kwoze

Hechos 10:28

Jich te Pedro jajch' yalbey yaiyic: —Te ja'exe ya ana'ic stojol te ay mandalil cu'untic jo'otic te judiootic te ma xju' ya join jbatic soc te mach'a jyanlum, ni ya xju' ya x'ochotic ta sna. Ja'uc me to, Dios la yac'bonix jna' stojol te ma xju' cal te ma lecuc sc'oplal jtuluc ants-winic soc ma xju' ya quilay.

San Lucas 15:2

Ja'uc me to, te fariseoetic soc te jts'ibojometic caj smuquen-ayanic. Jich la yalic: —Ja' in winic to, jun yo'tan sba soc te jmulawiletique, melel ya sjoin ta we'el —xiic ta smuquen-ayanel te Jesuse.

Efesios 3:6

Ja' bi ja' ta swenta te lec yach'il c'ope, te jyanlumetic pajal me ya yich'ic soc te judioetic te bila ya yac' te Diose. Jun nax sbaq'uetal ya me xc'otic ta spisilic, soc pajal me ya yich'ic te bila yaloj Dios ta swenta Cristo Jesús.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

1 Tesalonicenses 5:22

Ijq'uitayaic me jilel spisil te bila amene.

Efesios 2:15

te Cristo la slajinbey sc'oplal te mandalil soc te bitic chapal yu'une. Jich jun nax la yac' ta yach'il te cha'chajp lume, jun nax c'ot ta stojol.

Isaías 65:5

La yalic: “Ainan tey a, ma me xnoptsajat tel; c'axem to xan ch'ulajemon, ma me xnoptsajat ta jtojol”, xiic. Te ants-winiquetic jich c'oemic te bit'il c'ajc' te ya xtil sjunal c'aal; jich ya yuts'inonic te bit'il ch'ail ta jni'tic.

Isaías 57:11

“¿Mach'atic a te diosetic te axi'oj soc te awich'oj ta muc', te ma tojuc awo'tan ta jtojol yu'une, soc te jc'axel la ach'ayon ta awo'tan yu'une? Te c'alal ma ba la awich'on ta muc', ma ba c'opojon, ma'yuc bila la cal yu'un.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Hechos 12:17

Te Pedro la sjim sc'ab ta scomel te ya slaman sbaique. Jich la xcholbey yaiyic te bit'il la yich' loq'uesel ta chucjibal yu'un te Cajwaltique. Jich la yalbey yaiyic: —Albeya yaiyic te Jacoboe soc te quermanotactique —xi'. Jich loc' bael soc q'uejel bajt' stuquel.

Gálatas 2:14

Ja'uc me to, te c'alal la quil te ma tojuc ya spasic te bi ya yal ta melel te lec yach'il c'ope, jich la calbey ta comonsitil te Pedroe: “Judio-winicat te ja'ate, ja'uc me to, ja' ya apasix te costumbre yu'un te jyanlumetique. ¿Bistuc ya ac'an asuj ta spasel te costumbre cu'untic te mach'atic jyanlumetique?”, xoon ta yalel.

San Lucas 5:38

Jich yu'un te yach'il vinoe ya sc'an ya yich' pulel ta ach' nujc'ul. Jich me ya xtuun ta xchebalic.