Filipenses 1:9 - Bible in Tzeltal de Oxchuc y Tenejapa

⁹ Jich ya jc'an ta sc'oponel Dios te yacuc xtoy ta c'axem to xan te c'ux ya awaiy abaic ta awo'tanique, soc te yacuc ata bayal sp'ijil awo'tanic soc spisil te bila ay ta na'ele.

Nuevo Testamento Tzeltal de Amatenango

⁹ Ya jkꞌan ta skꞌoponel Dios te yakuk xjul ta mas te skꞌuxul awoꞌtanike, sok bayal pꞌijilil, y sok spisil rasonil.

Bible in Tzeltal Bachajón

⁹ Ha ya jc'opombeyex Dios yu'un te behbehuc yac ta p'ohlel te sc'uxul awo'tanic yu'un te bintic ay ta na'el soc sna'beyel scuentahil,

Filipenses 1:9 Referans Kwoze

1 Tesalonicenses 3:12

Te Cajwaltique, ac'a me yesmantesbeyex ta c'axem to xan te bit'il c'ux ya awaiy abaic ta awo'tanic ta juju-jtulexe, soc te c'ux me ya awaiyic ta awo'tanic uuc spisil te yantique, jich nix te bit'il c'ux ya caiytiquex ta co'tantic uuc te ja'exe.

Colosenses 1:9

Ja' swentail te jajch' jc'oponbeyex Dios te bi c'aalil la caiytic stojole. Xujt' ma jcom jbatic ta sc'anel ta stojol Dios te yacuc yac'beyex ana'ic ta lec te sc'anjel yo'tane, soc te yacuc yac'beyex ana'ic stojol spisil ta jchajp te bila ya xju' ta na'el stojol awu'unique, soc te yacuc yac'beyex sp'ijil awo'tanic ta swenta te Espiritue.

Filemón 1:6

Ya jc'oponbat Dios, te bit'il ya apucbey sc'oplal te xch'uunjel co'tantique, te yacuc xc'ot ta awo'tan ta lec te bit'il ay sc'oplal spisil te bendición te ayix ta jwentatic yu'un te Cristo Jesuse.

Colosenses 3:10

C'u'inaic me te yach'il acuxlejalic te yanyan ta ach'ubele, ja' to teme pajal c'oex soc te Jpaswaneje, yu'un jich me ya ana'beyic sba ta lec.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

2 Corintios 8:7

Jich yu'un te ja'exe, c'ax jich ju'emix awu'unic te bit'il yantique. C'ax jich ay xch'uunjel awo'tanic, soc c'ax jich ya ana'ic c'op, soc p'ijubenex ta lec, soc c'ax jich toyol awo'tanic, soc c'ax jich c'uxotic ta awo'tanic. Jich yu'un ya sc'an te c'ax jich ya atsobic te coltayel te bit'il te yantique.

1 Corintios 14:20

Quermanotac, ma me jichuquex te bit'il alaletic te ma to sna'ic q'uinale. Ja' lec teme jichex te bit'il alaletic te ma'yuc bila amen ay ta yo'tanique. Ja'uc me to, muc'ul ants-winicuquex me ta snopel te bila leque.

2 Tesalonicenses 1:3

Quermanotac, spisil ora ya calbey wocol Dios ta awentaic yu'un te bit'il yac ta esmajel xch'uunjel awo'tanic, soc te bit'il talel c'axel c'ux ya awaiy abaic juju-jtulex soc te yantique.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

Hebreos 5:14

Yan te tulan we'elile, ja' ya stuuntesic te mach'atic muc'ul ants-winique. Melel te mach'atic jich c'oemique, p'ijubeniquix ta sna'el te bila leque soc te bila ma lecuque.

Efesios 5:17

Jich yu'un ma me boluquex. Na'aic me spasel te bila ya sc'an yo'tan te Cajwaltique.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

1 Tesalonicenses 4:1

Jich yu'un quermanotac, ya calbeyex wocol soc ya jtac'uyex ta swenta te Cajwaltic Jesuse. Jich bit'il la cac'beyex anopic te toj ya awac' abaic ta q'uinale, swenta yu'un jich me lec yo'tan awu'unic te Diose, jich c'axem to xan toj me xawac' abaic spisil ora.

Job 17:9

Ya yaq'uic puersa ta yalel te toj yo'tanic stuquelic, soc te ma'yuc smul te sc'abique.

Salmos 119:66

P'ijubtesawon ta lec te yacuc jna' jtsajtaybel jba, soc ac'bon ta co'tan te p'ijil c'ope, melel smuc'ulinej co'tan te mandaliletic awu'une.