Gálatas 2:1 - Bible in Tzeltal de Oxchuc y Tenejapa

¹ Xchanlajunebalix ja'wil ta patil te boon xan yan buelta ta Jerusalén. La sjoinon bael te Bernabee, soc te Titoe.

Nuevo Testamento Tzeltal de Amatenango

¹ Ta patil kꞌaxix katorse jaꞌbil a boon xan ta Jerusalen sok te jBernabee, y la kikꞌ sjoyinon bael te jTitoe.

Bible in Tzeltal Bachajón

¹ Schanlajunebalix (14) ha'bil a, cha'bohon xan ta Jerusalén soc te Bernabé, soc la jquic' bahel joquin te Tito.

Gálatas 2:1 Referans Kwoze

Gálatas 2:3

Manchuc me griego-winic te Tito te sjoinejone, ma la sujic ta yich'el te circuncisione.

Tito 1:4

Ja'at Tito, te jich c'oemat ta co'tan te bit'il mero jnich'anat ta swenta bit'il pajal ay xch'uunjel co'tantique, ac'a me yac'bat yutsil yo'tan te Jtatic Diose soc te Cajwaltic Cristo Jesuse te Jcoltaywanej cu'untique. Ac'a me xc'uxtayat, soc lamaluc me q'uinal ya awaiy yu'un spisil ora.

Colosenses 4:10

Te Aristarco te sjoinejon li'to te banti ayon ta chuquele, ya sticunbeyex spatjibal awo'tanic. Soc jich nix uuc te Marcose te snich'an stajun Bernabé. Te ja'exe la calbeyex mandal te bila ya sc'an ya apasic ta stojol te Marcose. Jich yu'un teme ya xba yilexe, junuc me awo'tanic ya awic' ta atojolic.

Gálatas 2:13

Jich te yantic judioetic te xch'uunejic te Jesucristoe, caj sc'ainbeyic te cha'lam yo'tan te Pedroe. Jich nix te Bernabee, jich c'an spas uuc te bit'il te yantique.

Gálatas 1:18

Yoxebalix ja'wil ta patil te boon ta Jerusalén. Tey la jna'bey sba a te Pedroe. Jich la join jba soc jo'lajuneb c'aal.

2 Corintios 8:23

Jich bit'il te Titoe, ja' joy jba ta at'el soc ta atojolic. Soc te cheb xan quermanotactique, ja'ic ticunbilic yu'un spisil te jch'uunjeletic li'to, soc ja' yac'ojic ta ich'el ta muc' te Cristoe.

2 Corintios 8:16

Ja'uc me to, wocol la yal Dios te bit'il la yac' sna'ex ta yo'tan te Titoe, jich te bit'il bayal ya jna'ex te jo'one.

1 Corintios 9:6

¿Jo'on nax bal soc te Bernabé te ma'yuc ta jwentatic yich'el te bila ya xtuun cu'untique?

Hechos 15:25

Jich yu'un la jpastic acuerdo te ya jtsatic quermanotactic ta coliltic te ya xtal yilexe soc ja' pajal ya xtal soc te quermanotic Bernabé soc Pablo te bayal c'ux ta co'tantique,

Hechos 14:12

Jajch' yalic te ja' Júpiter te Bernabé soc ja' Mercurio te Pabloe scaj te ja' yac ta c'op stuquele.

Hechos 13:50

Ja'uc me to, te judioetic la sjachbey slab yo'tanic te jc'ulej-antsetic te ich'bilic ta muc' soc te yich'ojic ta muc' te Diose, soc uuc te winiquetic te ich'bilic ta muc' yu'un te lume. Jich jajch'ic ta uts'inel te Pablo soc te Bernabé, soc la yich'ic tenel loq'uel ta bay sti'il te sq'uinalique.

Hechos 13:2

Jun c'aal, c'alal la stsob sbaic ta yalel wocol ta stojol te Cajwaltique soc spasojic ayuno a, jich albotic yu'un te Ch'ul Espiritue: —Ac'bonic ta jwenta te Bernabé soc te Saulo te tsabiliquix cu'un ta spasel te at'ele —utotic yu'un.

Hechos 12:25

C'alal ju' ta pasel yu'unic te yat'elic ta Jerusalén, te Bernabé soc te Sauloe sujt'ic bael ta Antioquía, soc la yic' bael sjoinic te Juan te Marcos yan sbiile.

Hechos 11:30

Te c'alal tsobajix yu'unique, la sticunic bael ta stojol te ancianoetic te ayic ta Jerusalén. Ja' la yac'beyic bael ta sc'ab te Bernabé soc te Sauloe.

Hechos 11:25

Te Bernabé bajt' ta lum Tarso ta sleel te Sauloe.

2 Corintios 2:13

Ja'uc me to, ma la yich' lewa te co'tane, yu'un ma la jta tey a te quermanotic Titoe. Jich la jpatbey jilel yo'tanic, boon ta sq'uinal Macedonia.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.