Gálatas 2:11 - Bible in Tzeltal de Oxchuc y Tenejapa

¹¹ Ja'uc me to, te c'alal tal ta lum Antioquía te Pedroe, tey la cut jba soc ta comonsitil a, te melel ma lecuc te bila la spase.

Nuevo Testamento Tzeltal de Amatenango

¹¹ Pero te kꞌalal bajt ta mukꞌul jtejklum Antioquia te jPedroe, la kalbe ta sit porke ma tsaꞌamuk te tut yipal ta spasel.

Bible in Tzeltal Bachajón

¹¹ Pero te c'alal tal ta Antioquía te Pedro, la jsitin ta c'op, yu'un ma lecuc bin la spas.

Gálatas 2:11 Referans Kwoze

1 Timoteo 5:20

Te mach'atic ma sc'an scom sbaic ta sleel te smulique, ya me acom ta comonsitil, swenta yu'un jich me ya xi'ic uuc te yantique.

Gálatas 2:14

Ja'uc me to, te c'alal la quil te ma tojuc ya spasic te bi ya yal ta melel te lec yach'il c'ope, jich la calbey ta comonsitil te Pedroe: “Judio-winicat te ja'ate, ja'uc me to, ja' ya apasix te costumbre yu'un te jyanlumetique. ¿Bistuc ya ac'an asuj ta spasel te costumbre cu'untic te mach'atic jyanlumetique?”, xoon ta yalel.

2 Corintios 5:16

Jich yu'un, te jo'otique ma jichuc jnopojtic te bit'il ay te yantique, jich te bit'il ya yalic te mach'atic ayic ta balumilale. Manchuc teme jich jnopojbeytic sc'oplal Cristo jich te bit'il ya yalique, ta ora to ma jichuc c'oemix ta co'tantic te bit'il ya yalique.

Hechos 15:1

Ay mach'atic talic ta sq'uinal Judea, tal yac'beyic snop te quermanotactic: —Teme ma xyich'ic circuncisión jich bit'il la yal mandal te Moisese, ma xju' ya xcolex —xiic.

Judas 1:3

Quermanotac te c'uxex ta co'tane, ay ta co'tan te ya jts'ibubeyex ta carta te bit'il ay sc'oplal te jcoleltic te pajal ay ta jwentatique, Ja'uc me to, la jnop te ja' lec ya jts'ibubeyex carta ta ora naxe. Yu'un ya jtac'uyex te ya me xc'opojex yu'un te xch'uunjel awo'tanic te jc'axel awac'ojiquix ta stojol Dios soc spisil te mach'atic ch'ul lum yu'un te Diose.

Santiago 3:2

Ta jpisiltic bayal buelta ya xjelawotic ta c'op tey a. Teme ay mach'a ma xjelaw jp'aluc te sc'ope, lec me ta winiquil stuquel abi, soc ya xju' yu'un stojtesel spisil te sbaq'uetale.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

Gálatas 2:7

Ja'uc me to, la yilic te bit'il Dios yac'ojbon ta jwenta xcholel te lec yach'il c'op ta stojol te mach'atic ma ba yich'ojic circuncisión, jich bit'il te Pedroe ja' ac'bil ta swenta xcholel ta stojol te mach'atic yich'oj te circuncisione.

Gálatas 2:5

Ja'uc me to, ma la jch'uuntic te bila la yalique, swenta yu'un ma xyanaj te lec yach'il c'op te ja' smelelil soc te jc'axel ya sc'an ya ach'uunique.

2 Corintios 12:11

Jich c'opojonix te bit'il mach'a ma sna' q'uinale, yu'un ja'ex nix te la awac'bonic jpase. Melel ja'ex ya sc'an te la awalbonic lec jc'oplal te jichuque. Manchuc teme c'ax peq'uel ayone, ja'uc me to, ma ja'uc peq'uel c'oemon yu'un te muc'ul jpuc-c'opetic awu'unique.

San Mateo 16:23

Te Jesús la sujt'es sba sc'opon te Pedroe: —¡Q'ueja aba ta jtojol, Satanás! Ja'at jcojch'inwanejat. Ma'yuc ta awo'tan te bila ya sc'an yo'tan te Diose. Ja' nax ay ta awo'tan te bila ya sc'an yo'tan te ants-winiquetique —la yut.

2 Corintios 11:5

Ya cal te jo'one te ma'yuc bay peq'uel c'oemon yu'un te muc'ul jpuc-c'opetic awu'unique.

Hechos 11:19

Te mach'atic pujq'uic bael ta scaj te uts'inel te jajch' ta stojolic te c'alal laj ta milel te Estebane, ay bajt'ic ta sq'uinal Fenicia soc ta sq'uinal Chipre soc ta lum Antioquía. Ma'yuc yan mach'a la yalbeyic te lec yach'il c'ope, ja' nax la yalbey yaiyic te mach'a judioetique.

Jonás 4:9

Pero albot yu'un te Diose: —¿Lec bal ya awaiy te bayal ya x'ilinat yu'un te taquej te jtejc' ch'opac te'? —xi' sc'oplal. La sjac' te Jonase: —Yu'unix lec ya caiy a. ¡Mero ya xlajonix yu'un slab co'tan ya caiy! —xi' xan.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

Jeremías 1:17

Te ja'ate, chajbana aba, ich'a smuc'ul awo'tan; baan soc albeya spisil te bila ya calbate. Ma me x'axi', melel teme jich ya apase, jo'on ya cac' te ya xnijc'at ta stojolic abi.

Números 20:12

Ja'uc me to, te Cajwaltic la yalbey te Moisés soc Aarón: —Te bit'il ma la xch'uun awo'tan te ya jcoltayate, ni ma la awac'onic ta ich'el ta muc' ta stojol te israeletic, jich ma x'ochex bael soc ta bay q'uinal ya cac'bey te israeletique —xi'.

San Juan 1:42

Jich la yic' bael tey a ta ba ay te Jesuse. Jesús la yil te Simone. Jich la yalbey: —Ja'at Simonat snich'anat Jonás, ja'uc me to, Cefas abiil ya xc'oat —la yut. Te Cefas te xie, Pedro, xi' c'oem.

Hechos 11:20

Ja'uc me to, ay jch'uunjeletic te talemic ta sq'uinal Chipre soc ta lum Cirene, te c'otic ta lum Antioquía, jajch' yalbey yaiyic te lec yach'il c'op yu'un Cajwaltic Jesús te mach'atic griegoetique.

Hechos 11:22

Te c'alal la yaiyic stojol te jch'uunjeletic ta Jerusalene, la sticunic bael ta Antioquía te Bernabee.

Hechos 11:27

Ja' yorail te ay j'alwanejetic yu'un Dios te coic tel ta Jerusalén te c'otic ta Antioquía.

Hechos 15:5

Ja'uc me to, ay fariseoetic te xch'uunejiquix te Jesuse, la stejc'an sbaic. Jich la yalic: —Puersa me ya cac'beytic yich'ic circuncisión te jyanlumetique, soc puersa ya calbeytic mandal te ya yat'elinic xch'uunel te mandalil yu'un te Moisese —xiic.

Gálatas 1:18

Yoxebalix ja'wil ta patil te boon ta Jerusalén. Tey la jna'bey sba a te Pedroe. Jich la join jba soc jo'lajuneb c'aal.