Gálatas 1:14 - Bible in Tzeltal de Oxchuc y Tenejapa

¹⁴ Ju'em cu'un xch'uunel te bila xch'uunejic te judioetique, c'ax jichon a te mach'atic pajal jch'iel soc ta bay te jlumale. C'axem to xan ma xcac' yanajuc te costumbre yu'un te me'il-tatiletique.

Nuevo Testamento Tzeltal de Amatenango

¹⁴ Te jun nax ayon sok a te juriyoetik, te joꞌone mas nail nail juꞌem kuꞌun ke te jlumale, te joy jba sok ta chꞌile. Porke ben bayal skꞌoplal ta koꞌtan te jkanantayej te skostumbreik te antibo jmeꞌ-jtate.

Bible in Tzeltal Bachajón

¹⁴ C'ax hich behbe yacon ta tohyel a ta scuenta judíohil te bin ut'il tsobol jlumal te pajal jcolel soc, como c'ax hich sc'oblal ta co'tan a te costumbrehetic yu'un te jme'jtate.

Gálatas 1:14 Referans Kwoze

Colosenses 2:8

Tsajtaya me abaic jiche, ma me xawac' slo'layex ta swenta sp'ijil sc'op nax ants-winiquetic soc te bila tojol c'op aiyejetic naxe. Ja' nax yich'ojic ta muc' te costumbre yu'un te ants-winiquetique soc te bila jowil nax snopojic ta balumilale, te ma ja'uc ta swenta te Cristoe.

Hechos 26:5

Te yacuc sc'an yo'tanique, ya xju' ya yalic te bit'il ta jqueremil to tel fariseoon. C'ax jich ya jtsajtay jba a te bila ch'uunbil yu'unic te jlumale.

1 Pedro 1:8

Te ja'exe c'ux ta awo'tanic te Jesucristoe, manchuc teme ma ba awilojbeyic sit. Soc manchuc teme ma ba ya awilic ta asitic ta ora to, ja'uc me to, jun nax awo'tan ach'uunejic. Jich jelawen nax yutsil sbujts' awo'tanic ya awaiyic yu'un ta c'axem to xan te ma xju' ta alel sc'oplale.

Hechos 22:3

—Te jo'one judioon uuc. Ayinon ta lum Tarso ta sq'uinal Cilicia, soc li' la quich' p'ijubtesel to ta Jerusalén. Ja' la sp'ijubteson te Gamaliele. La yac'bon jnop te bit'il ay ta ch'uunel spisil te mandalil yu'un te me'il-tatiletic cu'untique. Quich'oj ta muc' ta melel te Diose, jich nix bit'il awich'ojic ta muc' ta ora to te ja'exe.

San Mateo 15:6

ma yejt'aluc ya xc'uxtayix te sme'-state”, te xaexe. Jich ta swenta te costumbre awu'unique ma'yuquix sc'oplal ya xc'ot ta ch'uunel awu'unic a te bila yaloj ta mandal te Diose.

Hechos 26:9

“Ta neelal la jcuy te ya sc'an controinel te Jesús te Nazarete.

Jeremías 9:14

Tulan la yac' sbaic bael tey a te bay la sc'an yo'tanic, la xch'uunic te lotil diosetic, jich bit'il p'ijubtesotic jilel yu'un te sme'-statique.

Isaías 57:12

Ja'uc me to, ya jpucbat te ac'oplale, te acuyoj aba te mero tojate.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Jeremías 15:2

Teme ya sjojc'obat te banti ya xbajt'ique, albeya te bila ya cale: “Te mach'atic chapal sc'oplal te chamel ya yaiy xlaje, jich nix me ya xlaj abi; te mach'atic chapal sc'oplal ya xlaj ta guerra, jich nix me ya xlaj abi; te mach'atic chapal sc'oplal te wi'nal ya yaiy xlaje, jich nix me ya xlaj abi; te mach'atic chapal sc'oplal ya x'ic'otic bael ta mosoinel, ya nix me xbajt'ic abi”, uta me.

Hechos 21:20

Te c'alal la yaiyic stojole, la yalbeyic wocol Dios yu'un. Jich la yalbeyic te Pabloe: —Ilawil, quermano Pablo, ayix tsobol ta jmil te jlumaltic judioetic te xch'uunejiquix Jesús te bayal sc'oplal ta yo'tanic ta xch'uunel te mandalil yu'un te Moisese.

Levítico 13:16

“Teme ay bi ora cha'sacub xan yan buelta te yejch'en te ay ya'lel, te mach'a ay ta chamel, ya me xbajt' ta stojol sacerdote,