Filipenses 1:6 - Bible in Tzeltal de Oxchuc y Tenejapa

⁶ Xch'uunej co'tan te Dios ya sju'tes te lequil at'elil te la sjajch'es ta pasel ta awo'tanic, ja' to te bi ora ya xtal te Jesucristoe.

Nuevo Testamento Tzeltal de Amatenango

⁶ Seguro ayon yuꞌun Dios, te la slijkes ta pasel lekil aꞌtel ta atojolik, ya me sjuꞌutes slekil yaꞌtel jaꞌ to te tut kꞌaalil ya sujt tal te Jesucristoe.

Bible in Tzeltal Bachajón

⁶ Sch'uhunej co'tan te mach'a la shach te lequil a'tel ta atojolic, ya me shu'tes bahel ha to c'alal ya sta sc'ahc'alel yu'un te Jesucristo.

Filipenses 1:6 Referans Kwoze

Filipenses 2:13

Melel yac ta at'el ta awo'tanic te Diose. Ja' me ya yac' ta awo'tanic sna'el te bila lec yo'tan yu'une, soc ya me scoltayex ta spasel.

Efesios 4:12

Swenta yu'un jich me ya xtojobic a te mach'atic ch'ul lum yu'un Dios te ya spasic te at'ele, soc swenta yu'un jich me ya xmuc'ub a te jch'uunjeletic yu'un te Cristoe.

1 Pedro 5:10

Ja'uc me to, ay bayal yutsil yo'tan awu'unic te Diose. La yiq'uex swenta yu'un ya me ajoinic ta utsilal sbajt'el q'uinal te Jesucristoe. Jich yu'un teme ts'ijc' awu'unic jun chebuc c'aale, ja' nix Dios te ya stojtesexe. Ya me yac' junajuc awo'tanic, ya me yac'bat yip awo'tanic, soc ya me snactsanbeyex awo'tanic.

Salmos 138:8

Te Cajwaltic bayal me yutsil ya yac' c'otuc ta pasel ta jtojol te yat'ele. Cajwal, sbajt'el q'uinal ay te xc'uxul awo'tan; ts'acal me xapas te bila jajch'em ta pasel awu'une.

1 Corintios 1:8

Ja' me ya yac'beyex yip awo'tanic, ja' to c'alal ta slajibal c'aal. Jich me ma'yuc amulic ya xjul staex te Cajwaltic Jesucristoe.

2 Tesalonicenses 1:11

Ja' swentail te spisil ora ya jc'oponbeyex Dios ta atojolique. Ja' ya jc'anbeytic te Dios te yic'ojex ta stojole, te yacuc xju' awu'unic xch'uunel te Diose, soc te yacuc xju' awu'unic spasel ta swenta yu'el spisil te bila lec te ay ta awo'tanique, soc spisil te at'el ya apasic ta swenta te xch'uunjel awo'tanique.

Hebreos 10:35

Ma me xch'ay awu'unic te bit'il jun awo'tanic ta stojol te Diose, melel ya me x'ac'botex muc' amajt'anic yu'un.

San Juan 6:29

Te Jesús jich la yalbey: —Ja' in to: Ja' yat'el Dios teme ya ach'uunonic te ticunbilon tel yu'une —xi'.

Filipenses 1:10

Jich me ya xju' awu'unic stsael spisil ora te bila lec ta pasele, jich me ma'yuc amulic te cuxulex ta q'uinale, soc ma'yuc bi quechel ta awentaic a te c'alal ya xtal te Cristoe.

Hebreos 12:2

Ja' me ya jtojlintic ta ilel te Jesuse te la yac'botiquix quiltic te bit'il ya sc'an ya cac' xch'uunjel co'tantic ta stojol te Diose, soc te ya yac' ju'uc cu'untique. Melel te Jesuse soc sbujts' yo'tan la sts'ic swocol ta milel ta cruz, soc ma'yuc sc'oplal ta yo'tan te sq'uexlal te lajel ta cruz. Yu'un sna'oj stojol teme c'ax swocole, ya me sta bayal sbujts' yo'tan yu'un ta patil, soc la snajc'anix sba ta swa'el smuc'ul nactijib te Diose.

1 Tesalonicenses 1:3

Ja' ya xjul ta co'tan te bit'il ay xch'uunjel awo'tanic ta stojol te Jtatic Diose, soc te bit'il awac'oj abaic ta abatinel soc te xc'uxul awo'tanique, soc te bit'il jun awo'tan yaquex ta smaliyel te bi ora ya xtal te Cajwaltic Jesucristoe.

Filemón 1:21

La jpasbat tel te june yu'un xch'uunej co'tan te ya ach'uun spasel te bila la calbate. Ya jna' te c'ax jich ya apas te bit'il la calbate.

Filipenses 1:29

Te melel ma ja'uc nax ac'botex ta awentaic xch'uunel te Cristoe, ja' ac'botex ta awentaic uuc te ya xc'ax awocolic ta swentae.

2 Tesalonicenses 3:4

Xch'uunej co'tantic ta swenta te Cajwaltique, te yacalex ta spasel te bila la calbeyex ta mandale, soc te jich nix ya apasic bael spisil ora.

Colosenses 2:12

Yu'un la awich'ic muquel soc Cristo te bit'il ac'botex awich'ic ja'e. Soc la awich'ic cha'cuxesel soc te Cristoe, yu'un ach'uunejic te bit'il Dios la xcha'cuses tel ta yu'el ta bay animaetic te Cristoe.

2 Corintios 7:16

Ta ora to, ayix smuc'ul co'tan awu'unic soc bayal bujts'najemix co'tan.

Hechos 11:18

Te c'alal la yaiyic stojol spisil in to te mach'atic la stijic ta c'op te Pedroe, ch'abic ta c'op yu'un soc la yalbeyic jelawen yutsil sc'oplal te Diose. Jich la yalic: —¡Dios la yac'beyix sujt'es yo'tanic yu'un smulic te jyanlumetique, swenta yu'un jich me ya xcuxinic sbajt'el q'uinal uuc! —xiic yu'un.

Hechos 16:14

Ja'uc me to, ay jtul ants te tey ay a, Lidia te sbiile, te talem ta lum Tiatira. Ja' yat'elinej xchonel te t'ujbil tsaj'aman pac' te bayal stojole. In ants to, ja' yich'oj ta muc' te Diose, jich jambot yo'tan yu'un te Cajwaltique. La yaiy stojol te bila la yal te Pabloe.

Gálatas 5:10

Xch'uunej co'tan te ma'yuc yan te bila ya anopic ta swenta te Cajwaltique. Ja'uc me to, Dios me ya yac'bey castigo te mach'a ya xchebantesbeyex awo'tanique. Chican mach'a a.

2 Pedro 3:10

Ma na'biluc cu'untic te bi c'aalil ya xtal te Cajwaltique cu'untic, jich bit'il ma na'biluc cu'untic te ay ajc' nax ya xtal j'elec' ta ajc'ubale. Te bi c'aalil ya xtal te Cajwaltique, xnililet nax me ya xlaj bael te ch'ulchane. Soc ya me xlilaj ta c'ajq'uel spisil te c'aale, te ue, te eq'uetique. Soc te balumilale ya me xlaj ta chiq'uel soc spisil te bitic ay tey ae.

2 Corintios 9:4

Ma me ja'uc a te ay cha'oxtul ya sjoinon tel te macedoniaetique teme ma chapaluquex ts'iin te ya xc'o jtatiquexe. Ya me xq'uexawotic awu'unic teme ma chapaluquexe, yu'un jun co'tantic awu'unic te bit'il la caltic ac'oplalique. Soc te ja'exe tey me ya ataic muc'ul q'uexlal uuc a.

2 Corintios 2:3

Ja' swentail te la jts'ibubeyex acartaic, swenta yu'un ma ba ya awac'bonic jmel co'tan teme talon ta atojolique. Yu'un ja' ya sc'an te ya awac'bonic bujts'najuc co'tan te ja'exe. Ja' ay ta co'tan te ya me xbujts'naj awo'tanic uuc teme ay sbujts' co'tan te jo'one.

2 Corintios 1:15

Te bit'il jich ay ta co'tane, ja' swentail te neel c'an ba quilex swenta yu'un jich me ya ata sbujts' awo'tanic cheb buelta a te jichuque.

Filipenses 2:12

Jich yu'un, quermanotac te bayal c'uxex ta co'tane, jich te bit'il la ach'uunbonic jmandal spisil ora te c'alal joinejex to ae, c'axem to xan ch'uunbonic me jmandal te bit'il q'uejel ayonixe. Ayuc me sc'oplal ta awo'tanic te acolelique. Xiwanic me, soc nijc'uc me awo'tanic.

Filipenses 2:16

Jich yu'un q'ueja me ta awo'tan te sc'op Dios swenta cuxinele. Jich me bin nax co'tan awu'unic ta stojol Cristo te c'alal ya xtale, melel jna'oj te ma tojoluc te beenone soc ma tojoluc te la cac' jwocol ta at'el ta atojolique.