Gálatas 1:4 - Bible in Tzeltal de Oxchuc y Tenejapa

⁴ Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

Nuevo Testamento Tzeltal de Amatenango

⁴ Te Jesucristoe la yakꞌ sba ta lajel yuꞌun te jmultike, yuꞌun ya skoltayotik te ayotik ta balmilal te ma tsaꞌamuke. Jich tutꞌil la skꞌan yoꞌtan te Tatik Dios kuꞌuntike.

Bible in Tzeltal Bachajón

⁴ te ha nix la yac' sba ta lajel yu'un te jmultic yu'un ya scoltayotic loq'uel ta yohlil te bin chopol ay ta pasel ta ora ini, hich te bin ut'il la sc'an yo'tan te Jtatic Dios,

Gálatas 1:4 Referans Kwoze

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

Romanos 4:25

Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

1 Pedro 2:24

Ja' la xcuchbotic jmultic ta cruz-te' ta sbaq'uetal stuquel te Cristoe. Yu'un jich ya xlaj sc'oplal ta co'tantic a te mulile, soc jich me ya cat'elintic spasel te bila leque. Melel ja' colemex yu'un te bit'il laj ta ejch'entesele.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

2 Corintios 4:4

Melel te dios yu'un in balumilal to, sc'atp'unej ta ma'sit te mach'atic ma ba xch'uunejic te Diose. Jich ma xju' ya sna'ic stojol xujt'uc. Swenta yu'un jich ma xyilbeyic xojobil yutsilal te lec yach'il c'op yu'un te Cristoe, melel te Cristoe pajal yilel soc te Diose.

1 Timoteo 2:6

Ja' te mach'a la yac' sba ta lajel ta smanel scolel spisil te ants-winiquetique. Jich la yich' alel ta testigo-c'op, te c'alal la sta yorail yu'un te Diose.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

1 Tesalonicenses 3:13

Swenta yu'un ay me stulanil awo'tanic soc jun awo'tanic ta stojol te Jtatic Diose, soc te ma me ayuc amulic ta stojol te c'alal ya xtal te Cajwaltic Jesús soc spisil te mach'atic ch'ul lum yu'un te Diose.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

Filipenses 4:20

Wocol yalbotic te Jtatic Dios yu'un te jelawen ay yutsilal sbajt'el q'uinal stuquele. Jichuc.

Efesios 5:2

C'ux me x'awaiy abaic spisil ora, jich te bit'il c'ux la yaiyotic te Cristo te la yac' sba ta lajel ta jwentatique. Melel la yac' sba ta milbil majt'anil te xuq'uet nax sbujts' yic' ta stojol te Diose.

Apocalipsis 1:5

soc uuc te Jesucristoe te jun yo'tan ay ta testigoe, te ja' sbabial cha'cux tel yu'un te mach'atic lajemique, te ja' Muc' Ajwalil te cajal yat'el yu'un te muc' ajwaliletic ta balumilale. Ja' te mach'a c'uxotic ta yo'tan, soc te la spocbotiquix loq'uel spisil jmultic ta xch'ich'ele,

Apocalipsis 5:9

La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

1 Juan 3:16

Jich jna'ojtic stojol bit'il ay te c'uxul-o'tanile, ta swenta bit'il la yac' sba ta lajel ta jwentatic te Jesucristoe. Ja' nanix jich ya sc'an ya cac' jbatic ta lajel soc jcuxlejaltic ta swenta uuc te quermanotactique.

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

1 Pedro 3:18

Melel jich nix uuc te Cristoe, jc'axel nax c'ax swocol ta lajel yu'un te jmultique. Jich ya xju' te ya yic'otic ta stojol te Diose. Te jo'otic te ma tojuc co'tantic, ja' jeloltic ta woclajel stuquel te Mach'a toj yo'tane. Ac'ot ta lajel soc te sbaq'uetale, ja'uc me to, cha'cuxesot tel soc te xch'ulele.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

Hebreos 6:5

soc te la smulanbeyiquix yutsilal te sc'op Diose soc te yu'el Dios te ya xchicnaj ta swenta te yach'il balumilale,

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

San Juan 12:31

Melel la staix yorail te ya x'ich'bot sc'op yu'un smulic te mach'atic ayic ta balumilale. Soc la staix yorail te ya xch'ojotix loq'uel uuc te ajwalil yu'un te balumilale.

San Mateo 26:28

Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

Isaías 65:17

“Aiya awaiy stojol, ya me jpas yach'il ch'ulchan soc yach'il balumilal. Te bila c'axemixe ya me xch'ay jilel ta o'tanil, ma me ayuc jtuluc ya sna' xan.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Hebreos 2:5

Dios ma la yaq'uix ta wentainel yu'un ch'ul abatetic te yach'il balumilal te ya xchicnaj tel te ja' yacotic ta xcholel sc'oplale.

1 Tesalonicenses 3:11

Co'tantic te yacuc yic'otic ta beel tey a te banti ayex te Jtatic Diose soc te Cajwaltic Jesucristoe.

Efesios 6:12

Yu'un ma ja'uc ya jtsal jbatic soc te mach'atic pajal jch'ich'-jbaq'uetaltic soque. Ja' ya jcontroin jbatic soc te pucujetic te ay yipique, soc te ay bayal yu'elique, soc te ajwaliletic yu'un te balumilal te ayic ta ijc' q'uinale, soc spisil te bila amen te ayic ta sjamalul te ch'ulchane.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Gálatas 6:14

Yan te jo'one, ma'yuc bi yan te toyol q'uinal ya caiy yu'une, ja' nax toyol q'uinal ya caiy yu'un stuquel te scruz te Cajwaltic Jesucristoe. Ja' ta swenta stuquel, te lajemix sc'oplal cu'un te balumilale, soc jich lajemonix ta stojol uuc te balumilale.

Romanos 8:32

Melel ma la sna'bey yo'bolil sba te Snich'ane, spasemal yo'tan la yac' ta lajel ta jwentatic. ¿Ma bal spisiluc ya yac'botic ta majt'anil spisil te bit'il aye?

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Romanos 1:7

Ya jpatbeyex awo'tanic ta apisilic te ayex ta lum Roma, te c'ux ya yaiyex ta yo'tan te Diose, soc te ic'bilex swenta ch'ul lum yu'un Dios ya xc'oex. Ayuc me yutsilal soc lamaluc me q'uinal ya awaiyic yu'un ta swenta te Jtatic Diose soc ta swenta te Cajwaltic Jesucristoe.

San Juan 10:11

Jo'on te lequil jcanan-chijon. Te lequil jcanan-chije, ya yac' sba ta lajel yu'un te chijetique.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

San Juan 5:30

“Te jo'one ma'yuc bila ya xju' cu'un spasel ta jtuquel. Ya caiy chajbanwanej jich te bit'il pasbilon ta mandale; soc toj te bila ya cal ta chajbanwanej, yu'un ma ja'uc ya jle te sc'anjel co'tan jtuquele. Ja' ya jpasbey sc'anjel yo'tan stuquel te Jtatic Dios te la sticunon tele.

San Lucas 22:42

Jich la yal: —Jtat, teme ya sc'an awo'tane, ya xju' ya aq'uejbon bael in woclajel to, ja'uc me to, ma me ja'uc ya jpas te sc'anjel co'tane. Ja' me ya jpas te sc'anjel awo'tane —xi'. [

San Marcos 10:45

Melel jich uuc te Nich'anile, ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel soc te ya yac' sba ta lajel swenta yu'un jich ya xwejt' scolel tsobol ta jtul te ants-winiquetique —xi' te Jesuse.

San Mateo 26:42

Jich bajt' ta xchebal buelta ta sc'oponel te Diose: —Jtat, teme puersa ya xc'ax jwocole, ac'a pasuc te bila ya sc'an awo'tane —xi'.

San Mateo 6:9

Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

Salmos 40:8

Dios cu'un, jo'on ya jmulan spasel te bila ya sc'an awo'tane; quich'oj ta yolil co'tan te mandal awu'une”, xoon.

Apocalipsis 7:9

Ta patil la quil ay bayal mach'atic talemic ta bay yanyantic nacionetic soc ta bay chajbalchajp sts'umbalic soc ta bay yanyantic slumalic soc ta bay yanyantic te sc'opique. Spisil tec'ajtic ta stojol te muc'ul nactijibale soc ta stojol te Alalchije. Bayalic ta c'axem to xan te ma xju' ta ajtayele. Sac te sc'u'-spac' slapojique, soc stuchojic palma ta sc'abic juju-jtul.

Romanos 8:27

Te Diose ya sna' te bila ay ta co'tantique soc ya sna' uuc te bila ya yal te Espiritue. Melel te Espiritue, ja' ya sc'anbey te sc'anjel yo'tan te Dios ta stojol te mach'atic ch'ul lum yu'un te Diose.

San Lucas 22:19

Soc la stsac ta sc'ab te waje. La yalbey wocol Dios yu'un. La xet' soc la yac'bey te jnopojeletique. Jich la yal: —Ja' jbaq'uetal in to, [te ya cac' ta lajel ta awentaic. Jich me xapasulayic swenta jna'jibal awu'unic —xi'.

San Mateo 13:22

In te awalil te c'ot ta ch'ixtiquil, ja' sc'oplal te mach'a ya yaiy stojol te Sc'op Diose, ja'uc me to, ya xlo'layot yu'un te c'ulejalile soc biq'uit nax yo'tan yu'un te bila swenta te balumilale. Jich jc'axel tenbil ya xc'ot ta yo'tan te Sc'op Diose. Jich ma ba ya sitin ta yo'tan.

1 Corintios 15:3

Ja' la calbeyex awaiyic neeluc te bila tulan sc'oplal caiyoj stojole. Ja' te bit'il laj yu'un jmultic te Cristoe, jich bit'il ts'ibubil jilel ta Sjun te Diose.

Efesios 5:16

Na'aic me stuuntesel te jujun c'aale, te melel ay amen ya xc'ax te jujun c'aale.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.