Filipenses 1:7 - Bible in Tzeltal de Oxchuc y Tenejapa

⁷ Ja' lec te jich ya jna'ex ta co'tan ta apisilic te melel ayex ta co'tan ya caiy. Melel pajal ay yutsil yo'tan Dios cu'untic ta jpisiltic. Manchuc teme chuculon li'to o teme ya quich' tejc'anel ta stojol te ajwaliletique, ya me xc'opojon yu'un te lec yach'il c'ope. Tey me ya cac' ta na'el a te ma lotil c'opuc stuquele.

Nuevo Testamento Tzeltal de Amatenango

⁷ Ben lek ya kaꞌiy te jich ayex ta koꞌtan ta apisilik te jaꞌexe, porke ben jkꞌanojex ta koꞌtan. Porke pajal kichꞌojtik mismo bendisionetik, aunke liꞌ ayonix ta prexo to, o manchuk me ya kichꞌ ikꞌel ta stojol te jꞌuꞌeletike yuꞌun jich me ya jkoltay jba y ya kal te skꞌoplal te kolele.

Bible in Tzeltal Bachajón

⁷ Ha lec te hich ya ca'iyex ta co'tan ta apisilic, yu'un ayex ta co'tan; yu'un teme ayon ta cárcel o teme ya xc'opojon yu'un te lec yach'il c'op soc te ya cac' ta na'el te ha melel, pajal quich'beyejtic yutsil yo'tan te Diose.

Filipenses 1:7 Referans Kwoze

2 Corintios 7:3

Ma yu'unuc ya calbeyex te ay amulic ta jtojole. Melel calojbeyex ta neelal te ayex ta co'tane, manchuc teme ya xcuxinotic, manchuc teme ya xlajotic.

Filipenses 1:5

Yu'un ya jna' te bit'il jun nax ayotic ta spuquel te lec yach'il c'op ta xjajch'ibal ja' to ta ora to.

2 Timoteo 2:9

Ja' ta swenta in lec yach'il c'op to te ayon ta woclajele. Melel chuculon ta cadena jich bit'il te mach'a baquel mulil staoj ta stojol te ajwalile, ja'uc me to, ma xju' ta chuquel stuquel te sc'op Diose.

Colosenses 4:18

Ja' in to, ja' spatjibal xan awo'tanic cu'un jo'on te Pabloone te la jts'ibuy ta jc'ab jtuquel. Na'aic me te ayon ta chuquele. Te Diose ac'a yac'beyex te yutsil yo'tane. Jichuc.

Filipenses 4:14

Ja'uc me to, lec te la ana'onic te bit'il ay jwocole.

Efesios 6:20

Dios sticunejon ta c'op ta stojol te ants-winiquetique. Ja' swentail te ayon ta chuquel ta cadena ta ora to. C'oponbonic Dios te ma ba xiw co'tan ta xcholele.

Efesios 3:1

Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

Hechos 20:23

Jna'oj stojol te ya yalbon jc'oplal te Ch'ul Espíritu ta bay spisil te lumlumtic te yacon ta beel te ya smaliyon chuquel soc woclajel.

1 Juan 3:14

Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

2 Pedro 1:13

Te bit'il cuxulon toe, ay ta jwenta te ya jtac'uyexe.

1 Pedro 4:13

Jich yu'un bayaluc me sbujts' awo'tanic yu'un uuc te bit'il ayex ta woclajele, jich bit'il woclaj stuquel te Cristoe. Jich me c'axem to xan ya xbujts'naj awo'tanic yu'un te c'alal ya xchicnaj tel soc yutsilal ya awilique.

Hebreos 3:1

Jich yu'un, quermanotac te ch'ultesbilexe soc te pajal ic'bilex yu'un te Diose, swenta yu'un ya yu'uninex, ja' me ac'a bajt'uc ta awo'tanic sna'el te Cristo Jesús te ja' mero Jpuc-c'op soc te ja' Muc' Sacerdote cu'untic te jch'uunejtique.

2 Timoteo 1:8

Jich yu'un ma me xq'uexawat yu'un te ya awalbey sc'oplal te Cajwaltique; soc ma me xq'uexawat cu'un uuc te bit'il ayon ta chuquel ta swenta. Ts'ica awocol uuc te melel pajal ya jta jwocoltic ta swenta te lec yach'il c'op te ya caltique. Ja'uc me to, ya scoltayotic ta swenta yu'el te Diose.

1 Tesalonicenses 5:5

Melel te ja'exe ayex ta swenta te saquil q'uinale soc te c'aleltique. Jpisiltic ma'yucotic ta swenta ajc'ubal soc ijc' q'uinal.

Colosenses 4:3

C'oponbotic me Dios uuc te jo'otique, swenta yu'un Dios me ya sjambotic be te ya jcholtic te sc'ope, soc te ya xju' ya caltic te muquen c'op yu'un te Cristoe. Ja' swentail te ayon ta chuquel yu'une.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

Gálatas 5:6

Melel ta swenta te Cristo Jesuse, jich ma'yuc sc'oplal teme quich'ojtic circuncisión o teme ma ba quich'ojtique. Te bila ay sc'oplale, ja' te ay xch'uunjel co'tantique. In te xch'uunjel co'tantique, ya yac' cuxinucotic soc xc'uxul co'tantic.

2 Corintios 3:2

Ma jichuc. Melel ja'ex atuquelic te carta c'oemex cu'untique. Ts'ibubil ta co'tantic te tey ya xju' ya yilic a soc ya sna'ic stojol spisil te ants-winiquetique.

1 Corintios 13:7

Spisil ya xcujch' yu'un, spisil ya xch'uun, spisil ya smaliy, soc spisil ya sts'ijc' yu'un.

1 Corintios 9:23

Jich ya jpas spisil in to, ta scaj te sc'oplal colel, swenta yu'un jich ya xcolon uuc te jo'one.

Hechos 21:33

Te c'alal c'ot te coronele, la yac' ta tsaquel ta ora te Pabloe. La yal mandal ta chuquel ta cha'lijc' cadena, soc la sjojc'obey te mach'a a te winique soc te bila amen spasoje.

1 Pedro 5:1

Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe.

Filipenses 1:12

Quermanotac, ya jc'an te ya ana'ic stojol te bila pasbilon ta ora to. Ja'uc me to, ja' ya scoltayon xan ta yalel te lec yach'il c'ope.

Filipenses 1:13

Te bit'il ayon ta chuquel ta swenta te Cristoe, jich sna'ojic stojol te soldadoetic yu'un te pretorioe, soc tsobol yantic ants-winiquetic.

Filipenses 1:14

Jteb ma spisiluc quermanotactic te toyol yo'tanic ta yalel sc'op Dios yu'un te bit'il ayon ta chuquele. Ma xiwic ta yalel, soc ay stulanil yo'tanic ta swenta te Cajwaltique.

Filipenses 2:22

Te ja'exe awilojiquix te bi yilel yutsil yo'tan te Timoteoe. Jich bit'il jnich'an c'oem te la scoltayon ta at'el soc la sjoinon bael ta xcholel te lec yach'il c'ope.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Filipenses 4:15

Melel ana'ojic stojol te ja'exe, filipoetic, ma'yuc yan jch'uunjeletic te la scoltayon a te c'alal jajch' ta puquel te lec yach'il c'ope. Ja'ex nax atuquelic te la aticunbonic jcoltayel te c'alal la quijq'uitay jilel te sq'uinal Macedoniae.

Filemón 1:13

La sc'an co'tan te yacuc quic' join li'to te jichuque, swenta yu'un ja' ajelol ta abatinel cu'un ya xc'ot te bit'il ayon ta chuquel ta swenta te lec yach'il c'ope.