Gálatas 1:24 - Bible in Tzeltal de Oxchuc y Tenejapa

²⁴ Jich la yalbeyic bayal wocol Dios yu'un te bit'il jch'uunejixe.

Nuevo Testamento Tzeltal de Amatenango

²⁴ Y la yalbeyik kola yal Dios yuꞌun ta jtojol.

Bible in Tzeltal Bachajón

²⁴ Hich la yalbeyic bayel wocol Dios yu'un ta jcuenta.

Gálatas 1:24 Referans Kwoze

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

San Lucas 15:32

Ja'uc me to, snujp' te ya jpastic q'uine, yu'un ay sbujts' co'tantic. Melel te awijts'ine lajemix, ja'uc me to, cha'cuxemix. Jc'axel ch'ayem ta jc'op, ja'uc me to, la jtaix”, xi' te state —xi' ta yalel te Jesuse.

San Lucas 15:10

Ya calbeyex te jich nix bin nax yo'tanic te ch'ul abatetic yu'un Dios ta ch'ulchan teme ya sujt'es yo'tan yu'un smul te jtul jmulawile —xi' te Jesuse.

San Lucas 2:14

“¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

San Mateo 9:8

C'alal la yilic te ants-winiquetique, xiw yo'tanic yu'un. Jajch' yalbeyic wocol Dios yu'un te bit'il yich'oj tulan yat'el ta scoltayel te ants-winiquetique.

2 Tesalonicenses 1:12

Jich me ya x'ich'ot ta muc' sbiil a te Cajwaltic Jesucristoe. Soc jich me ay bayal yutsil ac'oplalic yu'un uuc ta swenta yutsil yo'tan te Dios cu'untique soc uuc te Cajwaltic Jesucristoe.

2 Tesalonicenses 1:10

Te c'alal ya xtale, ya me x'ich'ot ta muc' ta yolil te mach'atic ch'ul lum yu'un te Diose, soc jelawen yutsilal sc'oplal ya xbajt' yu'un ta spisilic te jch'uunjeletic yu'une. Jich te ja'exe, tey me ayex uuc a, te melel la ach'uunbotic te c'op te tal caltic awaiyique.

2 Corintios 9:13

Ya me yalulaybeyic yutsilal sbiil te Diose, yu'un ja' ya xchicnaj ya yilic a te coltayel te bit'il ach'uunejic spasel te bila ya yal te lec yach'il c'op yu'un te Cristoe. Soc ya me yalbeyic jelawen yutsilal Dios yu'un te bit'il ma p'isbiluc la awaq'uic te coltayel ya xtuun yu'unic soc spisil te yantique.

San Lucas 7:16

C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

Números 23:23

Tojol ya yich' boltesel sc'oplal ta controinel te Jacob; ma'yuc bila ya xju' yu'un ta stojol Israel te j'ac'-chameletique. Ta ora yo'tic ya sc'anix ya yich' albeyel te Israele: “¡Ma p'isbiluc jchajp señailetic spasoj Dios ta atojolic!” xi' me.

San Marcos 2:12

Jich jajch' ta ora. La stsac jajch'el te scajcante'e. Loc' bael ta yolilic. Q'uelel sitic ta spisilic. Bayal ayan yo'tanic yu'un, soc la yalbeyic wocol Dios yu'un: —Xujt' ma'yuc banti quilojtic in to —xiic.