Gálatas 1:7 - Bible in Tzeltal de Oxchuc y Tenejapa

⁷ Ma yu'unuc ay yan te lec yach'il c'ope. Ja' nax te ay mach'atic te ya xchebantesbeyex awo'tanique. Jich yo'tanic te ya syantesic te bit'il ay sc'oplal te lec yach'il c'op yu'un te Cristoe.

Nuevo Testamento Tzeltal de Amatenango

⁷ Ma yuꞌunuk ay yan skꞌoplal te kolele. Jaꞌ nax te ay machꞌatik ya xchebentesbeyex awoꞌtanik te jaꞌexe. Ya skꞌan ya syanutesik te tutꞌil ay skꞌoplal te kolel yuꞌun te Cristoe.

Bible in Tzeltal Bachajón

⁷ Ma yu'unuc te ay yan lec yach'il c'op, ha nax te ay mach'atic ya showiytesex soc ya sc'an ya syanijtesic te lec yach'il c'op yu'un te Cristo.

Gálatas 1:7 Referans Kwoze

Hechos 15:24

La caiytiquix stojol te ay cha'oxtul jajch'emic bael li'to te ma ticunbiluc cu'untic te la yac'beyex amel awo'tanic yu'un te bila la yalbeyex awaiyique, soc la yac' ayanuc awo'tanic te bit'il la yalbeyex te puersa ya awich'ic circuncisión soc te ya ach'uunic te mandalil yu'un te Moisese.

Gálatas 5:10

Xch'uunej co'tan te ma'yuc yan te bila ya anopic ta swenta te Cajwaltique. Ja'uc me to, Dios me ya yac'bey castigo te mach'a ya xchebantesbeyex awo'tanique. Chican mach'a a.

2 Corintios 11:13

Melel lotil jpuc-c'opetic stuquelic soc ya xlo'laywanic. Tojol te scuyoj sbaic ta jpuc-c'opetic yu'un te Cristoe.

Gálatas 5:12

Ja'uc me to, te mach'atic yacalic ta yuts'inbelex awo'tanic yu'un te circuncisione, ¡ja' lec te ayuc bit'il jc'axeluc ya sjosic loq'uel sc'olol te sbaq'uetalique!

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

Apocalipsis 20:3

Soc la xch'oj ochel ta xaab, la smac jilel ta llave, soc la smac jilel ta sello, swenta yu'un ma ba ya slo'layix a te chajbalchajp nacionetique, ja' to teme loc' te jmil (1,000) ja'wile. Te c'alal loq'uix a te jmil (1,000) ja'wile, ya me yich' coltayel loq'uel jun chebuc c'aal.

2 Juan 1:10

Teme ay mach'a ya xtal ta banti ayexe, teme ma ja'uc yich'oj tel te nopjibal yu'un te Cristoe, ma me x'awic' ochel ta ana soc ma me jichuc ya awalbey: “¡Bin nax co'tan te talate!”, ma me xaucat ta stojol.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Apocalipsis 2:6

Ja'uc me to, ay nix bila lec te apasoje, ja' bi, ja' te ya awilaybey yat'elic te nicolaitaetique. Te jo'one ya quilay uuc.

Apocalipsis 2:2

Jo'on quilojbat spisil te awat'ele. Quiloj te bit'il tulan ya x'at'ejate, soc te ts'ijq'uem awu'un te awocole. Soc jna'oj stojol te ma xju' awu'un ts'iquel te mach'atic amen yo'tanique, soc la apasix ta prueba te mach'atic scuyoj sbaic ta jpuc-c'opetique, ja'uc me to, ma ja'uquic, soc ataojbeyix slotic.

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.

2 Juan 1:7

Yu'un ay tsobol jlo'laywanejetic te yacalic ta beel ta spamal te balumilale, ya yalic te ma la yich' sbaq'uetal te Jesucristo te xtaluque. Te mach'a jich ya yale ja' me jlo'laywanej abi, soc ja' me te anticristo abi.

1 Juan 2:26

La jts'ibubeyex in to, ta scaj te ay mach'atic ya slo'layexe.

2 Timoteo 2:18

Ja'ic te la yijq'uitayiquix te smelelil c'ope, te melel ya yalic te c'otix ta pasel te cha'cuxele. Jich ay cha'oxtulic te ch'ayix xch'uunjel yo'tanic yu'une.

Gálatas 6:17

Jich ta ora bael to, ma me ayuc mach'a ya yuts'inon xan, melel quich'oj ta jbaq'uetal smarcail te Cajwaltic Jesuse.

Gálatas 4:17

Te yantique bin nax yo'tanic ta atojolic, ja'uc me to, ma lecuc te bila snopojic ta yo'tanique. Yo'tan ya sloq'uesex ta jtojol, swenta yu'un jich me bin nax awo'tanic ya xc'oex ta stojolic stuquelic.

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

2 Corintios 4:2

La quijq'uitaytiquix jilel te bila la jpastic ta muquen te ya xq'uexawotic yu'une. Ma ba ya caiytic lo'laywanej, soc ma ba ya jcaptic ta lotil p'ijubtesel te sc'op Diose. Ja' nax ya caltic te bila smelelile. Jich ya cac'tic ta ilel ta stojol spisilic te bit'il ay te co'tantic ta stojol te Diose.

Hechos 20:30

Soc ta awolilic ay me ya xjajch' te mach'atic ya yaq'uic ta nopel lotil c'op te jich ya slo'layic a te jnopojeletic te q'uejel ya xbajt'ic soque.

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

San Mateo 24:24

Ay me ya xchicnaj lotil cristoetic soc lotil j'alwanejetic. Ya me yac' ta ilel muc' señailetic soc jchajp at'eliletic. Bayal me ya yaiyic lo'laywanej te yacuc xju' yu'unique, asta yo'tanuc slo'layic uuc te mach'atic tsabilic yu'un te Diose.

Jeremías 23:26

¿Bi to ora ya xcomic ta yalulayel lotil c'opetic te j'alwanejetic, te stuquel ya snop ta sjolique?

Jeremías 23:36

ma me ja'uc xawal xan: “Mero al te ijc'atsil yu'un Cajwal.” Melel teme ay ya awal loq'uele, ya me cac' te ya xc'atp'uj ta awijc'ats te c'op ya awale. Melel la ayantesic te jc'op jo'on te cuxul Dioson, te Dioson awu'un, te Ajwalilon te Spisil ya xju' cu'une.

Gálatas 1:6

Ja'uc me to, bayal la yaan co'tan yu'un te bit'il ora nax yacalex ta yijq'uitayel ta awo'tanic te Diose, te la yiq'uex ta swenta nax yutsil yo'tan te Cristoe. Ta ora to, ja' ya ach'uuniquix yan c'op te cuybil ta lec yach'il c'ope.