Gálatas 1:6 - Bible in Tzeltal de Oxchuc y Tenejapa

⁶ Ja'uc me to, bayal la yaan co'tan yu'un te bit'il ora nax yacalex ta yijq'uitayel ta awo'tanic te Diose, te la yiq'uex ta swenta nax yutsil yo'tan te Cristoe. Ta ora to, ja' ya ach'uuniquix yan c'op te cuybil ta lec yach'il c'ope.

Nuevo Testamento Tzeltal de Amatenango

⁶ Lom ayon ta ajtal-oꞌtan awuꞌunik te tutꞌil ora nax ya xjakalex bael ta stojol Diose, te la yikꞌex ta skuenta slekil yoꞌtan te Cristoe. Yuꞌun jaꞌ ya apasik seguir te yan kꞌop te kuybil te ya xkolotik yuꞌun.

Bible in Tzeltal Bachajón

⁶ Jchahp ya ca'iy a te ora nax la awihquitayic te Mach'a la yiq'uex ta scuenta yutsil yo'tan te Cristo, yu'un yac at'unic yan yach'il c'op.

Gálatas 1:6 Referans Kwoze

2 Corintios 11:4

Melel ma wocoluc ya awac' achiquinic ta yaiybel stojol sc'opic te mach'atic ya xtal yalbeyic sc'oplal yan Jesús te ma ja'uc te Jesús te la jcholbeyex sc'oplal awaiyique. Soc ma wocoluc ya ach'uunic yan espíritu te ma ja'uc te Espíritu awic'ojiquixe, soc ma wocoluc ya ach'uunic yan c'op te ma ja'uc te lec yach'il c'op swenta jcoleltic te awaiyojiquix stojole.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Salmos 106:13

Ja'uc me to, ora nax ch'ay ta yo'tanic te bitic spasoj Dios, jich ma ju' yu'unic smaliyel te bitic chapal yu'une.

1 Timoteo 1:3

C'alal boon ta sq'uinal Macedonia, la calbat jilel te ja' lec te tey ya xjilat ta lum Éfeso, yu'un ya me acom te mach'atic te ya yaq'uic ta nopel te lotil p'ijubtesele.

1 Corintios 4:15

Manchuc teme ay lajunmil (10,000) jp'ijubteswanejetic awu'unic ta swenta te Cristoe, ja'uc me to, ma tsoboluc te atatique. Ja' nax atatonic c'oem ta swenta xch'uunjel awo'tanic ta stojol Cristo Jesús, te bit'il jajch' ach'uunic te lec yach'il c'op ta jwenta.

Hechos 15:11

Ma jichuc ya sc'an. Ja' jch'uunejtic te bit'il ta swenta nax yutsil yo'tan cu'untic te Cajwaltic Jesús te colemotique, jich te bit'il la yich'iquix coltayel uuc te jyanlumetique —xi' te Pedroe.

Gálatas 5:4

Ma'yuquex ta stojol Cristo, teme ya awalic te ja' toj ya xc'oex ta swenta xch'uunel te mandalile. Jich ch'ayix sc'oplal awu'unic te bit'il ay yutsil yo'tan awu'unic te Diose.

Romanos 10:3

Yu'un ma ba c'oem ta yo'tanic te bit'il toj ya x'ilotic yu'un te Diose. Stuquelic nax ya spas sbaic ta toj yo'tan ta sc'opic. Ma ba yich'ojic ta muc' te bila yaloj te Diose.

1 Timoteo 1:14

Jich esmaj ta c'axem to xan ta jtojol te yutsil yo'tan te Cajwaltique, soc la yac'bon xch'uunjel co'tan soc xc'uxul co'tan ta swenta te Cristo Jesuse.

Apocalipsis 22:21

Ac'a yac'beyex bayal te yutsil yo'tan te Cajwaltic Jesucristo ta apisilic. Jichuc.

2 Timoteo 2:1

Te ja'at Timoteo, te jnich'anat ta co'tane, ich'a me yip awo'tan ta swenta yutsil yo'tan te Jesucristoe.

2 Timoteo 1:9

Dios la scoltayotic soc la yic'otiquix ta stojol, jich me ch'ul lum ya xc'ootic yu'un ta melel. Ma yu'unuc ay bila lec ju'em cu'untic spasel, ja' nax ta swenta te jich la snop ta yo'tane. C'alal ma to chicanuc a te balumilale, la snop ta yo'tan te ya sc'uxtayotic ta swenta te Cristo Jesuse.

2 Tesalonicenses 2:14

Ja' swentail te la yiq'uex te Diose ta swenta te lec yach'il c'op te cat'elinejtic xcholel te jo'otique, swenta yu'un ya awich'beyic uuc te yutsilal te Cajwaltic Jesucristoe.

Romanos 5:2

Ja' ta swenta Cristo te quich'ojtic c'uxtayel yu'un te Diose, ta swenta te xch'uunjel co'tantique. Jich ay yip co'tantic yu'une, soc jich toyol co'tantic ta smaliyel te yutsilal te Diose.

San Juan 9:30

La yal te winique: —Jchajp nax ya caiy a te ma x'ana'ic stojol ja'ex te bay taleme, melel la sjambonix te jsite.

2 Pedro 1:3

Ta swenta yu'el te Diose, yac'ojbotiquix te bila ya xju' ya xcuxinotic yu'une soc te spisiluc ora ya jna'tic te Diose. La yac' jna'beytic sba te Mach'a la yic'otic ta stojol, ta swenta te smuc'ul yutsilal soc ta swenta te jchajp at'eliletic te la yac'botic quiltique.

1 Pedro 1:15

Melel ch'ul Dios stuquel te la yiq'uexe, jich yu'un, ch'ultesbiluquex me te jayeb c'aal cuxulex ta q'uinale.

San Marcos 6:6

Te Jesús bayal ayan yo'tan yu'un te bit'il ma la xch'uunique. Soc la yocliy bael te ch'in lumetic te nopol ayique, soc la yaiy p'ijubteswanej tey a.

Romanos 8:28

Jna'ojtic stojol te mach'atic c'ux ta yo'tanic te Diose, ya x'ac'botic yu'un spisil bila leque, ja'ic me te mach'atic ic'bilic yu'un Dios te bit'il jich la sc'an yo'tan stuquele.

Romanos 8:30

Te mach'atic xjajch'ibal to tel jich chapal sc'oplalic yu'un Diose, ja'ic te la yich'ic iq'uel yu'une. In te bit'il la yich'ic iq'uel yu'une, Dios la yac' ta libre yu'un smulic. In te mach'atic la yac' ta libre yu'un smulic, la yac'bey yich'ic te yutsilale.

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

Gálatas 1:7

Ma yu'unuc ay yan te lec yach'il c'ope. Ja' nax te ay mach'atic te ya xchebantesbeyex awo'tanique. Jich yo'tanic te ya syantesic te bit'il ay sc'oplal te lec yach'il c'op yu'un te Cristoe.

Gálatas 1:11

Ja'uc me to, quermanotac, ya cac'beyex ana'ic in to: Te lec yach'il c'op te yacon ta xcholel ta bayuque, ma ja'uc sc'op te ants-winiquetique.

Gálatas 1:15

Ja'uc me to, Dios la stsaon te c'alal ayon to ta xch'ujt' a te jme'e. La yic'on ta swenta nax te yutsil yo'tane.

Gálatas 2:2

Jich boon, melel Dios la yac'bon jna' te puersa ya xboone. Soc te bit'il ayonix ta Jerusalén a, la jtsob jba soc te mach'atic na'bil sbaique te yich'oj yat'elic ta jwolwaneje, soc la jcholbey yaiyic te sc'oplal colel te la cal ta stojol te jyanlumetique. Jich la jpas in to, yu'un ma jc'an te tojol ya xch'ay te cat'el te yacon ta spasele.

Gálatas 2:5

Ja'uc me to, ma la jch'uuntic te bila la yalique, swenta yu'un ma xyanaj te lec yach'il c'op te ja' smelelil soc te jc'axel ya sc'an ya ach'uunique.

Gálatas 2:7

Ja'uc me to, la yilic te bit'il Dios yac'ojbon ta jwenta xcholel te lec yach'il c'op ta stojol te mach'atic ma ba yich'ojic circuncisión, jich bit'il te Pedroe ja' ac'bil ta swenta xcholel ta stojol te mach'atic yich'oj te circuncisione.

Gálatas 2:14

Ja'uc me to, te c'alal la quil te ma tojuc ya spasic te bi ya yal ta melel te lec yach'il c'ope, jich la calbey ta comonsitil te Pedroe: “Judio-winicat te ja'ate, ja'uc me to, ja' ya apasix te costumbre yu'un te jyanlumetique. ¿Bistuc ya ac'an asuj ta spasel te costumbre cu'untic te mach'atic jyanlumetique?”, xoon ta yalel.

Gálatas 5:14

Melel jun nax c'oem sc'oplal spisil te mandalile, ja' bi: “C'ux me x'awaiy ta awo'tan te apat-axujq'ue, jich nix te bit'il c'ux ya awaiy aba atuquel te ja'ate”, te xie.