Filipenses 1:8 - Bible in Tzeltal de Oxchuc y Tenejapa

⁸ Ja' testigo cu'un te Diose te bayal c'uxex ta co'tan ta apisilique, jich nix te bit'il c'ax bayal c'uxotic ta yo'tan ta jpisiltic te Jesucristoe.

Nuevo Testamento Tzeltal de Amatenango

⁸ Yuꞌun Dios snaꞌoj te bayal kꞌuxex ta koꞌtan ta apisilik, jich tutꞌil kꞌuxotik ta yoꞌtan te Kajwaltik Jesucristoe.

Bible in Tzeltal Bachajón

⁸ Ha testigo cu'un te Dios te bayel yac jna'belex apisilic ta scuenta te yutsil sc'uxul yo'tan te Jesucristo.

Filipenses 1:8 Referans Kwoze

Filipenses 4:1

Jich yu'un, quermanotac te c'uxex ta co'tane, ma xch'ayex ta co'tan. Ja'ex ya awac'bon sbujts' co'tan, soc ja' jcoronaex. Junajuc me awo'tanic ta xch'uunel te Cajwaltique, ja'ex te c'uxex ta co'tane.

Romanos 1:9

Melel te Diose, te jun nax co'tan cac'oj jba ta abatinel yu'un te ya calbey sc'oplal ta bayuc te Snich'ane, ja' testigo cu'un te spisil ora ya jna'ex te c'alal ya jc'opon te Diose.

2 Timoteo 1:4

Spisil ora ya xjul ta co'tan te bit'il bayal oc'at cu'une. Toyol co'tan te yacuc quilbat xan asit. Jich me ya xbujts'naj xan ta lec co'tan awu'un.

1 Tesalonicenses 2:8

Te bit'il bayal c'ux la caiyex ta co'tane, bin nax co'tan ta xcholel ta atojolic te lec yach'il c'op yu'un te Diose. Soc bin nax co'tan yu'un te la cac' jcuxlejal ta awentaique, yu'un c'axem to xan c'uxbajex ta co'tan la caiy.

Romanos 9:1

Melel te bila ya cal ta stojol Cristo, ma jlotuc. Te co'tan a, wentainbil yu'un te Ch'ul Espiritue, ya yalbon te ma jlotuc te bila ya cale.

Filemón 1:12

Jich la jticunbatix tel ta atojol. Ic'a me ta atojol. Ja' me la awic'onix ta awo'tan abi.

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

Colosenses 2:1

Ya jc'an te ya ana'ic stojol te bit'il tulan yacon ta at'el ta jcoltaybelex ja'ex soc uuc te quermanotactic te ayic ta lum Laodicea, soc spisil te quermanotactic te ma ba yilojbonic jsite.

Gálatas 4:19

Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

Gálatas 1:20

Melel xcal ta stojol te Diose, ma yu'unuc jlotuc te bit'il la jts'ibubeyex awilique.

2 Corintios 7:15

Jelawen to xan c'ux ya yaiyex ta yo'tan ta ora to, te melel ya sna'ulay te bit'il la ach'uunbeyic smandal ta apisilic, soc te jun awo'tanic la awic' ta atojolic, soc te bit'il la awich'ic ta muq'ue.

2 Corintios 6:12

Ma'yuc banti xchebet co'tantic ta atojolic. Ja'ex atuquelic te xchebet awo'tanic ta jtojoltique.

San Lucas 1:78

Melel ta swenta xc'uxul yo'tan cu'untic te Diose, te ya yac' loc'uc tel c'alal ta ch'ulchan te mach'a ya yac' sacubuc q'uinal ta jtojoltic,

Isaías 63:15

Cajwal, ila me awil c'alal ta ch'ulchan, c'alal ta xch'ul yutsil awilal te bay ayate. ¿Banti ay te toyol awo'tan ta jtojoltic? ¿Banti ay te awipe? ¿Banti ay te ya ana' yo'bolil jbatique? ¿Yu'un bal ma'yuquix te xc'uxul awo'tan ta jtojoltique?

Isaías 16:11

Te co'tan ya x'ajc'anaj jichuc sc'op arpa ta swenta Moab soc ta swenta Kir-hareset.

1 Juan 3:17

Te mach'a ay bila ay yu'un li' ta balumilal to, teme ya yil te yermano te ma'yuc bi ay yu'une, teme ma ba ya xc'uxtaye, yu'un nanix ma c'uxuc ya yaiy ta yo'tan a te Diose.

Filemón 1:20

Jich yu'un quermano, jich me xapasbon ta swenta bit'il ach'uunej te Cajwaltique. Bujts'nantesbon co'tan ta swenta bit'il quermano jbajtic ta stojol te Cristoe.

1 Tesalonicenses 2:5

Melel ana'ojic stojol te ma la jmonex ta lo'layel ta t'ujbil c'op. Soc ma la jle te bila ya xju' ya jlo'laybeyex ataq'uinic ae. Ja' testigo cu'un te Diose.

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

Filipenses 2:26

Soc toyol yo'tan te ya yilbeyex xan asitique, melel la smel yo'tan yu'un te awaiyojic stojol te ay ta chamele.

Filipenses 2:1

Jich yu'un teme muc'uben q'uinal ya awaiyic yu'un te Cristoe, soc teme muc'uben q'uinal ya awaiyic yu'un te bit'il c'uxex ta yo'tane, soc teme sjoinejex te Espíritu yu'une, soc teme bayal c'ux ya awaiy abaique,

2 Corintios 13:9

Ya xbujts'naj co'tantic yu'un te bit'il ma'yuc quiptique, teme ay awipic atuquelic te ja'exe. Soc ja' ya jc'anbeytic Dios te jc'axel lec ya xc'oexe.

Job 16:19

Ay wan mach'a ay ta ch'ulchan te lec jc'oplal ya yalone,

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.