Gálatas 1:10 - Bible in Tzeltal de Oxchuc y Tenejapa

¹⁰ Te bit'il jich la calixe, ¿yu'un bal ja' ya jle awaiyic te bit'il lecuc jc'oplal ya xc'oon ta stojol te ants-winiquetique? ¿O ja' bal ya jle te lecuc jc'oplal ya xc'oon ta stojol Dios? ¿Yu'un bal acuyojic te ja' ya jmulan te lecuc jc'oplal yu'un te ants-winiquetique? Melel teme ja' ya jc'ane, yu'un nanix ma ja'uc yabaton a te Cristoe.

Nuevo Testamento Tzeltal de Amatenango

¹⁰ Te joꞌone ma jaꞌuk ya jle te lek jkꞌoplal yuꞌun te winketike, yuꞌun jaꞌ ya jle te lek jkꞌoplal yuꞌun te Diose. Teme jaꞌ ya jkꞌan te lek ayon sok te winketike, ma joꞌukonix a te yaj-aꞌtelon te Cristoe.

Bible in Tzeltal Bachajón

¹⁰ ¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Gálatas 1:10 Referans Kwoze

1 Tesalonicenses 2:4

Melel Dios la yac'bon ta jwenta yalel te lec yach'il c'ope, jich nix te bit'il yacon ta yalel ta bayuque. Melel ma ba yacon ta sleel te lecuc yo'tan cu'un te ants-winiquetique, ja' ya jle te lecuc yo'tan cu'un te Diose, te stuquel ya yaiybotic te co'tantique.

Hechos 5:29

Te Pedroe soc te yantic jpuc-c'opetic la yalic: —Puersa me ja' ya jch'uunbeytic smandal te Diose, ma ja'uc te winiquetique.

Efesios 6:6

Ac'a abaic ta abatinel, ma yejt'aluc te ya yilexe, jich bit'il te mach'atic ya sc'anic te lec ya x'ilot yu'un te ants-winiquetique. Jichuc me ta awo'tanic te ja' yabatex te Cristoe, socuc me awo'tanic ya apasic te bila ya sc'an yo'tan te Diose.

Santiago 4:4

¡Jmulawil ants-winic! ¿Yu'un bal ma x'ana'ic te mach'atic jun yo'tan sba soc te balumilale ja' scontroinejic te Diose? Mach'auc a te jun yo'tan sba soc te balumilale, yu'un nanix ja' spasoj ta contro a te Diose.

San Mateo 22:16

Jich la sticunic bael ta stojol cha'oxtul te jnopojeletic yu'un te fariseoetique soc cha'oxtul te mach'a jun yo'tan sbaic soc te Herodese. Jich tal yalbeyic te Jesuse: —Maestro, jna'ojtic stojol te bit'il puro smelelil te bila ya awale. Soc jna'ojtic te bit'il jamal ya awac' ta nopel te be yu'un te Diose. Ma'yuc mach'a te ya xiwat ta c'op ta stojol, te melel ma tsabiluc nax awu'un ta sit yelaw te mach'a ya awich' ta muq'ue.

Colosenses 3:22

Abatetic, ch'uunbeyaic spisil smandal te awajwalic te ayex ta abatinel yu'un li'to ta balumilal. Soc awo'tan at'ejanic ta swenta te awajwalique. Ma ja'uc nax te c'alal ya yilex te lec ya x'at'ejex ta stojol. Junuc nax me awo'tanic ta stojolic. Ja' me x'axi'ic te Diose.

Romanos 2:29

Ja' mero judio-winic te mach'a jich ay ta yo'tan soc te mach'a yich'oj ta yutil yo'tan te circuncisione. Melel ja' ya x'at'ej ta o'tanil stuquel te Espíritu yu'un te Diose, ma ja'uc ya x'at'ej te bila ts'ibubile. Te mach'a jich ay te yo'tane, lec sc'oplal ya xc'ot yu'un te Diose, ma ja'uc lec sc'oplal ya xc'ot yu'un te winiquetique.

1 Juan 3:9

Spisil mach'a ayinem ta stojol te Diose, ma ba ya yat'elin sleel smul, melel jc'axel ja' sts'umbalinej te Diose. Jich ma xju' ya sleulay smul, yu'un ayinemix ta swenta te Diose.

2 Corintios 12:19

Ay niwan ya awalic te ja' nax ya jcoltay jba ta c'op ta atojolic, ja'uc me to, ma jichuc. Smelelil yacotic ta c'op ta swenta te Cristoe soc ta stojol te Diose. Quermanotac, te bayal c'uxex ta co'tantique, spisil te bila ya caltique, swenta yu'un ya me sta xan yip awo'tanic ta stojol Diose a.

Romanos 2:8

Yan te mach'atic toybaetique, ya me x'ac'bot castigo soc yilimba Dios, yu'un ma xch'uunic te smelelil c'ope, soc te ja' nax baem ta yo'tanic spasel te bila ma lecuque.

Romanos 1:1

Jo'on Pabloon, yabaton te Jesucristoe. La yic'on ta jpuc-c'op, tsabilon ta swenta yalel te lec yach'il c'op yu'un te Diose.

1 Corintios 10:33

Jich bit'il ya jpas te jo'one, ja' ya jpas spisil te bitic lec yo'tanic yu'un te yantique. Ma ja'uc ya jle jtuquel nax te cutsilale. Ja' ya jlebey yutsilal spisil te ants-winiquetique, swenta yu'un jich me ya xcolic uuc.

San Mateo 28:14

Soc teme la yaiy stojol te ajwalile, jo'otic me ya xba c'opojucotic awu'unic. Jich me ma'yuc awocolic ya xc'oex —xiic.

1 Samuel 21:7

Jich ora te ay jtul abat yu'un a te Saúl, jilem ta ch'ul awilal ta scaj te ay bi jalajtesbil yu'une. Edom-winic stuquel, Doeg sbiil, ja' swentainej te jcanan-chijetic yu'un Saúl.

Hechos 12:20

Te muc' ajwalil Herodese ilinem yo'tan yu'un te lum Tiro soc te lum Sidone. Jich te lume tal xchap sc'opic soc te Herodese. Ja' neel la sc'anbeyic te Blasto te swentainejbey sna te muc' ajwalil, te yacuc xcoltayotic ta c'op yu'une. La yalbeyic wocol te muc' ajwalil te yacuc xjunaj yo'tan sbaique, melel ta bay smaquen-q'uinal te ajwalile tey ya sta swe'elic ta spisilic a te slumalique.

San Mateo 6:24

“Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

Filipenses 1:1

Jo'on Pabloon soc te Timoteo te abatotic yu'un te Jesucristoe, ya jpatbeyex awo'tanic ja'ex te ch'ul lumex yu'un te Diose soc te jun ayex soc te Cristo Jesús, te ayex ta lum Filipos soc te jwentainwanejetic awu'unic soc te diaconoetique.