Gálatas 1:17 - Bible in Tzeltal de Oxchuc y Tenejapa

¹⁷ soc ma ja'uc ba jc'opon ta lum Jerusalén te mach'atic neel yich'oj yat'elic cu'un ta jpuc-c'ope. Toj boon ta sq'uinal Arabia. Patil sujt'on tel ta lum Damasco.

Nuevo Testamento Tzeltal de Amatenango

¹⁷ ni ma ba jojkꞌoy ta Jerusalen te ba ay te apostoletik te nail kuꞌune. Ma jichuk, sinoke boon ta estado yuꞌun Arabia. Patil sujton tal ta Damasco.

Bible in Tzeltal Bachajón

¹⁷ soc ma ba mohon bahel ta Jerusalén ta stojol te jpuc-c'opetic te nahil ayic cu'un; bohon ta Arabia, ta patil cha'suhton tal ta Damasco.

Gálatas 1:17 Referans Kwoze

Gálatas 1:18

Yoxebalix ja'wil ta patil te boon ta Jerusalén. Tey la jna'bey sba a te Pedroe. Jich la join jba soc jo'lajuneb c'aal.

Hechos 9:2

La sc'anbey carta te ya xc'o yac'bey te mach'atic swentainejic te sinagogaetic ta bay lum Damasco, swenta yu'un jich me ya sle te mach'atic xch'uunejic te yach'il nopjibale, chican teme winiquetic o antsetic, te jich me chucul ya yic' tel ta Jerusalén.

Hechos 9:8

Te Saulo la stam sba jajch'el ta lum. Te c'alal c'an swic' te site, ma la yilix te q'uinale. Te sjo'taque la snitic ochel ta sc'ab ta bay lum Damasco.

Hechos 9:10

Ay jtul jnopojel tey a ta lum Damasco te Ananías sbiile, c'oponot yu'un Cajwaltic ta stelemal yilele. Jich albot yu'un: —Ananías —xi'. La sjac' te Ananiase: —Li' ayon to, Cajwal —xi'.

Hechos 9:19

Patil we', soc la xcha'yich' xan yip te sbaq'uetale. Ay c'aal jalaj ta sjoinel te jnopojeletic te ayic ta lum Damasco.