Gálatas 1:9 - Bible in Tzeltal de Oxchuc y Tenejapa

⁹ Te bila la calixe, ja' nix ya cha'calbeyex xan: Teme ay mach'a ya xtal yalbeyex awaiyic yan c'op te ma pajaluc soc te lec yach'il c'ope, ac'a bajt'uc ta ch'ayel jiche.

Nuevo Testamento Tzeltal de Amatenango

⁹ Yuꞌun nail kalojbetikex y te ora to jich ya kalbetikex xan: Teme ay machꞌa ya yalbeyex te jun skꞌoplal kolel te ma pajaluk sok te tutꞌil awichojikixe, aꞌ bajtuk ta chꞌayel.

Bible in Tzeltal Bachajón

⁹ Hich te bin ut'il la jcalbeyexix, ya jcha'halbeyex xan: Teme ay mach'a ya yalbeyex yan yach'il c'op te ma ha'uc te awich'ojique, ac'a bahtuc ta ch'ayel.

Gálatas 1:9 Referans Kwoze

Romanos 16:17

Quermanotac, ya calbeyex xan wocol: Ila me abaic yu'un te mach'atic ya yaq'uic xatomba soc te ya sc'an ya xyaleswanic soc te ya scontroinic te bila ach'uunejic te ac'botex anopic ta apisilique. Ma me xajoin abaic soc.

Proverbios 30:6

Ma me xawac'bey xan sjoy te bila ya yal stuquel; teme jich ya apase, ya me xju' ya scomat, soc jich me ya xc'oat yu'un te bit'il jpas-lot.

Deuteronomio 4:2

Ma me xach'ayic soc ma me xawac'beyic sjoy jxujt'uc te bila mandalil ya calbeyexe. Pasaic me te mandaliletic yu'un te Cajwaltic te Dios cu'untic, te yacon ta yalel ta atojolique.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

2 Corintios 1:17

Te bit'il jich la jnop ta co'tane, ¿yu'un bal ma la jnop ta lec te c'alal jich la cale? ¿Yu'un bal acuyojic te ja' nax ta swenta jbaq'uetal te ya cal teme ya xju'e o ma xju'e?

Filipenses 3:1

Jich yu'un quermanotac, ta ora to ayuc me sbujts' awo'tanic ta swenta te Cajwaltique. Ma wocoluc ya caiy te ya jcha'ts'ibubeyex xan te bila calojbeyexe, swenta yu'un ya me xtuun awu'unic.

Filipenses 4:4

Soc ya calbeyex: Ayuc me bayal sbujts' awo'tanic spisil ora ta stojol te Cajwaltique. Soc ya calbeyex xan: Ayuc me sbujts' awo'tanic.

Jeremías 23:16

Te Cajwaltic te Spisil ya xju' yu'une, ya yal: —Israeletic, ma x'awich'ic ta muc' te bila ya yalbeyex te mach'atic ya scuy sbaic ta j'alwanejetique. Te bila ya yalique, ja' nax puro lot; te bitic ya yalique, ja' nax ya xchicnantesic stuquelic, ma'yuc bay calojbey jc'op.

Hechos 18:23

Ay c'aal jalaj tey a. Jich loc' bael yan buelta. Xmelmon c'ax yil chajbalchajp te jch'uunjeletic te ayic ta sq'uinal Galacia soc ta Frigia. La yac'bey yip yo'tanic spisil te jnopojeletique.

Romanos 9:3

Co'tanuc te ya cac' jba ta ch'ayel ta o'tanil yu'un Cristo ta swenta xc'uxul co'tan te jich ya xcolic a te quermanotac te jun jts'umbal soque.